أرجوكم طمنونا .....عن اللى حصل فى 25 يناير ...

من طرف فاروق المصرى الأربعاء 26 يناير 2011, 7:56 am

يا جماعه لو سمحتم

أى حد يعرف أى حاجه او عنده أى معلومه ينجدنا بيها

ايه اللى حصل أمبارح فى ميدان التحرير ؟؟

انا شوفت على قناة الجزيره امبارح عدد مهول فى المظاهره بتاعت ميدان التحرير

للأسف كان فيها ناس اصدقائى وقاريبى

نزلوا مندفعين لأن بيوتهم كانت جنب التحرير

وشبكة الأتصال بينا وبينهم مقطوعه ودلوقتى تليفوناتهم مغلقه

أنا نزلت امبارح وروحت قرب المظاهره

شوفت عدد مهول من البشر

ما لا يقل عن 100 ألف

بس سمعنا صوت سارينه قوى وكان المكان متحاصر بالمدرعات وفجأه سمعنا صوت تفجيرات وصراخ عالى

أيه اللى حصل محدش عارف

كان فى كردون امنى محاصر ميدان التحرير وسمعنا ان المتظاهرين سيطروا على الميدان بالكامل وخرج الميدان من تحت سيطرة الشرطه

بس كان فى عدد سيارات امن مركزى مهول

وكان معاهم قنابل وذخيره

وبعد لما سمعنا صوت الأنفجار هربنا كلنا وكنا خايفين على الشباب اللى جوه

لانهم بجد رجاله وأرجل مننا بكتير

سمعنا الصراخ

وهربنا وسيبناهم

تركناهم

بجد مكناش نقدر نعمل حاجه

لكن هو دا اللى حصل

فى ناس كتير بيقولوا أن فى عدد كبير ف ىالمستشفيات وف ىالمعتقلات

وفى عدد تليفوناته مغلقه ومحدش يعرف عنه حاجه

أرجوكم لو فى أى عضو هنا او زائر يعرف أى حاجه يقولنا

أى حد عرف يدخل التحرير امبارح او شاف حد من الابطال اللى كانوا جوه التحرير يفهمنا اللى حصل

لأن كله بيكدب

أوعوا يا جماعه تصدقوا الجرايد الحكوميه

الأهرام والاخبار والجمهوريه

لأنى قرأتها دلوقتى واللى مكتوب فيها شوفت بعينى عكسه

فى أنتظار أى حاجه تطمنا على الشباب اللى كانوا جوه وفجاه انقطعت اخباره من الساعه 2 بالليل وحتى الان

من طرف **عذاري** الأربعاء 26 يناير 2011, 8:25 am

ما عندي اخباااااااااااار

كنت كلمت الدكتور خالد ونزلت الكلام الي قال لي عن المظاهره

ابعدين تصل ما في شبكه

الي يعرف من الزوار او الاعضاء يرد علينا

طمنووووووووووووووونا

من طرف بنت بورسعيد الأربعاء 26 يناير 2011, 8:45 am

بعد انتصاف ليلة يوم الغضب، وبدء بندول ساعة
الزمن معلنا عن يوم الأربعاء 26 يناير الجارى، افترش آلاف المتظاهرين من
مختلف القوى السياسية، أرضية ميدان التحرير، للمبيت به، وسط حضور مكثف
لرموز المعارضة والقوى السياسية المختلفة، ومنهم أيمن نور مؤسس حزب الغد
وجميلة إسماعيل والكاتب الصحفى الكبير إبراهيم عيسى والمهندس الاستشارى
ممدوح حمزة، والدكتور عبد الجليل مصطفى.

ويقوم الآن المتظاهرون بميدان التحرير بجمع الأموال من بعضهم البعض، لشراء
الأطعمة والميكروفونات والأقمشة لعمل اللافتات، للتنديد وكتابة مطالبهم
التى يهتفون بها على مدار اليوم.

كما بدأ المتظاهرون فى نصب الخيام، وسط قيام عدد منهم بإلقاء قصائد شعرية
تندد بالظلم والاضطهاد والتغيير ومحاربة الفساد والبطالة، وقيام البعض
الآخر باستعراض حالات الإصابة التى لحقت به ورفع القمصان الملطخة بالدماء.

التواجد الكثيف للمتظاهرين قابله أيضا تواجد كثيف من قوات الأمن المركزى
والعربات المصفحة، لتنظيم عمليات المرور وحماية ومنع تعرض المتظاهرين
للممتلكات العامة والأشخاص. يأتى ذلك تزامنا مع قيام المهندس ممدوح حمزة
بتوزيع البطاطين على المتظاهرين.

