قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

من طرف **k_I_A_S_B** الثلاثاء 18 يناير 2011, 5:46 am

لن أطيل عليكم

ولكن سأحكى لكم قصه قصيره وستعجبكم كثيرا

وطبعا القصه واضحه من العنوان

قصه حقيقيه ورأيتها بعينى وقررت أن أخصص لها مقالا منفردا

وأنا لم أشهد القصه وحدى ولكن شهدها الكثيرون

طبعا لا يوجد صور ولا فيديو كما ذكرت فى العنوان ولكنه ليس كذب لأنى سأحكى لكم وكأنكم كنتم معى ورأيتم

قصة أغتصاب

أغتصاب فتاه بالعنف والقوه

حيث كنت أمشى فى الشارع ولن أذكر أسم الشارع إلا فى النهايه

وبينما أمشى سمعت صدى صوت لصراخ

صراخ عالى لصوت فتاه وهى تصيح

وهى لا تطلب النجده ولكن يبدو أنها تصرخ من الألم

وكأن شخص ما يعذبها أو يضربها

لم أرى الفتاه ولكنى أسمع الصوت بوضوح وكأنه بجانبى

فسألت ما هذا ؟؟

قالوا لى أنه يغتصبها

فتاه يتم أغتصابها بصوت عالى

شىء مستفز وغريب

فتاه يتم اغتصابها فى الشارع وبصوت عالى

ذهبت لأرى مشهد الأغتصاب بعينى

وفعلا الفتاه على الأرض ويتم اغتصابها وبكل قوه

مشهد مثير للأشمئزاز

أستغفر الله

والفتاه تصرخ ولكن لا تقول انجدونى

فقط تقول صرخات الألم

والمغتصب ينظر لى ويبتسم ويضحك ويستهزأ ويبدو أنه مستمتع بممارسة الرذيله

فنظرت بغضب وكانى فى حلم ولا أصدق ان هذا هو الواقع

وتأملت فى من حولى فوجدت من يمرون وهم يشاهدون منظر الأغتصاب

دون حتى ان يتألموا

فنظرت حولى فوجدت البعض مستعجبين مثلهم مثلى

فحاولت التقدم فوجدت من يمسك يدى ويقول لى انتظر

أصبر يا ولدى

قولت له كيف أصبر ؟

هل نحن فى حلم

إننا فى الشارع وإنها فتاه يتم أغتصابها

فوجدت شابا قويا مندفعا من خلفى تجاه المغتصب ويشتبك معه ففرحت وأنتظرت

فقام المغتصب

وأشتبك معه وأخرج من غمده سلاح فقتل الشاب فسقط بجانب الفتاه

قتيلا لا يتحرك

ثم نظر الينا المغتصب وضحك وأستهزأ بنا

ثم أنتقل للفتاه مره أخرى وواصل فى أغتصابها

ولكن هذه المره بقوه أكثر وببشاعه اكثر

وكأنه عقاب للشاب الذى حاول انقاذ الفتاه

وبدأت الفتاه فى التألم وبشده

وبدأ المغتصب يمارس أبشع انواع الأغتصاب

والعذاب فى جسد الفتاه

بطريقه بشعه

وبدأ فى تعذيب الفتاه التى يغتصبها أمام اعيننا

وتقدم شاب أخر

فقتله المغتصب ونحن واقفون

وزاد العذاب أكثر

وفجأه رفعت الفتاه يدها وصرخت فى وجهنا

حرام عليكم

لا تنقذونى

هل طلبت منكم هذا

كل مره بيزيد العذاب

من فضلك أيها المغتصب أغتصبنى ولكن بالتدريج ودون عذاب

فأبتسم المغتصب وصفعها على وجهها لتسقط على الأرض

وواصل أغتصابها

فلم أقدر على الصبر

ولم أصدق ان هذا يحدث

فقررت أن أتقدم هذه المره

فوجدت مليون صرخه

قف مكانك

اتقى الله

ألم تسمع الفتاه

ماذا ستستفيد لو تقدمت

؟؟؟

ستموت قتيلا

وسيبكى على موتك أهلك

وسيتم تعذيب الفتاه اكثر

أتركه يغتصبها فى هدوء ودون تعذيب

وسمعت همهمه ممن حولى وهم كثيرون تجمعوا

أرى الرضا فى عيونهم

أرى الصمت على وجوههم

