مدرسة المشاغبين

جميييييييييييييل الموضوع يا لحظة .. وعلى فكرة أنا سعيده جدا إنى هحكى وبمنتهى الشجاعة عن الشغب اللى كنت بعمله وأنا فى المدرسه .. بصراحه أنا كنت تخصص فى عمل مقالب فى المدرسين وانا فى ثانويه عامه كان عندنا أستاذ بيمنع اى حد يدخل بعده .. فانا دخلت الفصل متأخر .. لاننا كنا فى البريك .. بمنتهى قلة الذوق لقيته بيقولى براااااااااااااااااه .. طبعا رديت عليه بمنتهى الثقة .. أنا مش عوزة أدخل لانى مش من الفصل.. أنا جيت أبلغك إن المدير عوز حضرتك حالا .. طبعا نزل مرعوب .. قمت دخلت الفصل .. ولما رجع كان مشرور جدا .. وأما لقانى قاعدة .. قالى انتى ايه اللى دخلك .. قلت له انا موجوده يا مستر من أول الحصه .. قالى مش انتى اللى قولتى المدير عوزك ..أنكرت .. وعملت نفسى مستغربه .. ولما بص للبنات .. قالو له لا يامستر .. مش هى .. التانيه اللى جت مكنتش من الفصل أصلا .. طبعا ملقاش قدامه غير انه يصدق .. وبعد الحصه.. رحت اعترفت له بالحقيقه .. بس هو تقبل الموقف وضحك