حدوتة مصرية

من طرف monmona الثلاثاء 07 ديسمبر 2010, 4:41 pm

حدوتة مصرية

أصل أنا حدوتة مصرية.. حياتى أبسط مما يكون.. من قرية ف الريف صعيدية.. عايش حياتى ع المضمون.. مفهاش أمور سياسية.. أنا أصلى طيب وابن أصول.. ولا كنت يوم وش أذية.. ممكن ساعات أكون غضبان.. بس الأسية دى منسية.. أصل أنا حدوتة مصرية.. ودخلت علينا الانتخابات.. وماليش بطاقة وردية.. شوفت الكشوف كلها حكايات.. والموتى صوتوا بالنية.. والحاج عبده راح للزراعات.. ما هو علموله الأفندية.. اطبخ ورينا الطبخة يا واد.. ولا فيش رقابة قضائية.. أصل أنا حدوتة مصرية.. شارد وتايه وسط الكون.. وساعات بحس بسلبية..
لكن الحقيقة إن أنا مظلوم.. الفرصة مش ف إيدى قوية.. ما الكوسة ملت الدنيا ف يوم.. غير الضماير مرمية.. دى الكوسة من غير أى ظنون.. فخر الزراعة المصرية.. أصل أنا حدوتة مصرية.. حدوتة مثيرة مسلية.. ترسم ف وجوهكم ابتسامات.. وفى واقعها دراما تراجيدية.. ولو جينا لدايرة الاتهامات.. صفحاتها كتيرة وملغية.. أيوه أنا خايف م الصراعات.. وحياتى كلها سلمية.. مع إن اللى يخاف م العفريت.. يطلعله ف عز الضهرية.. أصل أنا حدوتة مصرية.

من طرف monmona الثلاثاء 07 ديسمبر 2010, 5:05 pm

رسالة الى الحاكم
- بصراحة أنا عندى كلام كتييييييييييييير اوى نفسى أقوله لحضرتك و لحكامنا العرب ولحكام العالم كله ... بس انا عارفه انهم أكيد عندهم حاجات كتيييييييييييير اهم من انهم يسمعونى ... فأنا هتكلم باختصار ... وهبدا كلامى بكلمات قليلة لعم بيرم التونسى ... عجبتنى وحسيت ان فيها كل اللى عوزة اقوله .... تعالوا نقرأها مع بعض :
كان «النبى» والصحابة يجلسوا ع الأرض.. مفيش لهم حد لا بالطول ولا بالعرض.. متجمعين والفقير عند الغنى له فرض.. والكل فى الكل إلا فى الحرام إخوان.. سيدنا «عثمان» ما كنش عنده رتبة بيه.. حتى الخليفة «عمر» كان يشتغل بإديه.. ولا إمامنا ««على» عنده ألف جنيه.. ولا «أبوبكر» عنده ست آلاف فدان.. ولما تتوزع الحنطة وصاع التمر.. كان اللى ياخده «بلال» قد اللى ياخده «عمرو»!!.
- بعيد عن الكلام الكبير والمصطلحات الجديدة والمفاهيم السياسية والاسماء البراقه من : ديمقراطيه وبيروقراطية و برجوازيه وعدالة توزيع وانتخابات غير شرعيه وأحزاب سياسية ورموز وطنيه وعمليات ارهابية ... لانى مفهمش الكلام ده وحتى لو أفهمه ... أظن احنا تعبنا من الكلام فيه ... انا كفايه عليا كلام بيرم ... كلامه هو ده بالضبط اللى كنت عوزة أقوله واللى نفسى انه يحصل ... وأكيد انتم كمان نفسكم انه يحصل .... صدقونى الكلام البسيط ده لو حصل هيحل لنا مشاكل كتير ..... وكأنك يا بيرم معانا دلوقتى .. وشايف وسامع
- يا رب تكون الرساله وصلت !!!!!!!!!!!!!!!!

من طرف سوسو الأربعاء 08 ديسمبر 2010, 4:21 pm

جميييييييييييييييييييييل ... تسلم ايديكى

من طرف monmona الأربعاء 08 ديسمبر 2010, 6:32 pm

شكرا على مرورك يا سوسو .... نورتى الموضوع

من طرف **عذاري** الخميس 09 ديسمبر 2010, 4:53 pm

يسلموووووووووووووو
جزاكي الله خيرا

من طرف monmona الخميس 09 ديسمبر 2010, 6:15 pm

شكرا ليكى يا عذارى على مرورك ... نورتى الموضوع

حدوتة مصرية

حدوتة مصرية

رسالة الى مبارك

رد: حدوتة مصرية

رد: حدوتة مصرية

رد: حدوتة مصرية

رد: حدوتة مصرية