دى يا جماعه المظاهره الساعه 12 بالليل بعدها بيقولوا الشرطه فجرت قنابل وضربت رصاص على الناس دول
ومحدش عارف حاجه عنهم

لأنهم فارضين حراسه على المستشفيات وتقريبا سحبوا منهم تليفوناتهم

بجد ادعوا لأبطال 25 يناير
ربنا ينصرهم

وادعو على رجال الشرطه اللى بيقتلوا ولادنا دلوقتى
منهم لله

من طرف بنت بورسعيد الأربعاء 26 يناير 2011, 8:53 am

يا جماعه من ناس بجد كانوا فى المظاهرات فى القاهره فى ميدان التحرير قدروا يفلتوا بصعوبه وهم عددهم قليل

منهم واحد اخو واحده صحبتى

بتقول انه مصاب بأختناق وفى المستشفى دلوقتى

وبيقولوا أن قوات الشرطه ضربت رصاص حى على الشباب

وان فى ناس ماتوا

وان فى مصابين كتير فى حاله خطره

وان فى تعليمات بعدم النشر وأتصال بين مصر وقناة الجزيره بيتفاوضوا معاها علشان متنشرش

والاخبار بتقول أن المتظاهرين أخدوا مجموعة ظباط رهائن وملمسوش شعره من حد فيهم وخلوهم يرجعوا بيوتهم بالسلامه والكلام ده كان الساعه 8 بالليل وبدأوا يهتفوا سلميه سلميه

ومدير الأمن ناشدهم بأنهم يطلقوا سراح الظباط وانهم مش هيتعرضوا ليهم على أساس ان الظباط دول ولادهم وأخواتهم الخ

والمتظاهرين هتفوا

مظاهرتنا سلميه وتركوا رجال الشرطه يمروا

لكن الساعه واحده بالليل
الامن كثف حشوده

وضرب خمسين قنبله عليهم
ورشهم بالرصاص الحى والقنابل المسيله للدموع

وفى إصابات كتير اتنقلوا المستشفيات تحت الحصار

ربنا يشفيهم ويرحم الشهداء اللى ماتوا

ربنا يستر

وربنا ينتقم من الظالم

من طرف **عذاري** الأربعاء 26 يناير 2011, 9:06 am

الله يرحمهم

ويشفي المرضي

الله يحميكم من كل شر

اللهم امييييييييين

من طرف الشروق الأربعاء 26 يناير 2011, 9:15 am

فى حد مات ؟؟؟

معقول ؟؟؟

مش ممكن

أنا كنت متصوره ان الشرطه المصريه ممكن مثلا ترش عليهم ماء أو تفرقهم أو حتى يعتقلوهم وبعد كده يسيبوهم

لكن قتل ...الشرطه تضرب رصاص حى وتقتل شاب مصرى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ليه ؟؟؟؟؟؟؟؟؟؟؟؟؟

لو ثبت فعلا ان فى شاب مات برصاص الشرطه

يبقى إخص وألف إخص على ظباط الشرطه

وإخص والف إخص على كل اللى شغال فيها

منهم لله

ربنا يستر

من طرف **عذاري** الأربعاء 26 يناير 2011, 9:48 am

في مهندس رد بموضوع بالدستور وكتب طريقه الي يقدر يوصلها لميدان التحرير لتشغيل الموبايلات

طريقة اعادة الموبايل للخدمة

مهندس شبكات و فكر في طريقة ممكن تشغل الشبكة للناس المعتصمة في التحرير و

الفكرة هيا ... الحكومة قفلت كل الشبكات الاتصالات بس لو الناس دخلت علي تظبيط الشبكة

من الاعدادات و بعدين تختار نوع الشبكة و تخليها جي اس ام بس و اختيار ...الشبكة تخليه يدوي

مش اتوماتيك و ترجع تختار الشبكة و تقفل الموبيل و تفتحو تاني هيشتغل و هيلقط .....