وبدأوا ينصرفون وتركوا الفتاه

فأختلست النظر الى عين الفتاه التى يتم هتك عرضها

فوجدتها تنظر الى عينى بألم

وضعف

وقهر

وغضب

وذل

ونظرت حولى

ووجدت الموجودين انصرفوا

واخرون اتوا

فصرخت دون إراده

لالالالالالالالالالالالالا

فوجدت رجل بجانبى

يقول لى

سمعت كثيرا على هذا الشارع الذى يغتصبوا فيه الفتيات

لكن هذه أول مره أرى بعينى

شىء فظيع

قلت له وماذا سنفعل ؟؟؟

قال لى وماذا سيفيد ؟؟

يمكن يقتلونا ؟؟

ويمكن يغتصبونا

قلت له

هل يغتصبون الرجال ؟؟ كيف ؟؟

لا اعلم هذا ؟؟

فقال لى أسكت أسكت

ووجدت المغتصب ينظر لنا

فانصرف الرجل

ونظر لى المغتصب

نظره بعين حمراء

فهو قوى

كبير وطويل ومفتول العضلات

وفى كل مكان فى جسده سلاح

ومن تحته الفتاه تتألم وتصرخ

فنظرت له ولم اتحرك

فضحك

لأنه أيقن أنى جبان

وواصل الأغتصاب

والناس تمشى وتأتى

تتجمع وتتفرق

وانا لا أصدق انه ليس حلم

أتمنى ان أفيق منه

قلت لكم أنى سأقول أسم الشارع فى نهاية المقال

الشارع أسمه مصر

والفتاه هى شعب مصر

شعب مصر يتم اغتصابه كل يوم

فقر وجهل ومرض

قتل ونهب وفساد وسرقه

الكل جبان

الكل يخاف

وكل مره يخرج صوت يقول لا للظالم يتم قتله وذبحه

ويزيد الظالم من جرعة الأغتصاب

نظام فاسد يتففن فى أغتصابنا

يحميه جهاز فاسد أسمه أمن الدوله

يرفع السلاح فى وجهنا

باع الشعب ورفع شعار الأغتصاب

أحتمى بالغرب الفاجر وبالعدو الصهيونى الحقير

كل شىء فاسد

حتى الماء ملوث حتى الطعام فاسد

حتى الطيور بها مرض

نظام السرطان والزلزال والصخره والعباره والتزوير

نظام مبارك وجمال وعز وهلال

كل مره نحاول تحرير الشعب من الأغتصاب

نسمع صراخ الأباء والأمهات والأخوات

لا تتحركوا

سيقتلوكم

سيزيد من اغتصابنا

لا أقدر أن أكون جبان

عفوا يا أصدقائى

مضطر ان أتقدم خطوتين للأمام

وأن أتقدم للفتاه

وان أقف فى وجه المغتصب

حتى ولو لم يتقدم أحد

حتى لو فضل الجميع البقاء والمشاهده

لن أشعل النار فى نفسى

وثورة مصر ستقوم بطريقه مختلفه

سنشعل النار فى المغتصب

ولو لم أقدر

سيقتلنى

وعلى الأقل لن أرى مشهد الأغتصاب

سأتقدم لأنى كرهت منظر الأغتصاب

هل من محرر للفتاه من المغتصب ؟؟؟

يوم 25 ليس ببعيد

على المصريين كلهم ان يتقدموا يدا واحده فى وجه المغتصب

ويقولوا

لالالالالالالالالالالالالالالالالالا

أيها الشعب المصرى فى كافة المحافظات

فى كافة المدن

فى كافة الميادين

عليكم ان تتقدموا

وتعلنوا الثوره على النظام الفاسد

والمكان هو فى نفس الشارع الذى يغتصبوا به الفتيات

الشارع هو مصر

موعدنا يوم 25

وإذا الشعب يوما أراد الحياه فلابد ان يستجيب القدر

ولابد لليل أن ينجلى ولابد للقيد ان ينكسر

من طرف ?? ??? الثلاثاء 18 يناير 2011, 12:58 pm

ايوه روح أطلع يوم 25

ويارب تتشد فيها ونخلص منك

بالمناسبه أسلوبك زباله وكلامك على أده خالص

ربنا يريحنا منك

ومن كلامك الخنيق

