التعديلات الدستورية نقلا عن موقع مصراوى

المادة 76 : تشترط على المرشح للرئاسة الجمهورية أن يحصل على موافقة 30 عضو منتخب بمجلس الشعب و30 الف مواطن من 15 محافظة وان يكون ضمن أحد الاحزاب الممثلة في مجلسي الشعب والشورى حتى لو بعضو واحد منتخب، وان يتولى القضاء الاشراف على العملية الانتخابية من خلال لجنة برئاسة رئيس المحكمة الدستورية العليا.

المادة دى مش مريحة بدون موافقات افضل والشعب يختار

وغير كده ان بعد 60 يوم من توليه الرئاسة لازم يعين نائب ليه

عشان مافيش حد يفكر تانى يستولى ولا الميدان موجود ههههههههههه

لكن طبعا اكيد فى استفتاء على الشكل النهائى للدستور

وربنا يقدم اللى فيه الخير لبلدنا

بالنسبه للماده 76 فالصح وضع كلمة أو وليس و بمعنى ان يحصل المرشح على موافقة 30 عضو اوتوقيع 30000 مصرى او يكون مرشح حزب ممثل بعضو واحد على الاقل فى احد المجلسين وهى اشتراطات سهله وبسيطه لضمان جدية الترشح علشان منلاقيش مليون مرشح وتبقى فوضى .وانا كان نفسى زى ما حطوا حد ادنى لسن المرشح 40 سنه كانوا وضعوا حد اقصى 60 سنه .وكمان كنت اتمنى ان يوضع شرط ان يكون نصف اعضاء اللجنه التاسيسيه للدستور من اهل الاختصاص من الدستوريين من خارج اعضاء مجلس الشعب حتى نضمن وضع دستور جيد وليس معيبا ...وانا سعيده بهذه التعدبلات واتمنى ان تكون بدايه للوصول لانتخابات حره ونزيهه.واتمنى ان نتناقش جميعا فى هذه التعديلات قبل ىطرحها للاستفتاء حتى نستطيع الاستفاده من اراء بعض