ياريت الكل ينشر الفكرة دي ع كل البيدجات عشان توصل للمعتصمين ف التحرير

من طرف الشروق الأربعاء 26 يناير 2011, 9:59 am

يا عذارى هو انتى بتدخلى على موقع الدستور الأصلى ؟؟؟

اللى حاطط باتش تونس ولا موقع ايه بالظبط؟

يعنى اللى هو رئيس تحريره إبراهيم عيسى

لأنى مش عارفه أدخل واليوم السابع تقيل جدا

وخدمة النت عندنا دلوقتى بتقطع

مش عارفه كلامى دا هيوصل ولا أيه ؟؟؟

من طرف **عذاري** الأربعاء 26 يناير 2011, 10:08 am

الدستور الاصلي رئيس التحرير ابراهيم عيسى

من طرف الشروق الأربعاء 26 يناير 2011, 10:15 am

ممتاز يا عذارى

الموقع محظور عندنا فى مصر الان

قطعوه عننا

أنشرى فورا كل اللى عليه هنا

أى اخبار عاوزين نعرفها

وعاوزين نعرف هل إبراهيم عيسى مصاب فعلا ولا سليم

انقلى لينا الأخبار يا عذارى

بس بسرعه

لأن النت بقى بطىء وفى أخبار أنهم هيقطعوا الخدمه الان

ربنا يستر

من طرف **عذاري** الأربعاء 26 يناير 2011, 10:18 am

اهتمت صحيفة "الجارديان"، بالمظاهرات الكبيرة التى شهدتها مصر أمس، الثلاثاء، فى يوم الغضب، وتحدثت عن قيام قوات الشرطة بإطلاق الغاز المسيل للدموع على المتظاهرين لتفرقتهم، فى الوقت الذى أشاد فيه المحتجون باليوم الذى اعتبروه أول أيام الثورة فى مصر.

وعلق نبيل عبد الفتاح، من مركز الأهرام للدراسات السياسية والاستراتيجية على مظاهرات يوم الغضب، قائلاً إن ما حدث أمس يمثل نذير قلق بالغ للنظام، وأضاف أن الانتفاضة ستستمر فى اكتساب الزخم ما لم تتعامل الحكومة مع المطالب الإصلاحية.

من ناحية أخرى، كتب سيمون تيسدال فى صفحة الرأى يقول، إن الاحتجاجات التى شهدتها مصر تفتح آفاقاً جديدة، وأضاف أن المصريين قد تظاهروا من قبل، إلا أن طبيعة الاحتجاجات هذه المرة من شانها أن تزعزع النظام.

ويؤكد الكاتب على أن مصر ليس بتونس، فهى أكبر بكثير، حوالى 80 مليون نسمة مقارنة بعشرة ملايين تونسى، كما إنها مختلفة من الناحية الجغرافية والسياسية والاستراتيجية، فهى القائد الطبيعى للعالم العربى، لكن العديد من الشكاوى فى الشوارع متشابهة، فتصبح مصر وتونس مختلفتان فقط فى الحجم، وإذا حدث انفجار فى مصر، فإنه سيكون أكبر بكثير مما حدث فى تونس.

ورأى تسيدال إن المظاهرات الكبيرة ليست بجديدة، ففى عام 2005 شهدت مصر تظاهرات للمطالبة بالإصلاحات الدستورية، لكن أحلام المتظاهرين تبخرت مع إعادة فرض قوانين الطوارئ وتردى الأوضاع الاقتصادية، ناهيك عن المظاهرات التى شهدتها مدينة المحلة الكبرى فى 6 أبريل عام 2008.

ومن بين الاختلافات التى شهدتها هذه الانتخابات عدم مشاركة جماعة الإخوان المسلمين، وشارك بدلاً منهم آلاف من الشباب المحبط العاطل عن العمل، إلى جانب الطلاب والمثقفين والموظفين والعمال، مما أجبر الحكومة والرئيس على الخروج عن الراحة.

واعتبر الكاتب، أن خروج المتظاهرين فى مجموعات كبيرة وليست صغيرة ونجاحهم فى التجمع بميدان التحرير بمثابة رسالة مقلقة للنظام التى اعتاد على حالة الاستقرار.

اليوم السابع

من طرف **عذاري** الأربعاء 26 يناير 2011, 10:21 am

تقدم عدد من رموز السياسية في مصر والشخصيات العامة صباح الأربعاء ببلاغ للنائب العام ضد وزير الداخلية حبيب العادلي ومساعده لأمن القاهرة إسماعيل الشاعر ورئيس جهاز أمن الدولة ووزير الصحة د.حاتم الجبلي وجميع شركات الاتصالات العاملة في مصر يتهمونهم فيه بالقبض على المواطنين دون وجه حق وتسليم المصابين في المستشفيات المختلفة لأقسام الشرطة ووقف الاتصالات في منطقة ميدان التحرير بالمخالفة للقانون.

وتقدم بالبلاغ كل من الإعلامي حمدي قنديل والدكتور عبد الجليل مصطفى والدكتور محمد أبو الغار والمهندس يحيى حسين وجورج إسحق وآخرون.

وتضمن الاتهام المقدم في البلاغ قيام الداخيلة بالقبض على أعداد كبيرة من المواطنين تجاوزات 180 مواطن بصورة غير قانونية واحتجازهم في أماكن غير مصرح بها واستخدام القوة المفرطة ضدهم في الشوارع مما أحدث بهم إصابات جسيمة كما قامت مستشفيات وزارة الصحة بتسليم المصابين من المواطنين الذين وصلوا إليها لتلقي الإسعافات الأولية والعلاج بعد تعدي قوات الأمن عليهم لأقسام الشرطة لاحتجازهم.

