أحدث قصائد الشاعر الفلسطيني تميم البرغوثي

من طرف **عذاري** الخميس 17 فبراير 2011, 11:05 am

أحدث قصائد الشاعر الفلسطيني تميم البرغوثي

يامصر هانت وبانت كلها كام يوم...

نهارنا نادي ونهار الندل مش باين

الدولة مفضلش منها إلا حبة شوم..

لو مش مصدق تعالي علي الميدان عاين

ياناس مفيش حاكم إلا من خيال محكوم..

واللي هيقعد في بيته بعدها خاين

اللي هيعقد كأنه سلم التانين

للأمن بأدية وقاله هما ساكنين فين..

وصلت لضرب الرصاص علي الخلق في الميادين

حتى الجثث حجزوها اكمنهم خايفين..

يامصر أصبحنا أحياء وميتين مساجين

فاللي هيقعد في بيته يبقى مش مفهوم..

واللي هينزل الهي حارسه و صاين

يامصر هانت وبانت كلها كام يوم..

نهارنا نادي ونهار الندل مش باين.

نهارنا نادي وبأيدينا علي فكرة..

الصبح عنده فضول راح نعمل إية بكرة.

إيده علي الباب وخايف يلمس الأكرة..

ادخل ياأستاذ براحتك والبلد حرة.

إحنا زهقنا نشوف الصبح من برة..

ادخل وخرج بقايا العتمة بالمرة.

الناس ديه حرة وجنود الأمن مضطرة..

ياصبح طلعت روحنا لجل تيجي ياخي.

طالعين نجبيها أهوا فى كل حارة وحى..

حتى لو ضربونا بالرصاص الحي.

شوف المداين كدة مفروشة خلق وضي..

دايما مفاجأة ودايما وقتها معلوم.

الحكم لينا وليك الحق يامداين..

يامصر هانت وبانت كلها كام يوم .

نهارنا نادي ونهار الندل مش باين..

ياصف عسكر بدل الدرع شيلو اثنين.

25 يناير ياشباب فاكرين..

كان فيه انجليزو وزير الداخلية تخين...

كان عنده برده عساكر زيكم جامدين.

سابهم يموتوا علولا لو سأل فيهم..

كانوا شبهكم اساميكم اساميهم.

ياعسكري البهوات اللي بتحميهم..

ممكن يردوا عليك لما تناديهم ؟؟؟

ياعسكري أنا أصلي بس بستغرب..

لو لاقي تأكل وتشرب قوم ياعم اضرب !!!

اضرب عشان الوزير من ضربتك يطرب..

لكن هتشتغل اية لما الوزير يهرب.

أما الشديد القوي القادر أبو القادر..

برميل تلامة نشع علي مصر من الآخر.

لو شفته معددة تكتب ادب ساخر..

ثابت يقول للهرم ياكابتن اتاخر.

ولم يزل معتقد ان الهرم هيقوم..

ادي الحجر والبشر قايمين ياسيد القوم.

والدين هيترد ياللي عشت متداين..

يامصر هانت وبانت كلها كام يوم.

نهارنا نادي ونهار الندل مش باين..

ده حكم أسرة ولا خوفو ولا خفرع.

ولا وجع بطن يتعالج بزيت خروع..

عمل مسوجر بعيد عنك ولايطلع.

جربنا فيه كل شىء ملقينا شىء ينفع..

منفعش بالأدوية جربنا ألف طبيب..

ولا بعطارة شيوخ ليهم بلح وزبيب.

ولا بجحفل مغولى وضرب بالقباقيب..

عمل مسوجر وسفلي شغل تل أبيب.

وشغل أمريكا متغلف وختمة عليه..

ضيف زارنا ياعم من غير دعوة لابس بيه.

قاعد 30 سنة مبيقولش قاعد لية..

والنية يديها لابنه النابغة بعديه.

ويقول قضا وقدر بين البشر محتوم..

قولناله طيب ومين قال للقدر معلوم.

واش عرفك يافخمتك بالذي كاين..

يامصر هانت وبانت كلها كام يوم..

نهارنا نادي ونهار الندل مش باين.

رااااااااااقت لي

من طرف **سجده** الخميس 17 فبراير 2011, 12:41 pm

تسلمي يا عذاري

وتسلم يا استاذ تميم

قصيده جميله

من طرف **عذاري** الخميس 17 فبراير 2011, 6:27 pm

سجده كتب:تسلمي يا عذاري

وتسلم يا استاذ تميم

قصيده جميله

الله يسلمك

سجده

نورتي الموضوع

جزاكي الله خيرا

من طرف **dandana ali** الجمعة 18 فبراير 2011, 5:53 pm

جميييييييييييييييييييييلة قووووووووووووووووووى

وبسيطة فى كلاماتها

جزاكى الله خير عذارى

من طرف **عذاري** الجمعة 18 فبراير 2011, 6:49 pm

dandana ali كتب:جميييييييييييييييييييييلة قووووووووووووووووووى

وبسيطة فى كلاماتها

جزاكى الله خير عذارى

dandana ali

نورتي الموضوع

جزاكي الله خيرا

شكرا على القصيده الجميله

جزاكى الله كل خير

الأخت عذارى عمانيه مصريه تتابع أخبار مصر

وانا كنت من زوار المنتدى واتابع الدستور الأصلى من خلال موضوعك لما كان محجوب عننا

جزاكى كل خير

من طرف **عذاري** السبت 19 فبراير 2011, 3:18 pm

الطائر المهاجر كتب:شكرا على القصيده الجميله

جزاكى الله كل خير

الأخت عذارى عمانيه مصريه تتابع أخبار مصر

وانا كنت من زوار المنتدى واتابع الدستور الأصلى من خلال موضوعك لما كان محجوب عننا

جزاكى كل خير

اول شي حياك الله بالمنتدى

وشو يعني عمانيه مصريه

ههههههههههههههههههههههه

العفووووووووووووووو

الطائر المهاجر

نورت الموضوع

جزاك الله خيرا

أحدث قصائد الشاعر الفلسطيني تميم البرغوثي

أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي

رد: أحدث قصائد الشاعر الفلسطيني تميم البرغوثي