المحتجون يرفضون خطاب مبارك

من طرف **عذاري** الأربعاء 02 فبراير 2011, 6:40 am

المحتجون يرفضون خطاب مبارك

رفض مئات الآلاف من المتظاهرين المحتشدين في ميدان التحرير بالقاهرة ومدن أخرى خطاب الرئيس المصري حسني مبارك الذي اكتفى بإعلان عدم نيته الترشح مجددا للرئاسة، بينما كانوا ينتظرون تنحيه عن السلطة.

وبعد الخطاب مباشرة، توافدت مجموعات من المتظاهرين من المناطق المجاورة لميدان التحرير، معبرين عن تمسكهم بمطلبهم الأساسي وهو إسقاط الرئيس مبارك ونظامه.

وأعلن مبارك أنه لن يترشح مجددا للرئاسة، وسيعمل خلال الأشهر الباقية من ولايته على ضمان انتقال آمن للسلطة، كما أكد أن الأولوية الأساسية للاستقرار للسماح بنقل السلطة خلال الانتخابات الرئاسية.

ووصف المتظاهرون الخطاب بأنه حيلة من مبارك للتشبث بالسلطة، وأعلنوا أنهم لن يغادروا الميدان حتى يغادر الرئيس منصبه. وعلت هتافاتهم المطالبة برحيله الفوري دون إبطاء، قائلين "مش هنمشي.. هو يمشي".

كما هتف المتظاهرون بما سموه "قسم الثوار" الذي يقول "أقسم بالله العظيم أن أعمل على استمرار الثورة الشعبية جنديا في صفوفها، لا أغادر الميدان حتى يغادر مبارك ورموز نظام مبارك نهائيا هذا البلد".

مؤيدو مبارك

وفي المقابل ذكر التلفزيون الرسمي -الذي أغفل تغطية المظاهرات المليونية المناوئة للنظام- أن العشرات من مؤيدي مبارك تجمعوا في القاهرة بعد خطابه. وأظهرت الصور لافتة كتب عليها "نعم لمبارك".

وفي الإسكندرية قال شهود عيان للجزيرة إن محتجين اشتبكوا فترة قصيرة مع مؤيدين للرئيس المصري. وسمعت أعيرة نارية بينما توجهت دبابة إلى مكان الاشتباك.

وعرضت الجزيرة لقطات من هذه المدينة الساحلية لشبان يلقون الحجارة قبل أن يتفرقوا، بينما سمعت أصوات أعيرة نارية من بندقية آلية، وتقدمت دبابة نحوهم قبل أن تتوقف ثم تعاود الانسحاب، في محاولة لتفريقهم على ما يبدو.

وقال شاهد آخر لوكالة الصحافة الفرنسية "كنا متجمعين سلميا حين هاجمنا نحو 150 شخصا من جماعة النظام وأعضاء حزب مبارك يعرفهم سكان المنطقة، وكانوا مسلحين بالسكاكين والعصي".
وأضاف "أصيب الناس بالهلع وبدؤوا يركضون، لكن الجيش تدخل وأطلق النار في الهواء لتفريق المعتدين". وقال إن "الهدوء عاد بعض الشيء لكن المعتدين ما زالوا هنا
وبدورهم قال شهود عيان آخرون إن مشاجرات محدودة وقعت بين المحتجين وأشخاص اندسوا بينهم يحملون أسلحة بيضاء. وقالوا إن أعيرة نارية أطلقت في الهواء لفض الاشتباكات.

وأفاد شهود آخرون بأن اضطرابات مشابهة وقعت في مدن السويس والإسماعيلية وبور سعيد، وجميعها تطل على قناة السويس شرق القاهرة. وأفادت مصادر للجزيرة بأن أشخاصا بزي مدني يحملون السلاح الأبيض اعتدوا على المتظاهرين في بورسعيد بعد انسحاب الجيش.

مظاهرات مليونية

وأمس الثلاثاء، تظاهر نحو ثمانية ملايين شخص بالقاهرة وسائر أنحاء مصر، في أضخم احتجاجات من نوعها في تاريخ البلاد في ثامن "أيام الغضب"، مطالبين بتنحي مبارك ونظامه عن الحكم.