كما اتهم البلاغ شركات الاتصالات المحمولة الثلاثة وشبكة الاتصالات الأرضية بوقف الاتصالات وقطعها تماما عن منطقة ميدان التحرير الذي تجمع فيه عشرات آلاف من المواطنين بما يخالف القانون وحقوق المشتركين.

وطالب الموقعون على البلاغ بضرورة قيام النيابة العامة بالتحقيق فيه ومحاسبة المسئولين عن هذه المخالفات الجسيمة.

الدستور

من طرف **عذاري** الأربعاء 26 يناير 2011, 10:26 am

قالت مصادر مطلعة بمديرية الصحة بالسويس إن عدد المصابين فى المظاهرات الشعبية التى وقعت أمس بالسويس وصل إلى 138 مصابا حتى الآن وارتفع عدد القتلى إلى 3 حالات بعد وفاة الحالة الثالثة أثناء محاولة إسعافها بمستشفى السويس العام.

هذا وكانت شوارع السويس قد شهدت اشتباكات بين المتظاهرين وقوات الأمن واستخدم الأمن الرصاص الحى والمطاطى والقنابل المسيلة للدموع وعربات المطافى والسيارات المصفحة وقام المتظاهرون بإحراق إطارات السيارات بالشوارع فى محاولة منهم لمنع الأمن من الوصول إليهم.

ومن أبرز الأماكن التى شهدت مواجهات شارع الجيش ومنطقة مسجد سيدى الأربعين حيث تجمع قرابة 30 ألف متظاهر، وشارع أحمد عرابى الذى شهد حشوداً من المتظاهرين وصلت إلى قرابة 20 ألف متظاهر، وشوهد عدد كبير من سيارات الإسعاف تجوب الشوارع فى محاولة لإسعاف المصابين.

وقد شهدت مستشفيات السويس حالة من الطوارئ لاستقبال المصابين من المتظاهرين وقوات الأمن بعد أن اشتدت المواجهات بين الطرفين، وتم توزيع المصابين على مستشفى السويس العام ومستشفى التأمين الصحى بحوض الدرس ومستشفى الصدر والذى استقبل حالات الاختناق.

هذا وقد وقع حريق ضخم بأحد المحال التجارية بمنطقة الأربعين أثناء الاشتباكات وحريق آخر بإحدى السيارات بشارع الجيش أثناء المواجهات، ولوحظ انقطاع التيار الكهربى عن معظم شوارع السويس التى شهدت الاشتباكات.

اليوم السابع

من طرف بنت بورسعيد الأربعاء 26 يناير 2011, 10:28 am

موقع تويتر اتقفل

ومخارج ومداخل البلد اتقفلت

هيحاصروا الناس ويقتلوهم

يا عذارى لو سمحتى اعملى موضوع منفل فى قلم الاساتذه بعنوان

(جريدة الدستور الأصلى وكل ما ينشر فيها الان متابعه من خارج مصر )

ونزلى الأخبار تباعا كلها

بس خليه موضوع منفصل وفى قلم الأساتذه

لو النت قطع عننا تابعى فى المنتدى

سلام

من طرف **عذاري** الأربعاء 26 يناير 2011, 10:33 am

قامت قوات الأمن باقتحام ميدان التحرير الذي يعتصم فيه ما يزيد عن 5000 متظاهر بالعربات المصفحة وألقت علي المتظاهرين المطالبون برحيل الرئيس مبارك بما يزيد عن 50 قنبلة مسيلة للدموع واستقلبت قوات الأمن المتظاهرين الفارين من الضرب والقنابل في مخارج جانبية لتستكمل الإعتداء عليهم بالعصي الكربائية وخاصة في شارع طلعت حرب

الدستور

من طرف بنت بورسعيد الأربعاء 26 يناير 2011, 11:02 am

موقع تويتر اتقفل

ومخارج ومداخل البلد اتقفلت

هيحاصروا الناس ويقتلوهم

يا عذارى لو سمحتى اعملى موضوع منفل فى قلم الاساتذه بعنوان

(جريدة الدستور الأصلى وكل ما ينشر فيها الان متابعه من خارج مصر )

ونزلى الأخبار تباعا كلها

بس خليه موضوع منفصل وفى قلم الأساتذه

لو النت قطع عننا تابعى فى المنتدى

سلام

أرجوكم طمنونا .....عن اللى حصل فى 25 يناير ...

أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...

رد: أرجوكم طمنونا .....عن اللى حصل فى 25 يناير ...