من طرف **عذاري** الثلاثاء 18 يناير 2011, 2:32 pm

الله يحفظه من كل شر

ويحفظ الشباااااااااب الي بيطلعن يوم 25

اللهم امييييييييييييييييييين

كلامه راااااااااااائع

واذا مو عاجبك ليش دخلت ورديت

هذا دليل ان منتدانا ناااااااااااااااجح

وهذا الي نبيه

وكلامك الي يخنق هذا مو الفاظ شخص محترم

شرفت منتدانا

سلااااااااااااااااام

من طرف د.نور الثلاثاء 18 يناير 2011, 8:32 pm

يا دكتور خالد بصراحة انا محتاره جدا ومش عارفه نتيجة الخطوه اللى انتا عاوزها هتكون ايه بمعنى ان شعب تونس كان كله فى الشارع ..قدم عشرات الارواح ولم يهتز ولم يتراجع حتى حقق مرادة ....ولكنى لا ادرى هل يستطيع شعبنا ان يكون بنصف قوة شعب تونس حتى يطالب ببعض حقوقه ويستعيد بعضا من كرامته ام انه بقى امامنا الكثير حتى نكون مثلهم ............شعب مصر العريق اللذى علم كل الدنيا الحرية والوطنية والجهاد وانتصر بصيحة الله اكبر لم يعد هو شعب مصر هذه الايام فلقد رضينا الذل والهوان والستعباد كلى امل ان نفيق جميعا من غفوتنا ونتعلم ان لا نسكت على الظلم ونلغى من قاموسنا كلمة خلينى فى حالى ولكن حتى ياتى هذا اليوم لن نستطيع ان نفعل شيئا ...........ادعو الله ان يكون هذا اليوم قريبا.

من طرف ????? الثلاثاء 18 يناير 2011, 9:54 pm

يوم 25 هو بداية ثورتنا

هنطلع كلنا

وإما نعيش وإما نموت

شكرا على كلامك المحترم

الأخ صاحب الرد الأول

أنت إما عضو فى الحزب الحاكم

او مدسوس اجير لتبث اليأس بين الصفوف

الأخ د نور

عندك حق تلومنا وتفقد الثقه

لكن هتشوف هنعمل أيه إن شاء الله

سنصلى الفجر و سننطق الشهادتين

وسنحرر انفسنا

إن شاء الله

الدعوه معلنه

فلا خوف بعد اليوم

والدعوه للرجال فقط

فمن يرى فى نفسه رجل فليخرج ليسقط الطاغيه يوم 25

من طرف ?? ??? الثلاثاء 18 يناير 2011, 10:52 pm

عندى فكره حلوه

ياريت كل اللى بيدعو للمظاهرات والشغب يتجمعوا كلهم فى حته واحده يوم 25

ويتم محاصرتهم وضربهم بقنبله واحده

علشان نخلص منهم

بجد حاجه تقرف

يلا خلونا نخلص منهم ومن قرفهم

مصر كلها بتحب مبارك وعاوزاه

ولو فتحنا أستفتاء دلوقتى هتعرفوا

مجرد نصيحه لكاتب المقال

أنت تكره النظام لأنك فاشل لو كنت ناجح أو لك مكان فى المجتمع لما قلت هذا

وعلى دعاة الفشل والشغب أن يصمتوا

والله أنا مش عارف أيه اللى حصل أزاى واحد يكتب كده ويسيبوه

فين الأمن يخلصنا بقى من الأشكال اللى زيك

من طرف لحظه غروب الأربعاء 19 يناير 2011, 11:49 am

صاحب الرد اللى بيقول على نفسه أن أسمه ( طظ فيك )

مش عارفه أسمك أيه وليه ....بجد انت حد مش محترم

ومش من حقك تقول كده على حد حتى لو كنت مختلف معاه

وعيب أوى انك تقول يتشد و الكلام ده

أقولك بجد ياريت متجيش هنا تانى لانك بجد مش محترم ومنستحقش اننا نتناقش معك

وكلامك كله حقد

وواضح ان حقدك موجه نحية دكتور خالد وانصحك لما تكون متغاظ من حد متقولش كده على الملأ لأن شكلك وحش اوووووووووووووى