ورغم دخول حظر التجول حيز التنفيذ الساعة الثالثة بعد الظهر بالتوقيت المحلي (الواحدة بتوقيت غرينتش)، واصل نحو مليوني شخص التظاهر في ميدان التحرير بقلب القاهرة، بعدما امتد تجمعهم إلى الساحات والشوارع المجاورة، بينما تظاهر زهاء ستة ملايين آخرين في مدن مصرية أخرى مرددين شعارات تطالب برحيل مبارك.
وفي تصعيد لأشكال الاحتجاج، تحولت شعارات المتظاهرين من "الشعب يريد إسقاط الرئيس" إلى "الشعب يريد إعدام الرئيس"، وشنق المتظاهرون في ميدان التحرير دمية تصور الرئيس مبارك، بعد محاكمة شعبية أقامها المحتجون له ولعدد من أركان نظامه.

وإلى جانب مبارك، شملت المحاكمة رئيس مجلس الشعب الحالي فتحي سرور، وأمين التنظيم في الحزب الوطني الحاكم رجل الأعمال البارز أحمد عز الذي أجبرته احتجاجات "جمعة الغضب" على الاستقالة من منصبه، ووزير الداخلية السابق حبيب العادلي.

وبدأت المحاكمة بوضع أربع دمى تمثل مبارك وسرور وعز والعادلي خلف القضبان، تلت ذلك قراءة لائحة الاتهامات الموجهة لمبارك، والتي تضمنت تهم "القتل الجماعي والإبادة الجماعية للمصريين"، و"سرقة أموال الشعب".

الجزيرة

اللى خرجوا فى مظاهرات تؤيد مبارك هم المنافقين والفاسدين والمؤجرين من اتباع الفاسد والبلطجى الكبير
يا جماعه إحنا شوفنا أيام سوداء هنا

ظباط الشرطه هجموا على البيوت وكانوا عاوزين يقتلونا ويغتصبونا
وكله بتعليمات من حبيب العادلى ومن حسنى مبارك

طبعا حسنى مبارك تمت هزيمته ولاشك ان شباب 25 يناير وميدان التحرير قد انتصر على مبارك وما كان ليلجأ للتفاوض ال بعد هزيمته ولكنه الان مثل الطالب البليد الذى سقط وتمت فضيحته فأقام حفله ويقول أنه نجح
وهذه المظاهرات المحدوده والمندسه ليست مصريه وليست وطنيه وإنما هى بدعوى الحزب الفاسد اللاوطنى الذى تم كشفه

وعاوزه أبشر الناس اللى بيطالبوا ببقاء مبارك فى مصر انهم هيغرقوه ويضيعوه هو وشلته الفاسده لان احنا وقع تحت أيدينا مستندات كبيره جدا تفضحه لما اتحرقت مكاتب امن الدوله وكله هيتذاع على النت إن شاء الله وستتم محاكمه عادله له ولإبنه واتباعه

وعاوزه أقول مبروووووووووووووووووووووووووك سا شباب مصر

كنت فرحانه أوووووووى وأنا شايفاه أمبارح طلع موطى راسه وبيتحايل عليكم ترحموه
مبروووووك يا أبطال الثوره

وبرافو عليكم

رجعتم حق مصر

من طرف **لؤلؤة** الأربعاء 02 فبراير 2011, 12:14 pm

مرسى يا عذارى على مجهودك

بس انا لازم ااقول راى
بالنسبة لاى حد يهين رئيسنا انا احتج لانى بيتهيالى مش هو ده اللى احنا اتربينا عليه ان نكلم الاكبر مننا بمنتهى الاجرام
مش هى دى اخلاق المصرين
عايزين نطلب طلبات نطلبها بمنتهلى الادب والذوق لاننا بنطلب من رئيس دولة مش من ولد صغير ماشى فى الشارع
بدل ما نشكره انه حققلنا جزء كبيييييير من طلبتنا ومفيش تغير بيجى فى يوم وليلة ايدولو فرصة ومبروك طبعا لشباب مصر على احداث التغيرات الجديدة

