مسيره ضخمه فى جامعة القاهره بشكل جديد يربك حسابات الأمن

عسل أسود كتب:

لى رد طويل جدا على الموضوع

لكن قبل أى شىء عاوز اطمن على دكتور خالد
لو حد هنا يقدر يطمنا عليه يقولنا

وبعدها ابقى اقول ردى وإعجابى

مصرى بجد كتب:

يا هتيفه يا بتوع الهتاف

العيال دول قابضين فلوس علشان يعملوا كده

كلهم بتوع فلوس وشغالين لحساب جهات خارجيه

عاوزين يدمروا البلد

إيران بتدفع فلوس وبتمولهم وإلا عمرهم ما كانوا هيتجرأوا ويكون كلامهم جرىء كده

كنت فى الجامعه

ومحدش يقدر يشتم رئيس جمهوريه كده إلا إذا كان له رئيس تانى بنتمى له

هم هم نفس الهتيفه

النهارده فى جامعة القاهره

وبكره عند رفح علشان يساعدوا إرهاب حماس وبعده هيروحوا إسكندريه علشان اكل العيش لو فى مظاهره

انتم مرتزقه وكذابين

طلاب مرتزقه وبيقولوا على نفسهم احرار وعجب

د- نيفين كتب:

يا جماعه شايفين دى نهاية الجماعات المتشدده

هقول وجهة نظرى

لكن الاول أسمحولى أرفع القبعه للشباب اللى عملوا المظاهرات دى

انا كنت مفكراهم عيال بصراحه ههههههههههه

بس متزعلوش منى يا جماعه

انا هقول كلمه بمناسبة الخناقه اللى حصلت بين سجده وعسل أسود على الرغم من أنهم هم الاتنين مش عاجبهم النظام الحالى

وعلى الرغم من ان أنتم بتقولوا ان الإخوان مشاركوش والكلام ده

بس انا شايفه يا سجده ان ده شىء تفخرى بيه أن الاخوان مشاركوش فى أحداث شغب زى دى

خصوصا انى تابعت الموضوع وان المفروض ان القرار هيتنفذ فعلا لكن هياخد وقته

لكن هم غاويين بروباجندا وخلاص

علشان كده دى تعتبر أشياء خارجه عن القانون

وبرضه رغم كل اللى عملوه ده الامن مضربش واحد منهم ولا عمل فيه حاجه وده يدل على قمة الحريه

وجمال عبد الناصر اللى هم رافعين صوره هو اكتر واحد كان بعتقل الناس واكبر ديكتاتور فى العالم

علشان بس تعرفوا يا جماعه أن التشدد وحب المعارضه هو جين فى أصحابه وصعب اصلاحهم جدا

يعنى حتى لما الجامعه اللى هى منتميه ليها قررت انها متشاركش فى اعمال الشغب هى مش عاجبها وكان ده شىء وحش او شتمه مثلا

والأستاذ عسل أسود شايفه ان كلامك خيالى شويه

يعنى أيه مش بتسعى للجنسيه الأمريكيه ؟؟

يعنى انت لو طولت تاخدها هتقول لا ؟ هههههههههههه

صعب اوى حضرتك

عامة انا سعيده النهارده لان سجده ورتنا الاخوان لو مسكوا مصر هيعملوا فيها أيه ؟؟

مش هيقبلوا حتى حد ينقضهم ولو نقض بسيط وهم نازلين تقطيع فى الرئيس العظيم حسنى مبارك رجل الحريه الذى لم ولن توجد حريه الا فى عصره

أما ما هلل له دكتور خالد وفرح اوى بيه فها نحن نرى نتائجه صراعات وخناقات

وكل هذه امثله تدل على أن الحزب الوطنى والرئيس مبارك هو الأصلح وهو الاجدر

اما الباقيين فهم يتصارعون على الفتات