من طرف **لؤلؤة** الأربعاء 19 يناير 2011, 6:38 pm

دكتور خالد اسلوبك راائع فى عرضك للموضوع
بس بصراحة انا مش عارفة نتيجة الموضوع ده هيكون ايه
يلا ربنا يستر بجد قلقانة

اما الاستاذ طظ فيك هههههه والله اسمك يكسف
لا واللى يكسف اكتر طريقتك الغير مهذبة فعلا انت اسمك لايق عليك طظ فيك وانت اللى مسميه لفسك
فعلا اللى على راسه بطحة

مرسى يا دكتور خالد على موضوعك

من طرف **k_I_A_S_B** الخميس 20 يناير 2011, 11:43 am

شكرا لكم على مروركم وعلى ردودكم وبرحب بكل رأى حتى لو كان مخالف لكلامى أو نقد له

والاخ ( طظ فيك ) يسعدنى ان أقول لك .... سلاما سلاما

من طرف بنت بورسعيد الجمعة 21 يناير 2011, 3:59 am

شكرا على كلام حضرتك الوطنى

مقال أكثر من رائع

وبجد لو حد خايف أو جبان ممكن ألتمس له العذر

لكن المنافق والكذاب فقط هقوله

طظ فيييييييييييك يا طظ فيك

من طرف ????? ?? الجمعة 21 يناير 2011, 10:55 am

مش غريبه شويه الكلام ده يصدر منك يا دكتور خالد باشا ؟؟؟؟

هو انت زعلت مع عمو وانضميت للإخوان ولا أيه ؟؟

معقول مش عاجبك الحكومه

ازاى وانت عائلتك كلها فى الحزب الوطنى وفى مراكز قياديه كمان

وزعلان من الشرطه ؟؟؟؟ حرام عليك يا راجل

دنت عندك 7 برتبة لواء واكيد بيخدموك ؟؟؟ صح ؟؟؟؟؟؟

والمجلس ...لازم كل سنه يكون ليك خال فيه

حتى المجلس الحالى ... هو انت زعلان مع خالو ولا أيه ؟؟

لا بجد مالكش حق ؟؟

خصوصا لما يكون المغتصب قريبك لازم تدارى عليه برضو

ولا هو انت الشارد اللى فيهم

؟؟؟؟؟؟؟؟؟

بس اوعى تكون جاسوس على العيال الوطنيين اللى هنا

انا عن نفسى معلن وصريح انى منتمى للحزب الوطنى ...يعنى انا مغتصب من المغتصبين ...

لكن انت ....

على فكره أحنا قرايب وشوفتك مره كده على الطاير بس مكنتش اعرف أن أسلوبك حلو كده دنت موهوب يا راجل ....

وانت بقى طالع لمين ... دكتور خالد الجد ... ولا دكتور محمد سامى ؟؟؟؟ هههههههههه

من طرف **k_I_A_S_B** الجمعة 21 يناير 2011, 6:05 pm

يااااااااااااااااااااااااااه دنت دارسنى وعارفنى اكتر من نفسى ههههههههههههه

بالنسبه لحكاية اللى هم فى الداخليه دول تصدق انى معرفهمش كلهم ؟؟؟ يعنى انت عارفنى اكتر منى

تانى حاجه العيله كبيره وانا مش هعرف كل واحد فيهم

واكيد هيبقى لى أقارب فى الحزب والوطنى واكيد اى حد له اقارب بس كل واحد له وجهة نظره وبيعبر عنها

بس على فكره انت عديت بس اللى هم فى الحزب الوطنى

وسألت أنى طالع لمين .... انا اعرف دكتور خالد بس معرفش مين سامى ده

بس لو انت تعرفنى فعلا كان اولى بيك تفهم انى مثلى الاعلى دكتور كامل ...دا لو كنت تعرفنى ...

وياريت تشرفنا ديما

لأن صلة الرحم شىء مهم

شكرا على المرور

قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

مواطن

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره

رد: قصه حقيقه : الشارع الذى يتم فيه أغتصاب الفتيات ليل نهار دون رادع ...قصص بالصوت والصوره