وعايزة ااقول للفيقى حرام عليك انت ازاى مصرى ومتمنعش بس القنوات الكاذبة الحاقدة مثل الجزيرة والببىسى والعربية واللله حرام عليك هتقابل ربنا ازاى انت كنت اول واحد المفروض يشال من الحكومة لان هناك بعض الشباب الساذجين ينساقون وراء هذة القنوات

وبالنسبة للى عايزين يكملوا فى المظاهرات اكيد دول مندسين لان المظاهرات بعد اللوقت الحالى ليس فى مصلحة مصر ولا مصلحة اى وطنى بل فى مصلحة المندسين والحاقدين فقط ياريت يا شباب تفكروا بعقلكوا عاجبكوا يعنى التخريب اللى بيحصل ده ووقف الحال فكروا بقى وكفاياكوا مشى وراء الشائعات مش ححقلكوا الللى انتوا عايزينه انتوا استحليتوا الموضوع ولا ايه

و هاكد للمرة المليون ان لازم نحترم الاكبر مننا ونتكلم بادب لان اى حد من اللى بيهين مبارك ميرضاش ان يتقال ربع الكلام ده لبباه وعايزة ااقول لاى حد مصمم على تكملة المظاهرات انهم ليس لديهم عقل يفكرون لانهم لا يعرفون من سياتى بعد مبارك فكروا بقى عايزين البرادعى اللى شكله يضحك بالبوق اللى مسكة دة ربنا يهديه ويرجع من مكان مجيه ويريحنا من امثاله

فكروا .......... فكروا

وفى النهاية اكرر مبروك للشباب على التغيرات الجديدة

من طرف **نوسة** الأربعاء 02 فبراير 2011, 12:32 pm

اولا احب ابارك للسباب المحترمين اللى خرجوا يطلبوا مطالبهم بالادب وباخلاق المصريين اللى احنا عارفينها
بقلهم مبرووووك صوتكم وصل وطلباتكم اتحقق معظمها فى فترة مكنش حد يتخيل ابدا ان التغير يتم بالسرعة ودى وطلباتكم تجاب فى الفترة الوجيزة دى

ثانيا انا لا انا ولا اى انسان مصرى بجد وبيحب البلد دى نقبل ان رايسنا يتهان بالشكل اللى قام بيه بعض الناس اللى بجد خلوا شكلنا بقى وحش اووى وبقلهم حرام عليكوا كفاية انتوا فضحتونا ادام العالم كله دى مش اخلاق المصريين
الراجل ده بشر وزى ماله سلبيات ليه ايجابيات يا جماعة مش عاوزين نبقى شعب جاحد وناكر للجميل زى ما خرجنا وقولنا مطالبنا او طالبنا بتغيير السلبيات اللى حصلت ف فترة حكمه لازم برده نعمل حساب للايجابيات اللى حصلت فى حكمه

ويا اللى بطالبوا بالديموقراطية عيب اووووى لما يطلع حد ويؤيد الرئيس مبارك تمارسوا عليه الديكتاتورية و تقولوا ده الحزب الوطنى هو اللى بعته عيب اوى نفضل نخون فى بعض كفاية بقى
مش عاوزين نفضل نهاجم فى بعض ونحرق البلد اكتر من كدة
الراجل طلع اجابلكم مطالبكم وقالكم مش هيرشح نفسه تانى قلكم هيفضل الكام شهر دول عشان انتقال السلطة يتم بشكل سلمى
حرام عليكم ليه عاوزين نهايته يبقى مطرود من بلده بعد كل اللى عمله علشانها

ده لو جيه مواطن مصرى عادى حتى مهما غلط حتى لو رد سجون و جيه حد قال يطلع بره البلد كلكم هتعترضوا وتقولوا زاى مش من حق حد يطردوا من بلده

يا جماعة ده رايسنا وكرامته من كرامتنا وكرامتنا من كرامته
وعيب لما نشمت فيه لما كبر ومبقاش قادر يقف ومكسور بعد ما اطعن فى ظهره مرتين مرة من الوزراء والناس اللى حواليه ومرة من ولاده وابناء شعبه
نقوم نشمت فيه لا بجد انا لما شفته عيطت ومش انا لوحدى كل مصرى بيحب البلد دى واخلاقه اخلاق مواطن مصرى وحافظ للجميل
حس باللى انا بقوله ده

بس الحمد لله ربنا هيرجعله كراته واعتباره والحمد لله الناس اللى خرجت تايده ناس شرفاء وحقهم يقولوا رايكم زى ما الكل بيقول رايه ومش من حق حد يخونهم او يشكك فيهم

شكرا يا عذارى ع الخبر

من طرف الشروق الأربعاء 02 فبراير 2011, 12:41 pm

نوسه انتى مش فاهمه حاجه بجد

بجد احنا كنا فى ميدان التحرير وفى بلطجيه بعتدوا على الشباب وعاوزين يقتلوهم وبيقولوا انهم بيأيدوا مبارك

بجد حرام

بيقولوا مظاهرات تأييد لمبارك

مبارك مجرم يجب محاسبته

منه لله

منه لله

انا متاكده انك قصدك خير بس مش فاهمه حاجه خالص

أتفرجى على اللى بيحصل فى الميدان دلوقتى

كلاب وبلطجيه رايحيين يعتدوا على الشباب الشريف

بجد حرااااااااااااااااااااااااااااااااااااااااااااااااااااااام

اتفرجى على الوثائق اللى بتدل على ان مبارك خطط لقتلنا جميعا

من طرف **نوسة** الأربعاء 02 فبراير 2011, 1:03 pm

لا يا دكتور انا عايشة فى البلد دى وفاهمة كل حاجة الورقة اللى حضرتك حطاها انا قريتها ومكتوب عليها مكتب وزير الداخلية اللى كلنا عارفين انه خاين ولازم يتحاكم

اما الرئيس لو سابنا زى ما انتوا عاوزين فى الوقت ده هنضيع تقدرى حضرتك تقوليلى لو مبارك مشى مين هيحكمنا فى الوقت اللى بتتكالب فيه المعرضة ولا البرادعى اللى بعتاهولنا امريكا كله دلوقتى عايز يوصل للحكم عشان مصالح شخصية
انتقال السلطة لو متمش بشكل سلمى البلد هتضيع
كفاية بقى البلد بتولع وهتتحول لحرب اهلية بسبب انجرافنا وراء الفتن
اعدائنا من الخارج بيوزعوا منشورات فى التحرير وعملين قلبهم علينا
واحنا منساقيت ورا الفتن
المطالب اتحققت يبقى نرجع لبيوتنا كفاية بقى حرااام البلد بتولع

من طرف الشروق الأربعاء 02 فبراير 2011, 1:11 pm

حبيبتى بجد فى ناس بتخدعنا

يعنى هو مبارك كان ميعرفش وزير داخليته بيعمل أيه ؟؟

لو فرضنا أن ده صح يبقى ميستحقش أنه يكمل

دى نقطه

تانى حاجه مفيش حاجه أسمها مين هيقدر يحكم مصر

دى كلمه قديمه واللى بيقولها أعضاء الحزب الفاسد لأان مصر مليئه شرفاء يقدروا يحكموا البلد

ومبارك مش عاوز انتقال سلمى وغلا كان رحل

وليه كلف ناس تتظاهر مستأجره كلنا بنكرهه

ليه قفل الإعلام وقطع النت

مبارك مكانش يعرف ان النت مقطوع وان الأتصالات مقطوعه

مبارك اللى عاوز انتقال سلمى يطلع مظاهرات تؤيده

وبعدين مبارك هو اللى عميل لامريكا لأن لان هى اللى دافعت عنه

وهارتس واحرنوت نشروا طول الأسبوع اللى فات انهم بيأيدوه

وأمريكا هى اللى مانعه انه يسيب السلطه

لأنه شارك فى حرب غزه

ولأنه شارك فى حرب العراق

منه لله

ولسه جاى يضحك علينا ويقول مكنتش اعرف

مكانش يعرف أيه

لو هو بيحب البلد وخايف على شبابنا الشرفاء يتنحى ويترك البلد

منه لله

دلوقتى احنا بنرفع أيدينا لربنا هوا للى يقدر ينهى حياته ويبعت له عزرائيل ويريحنا هو قادر على كل شىء

أنا جوزى هناك كلمنى وقالى أن فى بلطجيه بعصيان وسكاكين بيحاولوا يعتدوا عليهم وبيقولولهم شتايم بزيئه

على فكره انا جوزى دكتور جامعه ومش بلطجى ولا يمكن يكذب

انا قادم الان من ميدان التحرير وسأنقل لكى صوه حيه

وسأجيب على سؤالك

كنا نقف بهدوء بجانب أسره مصريه من المعتصمين منذ ايام وفجأه وجدنا خيول وجمال تهجم بسرعه فجرينا بشكل عشوائشى

وفوجئنا بعدد كبير ممن يحملون سلاح ابيض وعصيان يضربون بالناس ويشتمونهم
ويدعونهم بانهم مخربين ونسمع صوتهم يهتف لمبارك فجريت شخصيا بعيدا جدا وفى
شارع جانبى وجدت ناس أمسكوا باحد الذين يضربون بالعزل والمتظاهرين
وامسكوا ببطاقته ورأيتها بعينى وهو ظابط امن

رأيتها بعينى وامسكوا به واتجهوا الى دبابه ليسلموه واتجهت معهم فوجدت
عشرات المقبوض عليهم وكلهم تابعين للامن والبلطجه خرجوا ليروعوا الناس

ويقتلوا الشرفاء

هل كان العادلى هو فقط المسئول

فقد تم عزل العادلى ومن هو المسئول الان

بجد حرام عليك يا مبارك

حرام عليك

أحنا شوفنا العذاب والذل والموت

والتليفزيون المصرى الكذاب بيذيع الان انه ليس رجال الامن ونحن رأينا باعيننا

أنا رأيت بعينى
أنا رأيت بعينى

وهم على القناه الاولى ينفون

كيف وهم كذابين

كيف نصدقهم وهم يكذبون الجزيره وبى بى سى و كل نشرات العالم وفقط يريدون الناس ان يشاهدوا التليفزيون المصرى الكذاب

حرام بجد حرام

هل هذا هو الأنتقال السلمى للسلطه؟؟؟

هل هذا إنسان

غن حسنى مبارك بما يفعله الان أثبت انه ليس أنسان

أن من يضرب الشرفاء الان فى ميدان التحرير هم بلطجية الحزب الوطنى الذين يخشون ان تضيع سرقاتهم واموالهم

واوجه كلمه لكل من انخدع بكلام مبارك الكاذب أن يرون الان من هو مبارك ؟؟

شفيق كذاب ووزير الداخليه كذاب

منهم لله

وعمر سليمان منه لله

ويقولك لو مشى مين هيمسك البلد

كفايه بقى

كفايه بقى

ناس محترمه كانوا فى ميدان التحرير بينظفوا الميدان وبيحافظوا عليه

شباب نظيف ومتحضر
يا جماعه أى حد يعرف حد من الحزب الوطنى دلوقتى يقبض عليه

مصر بتضيع

منك لله يا مبارك

أنت أثبت انك كذاب

حراااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااام

انا نازل ميدان التحرير دلوقتى ادافع عن شرفاء مصر

ولو فى بلطجيه تابعين للحزب الوطنى مش هشتبك معاهم

ولا هضربهم

هروح اقول انى بكره مبارك

وبحب بلدى

اشهد ان لا اله الا الله وان محمد رسول الله

لو انت مصريين وفى أى مكان أتجهوا الان للميدان

كلنا على الميدان

ارحل أرحل

حرام عليك

المحتجون يرفضون خطاب مبارك

المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك

رد: المحتجون يرفضون خطاب مبارك