بعد بلطجية أرض الواقع ...شفيق يقود حملة البلطجه الإلكترونيه والإعلاميه

من طرف بنت بورسعيد الأحد 27 فبراير 2011, 12:01 am

أحمد شفيق رئيس وزراء مصر الذى عينه الرئيس المخلوع حسنى مبارك والذى يستغل ثغره دستوريه بعدم وجود رئيس يتم حلف القسم أمامه ويكافح من أجل البقاء فى السلطه بدأ فى قيادة حمله كبيره ضد شباب الثوره المصريه محاولا تشويه صورتهم فلم يكتفى هذا الرجل الذى تربى فى أحضان الحزب الوطنى وكانت تفضله سوزان كوزير دائم بالوقيعه بين القوات المسلحه والمتظاهرين أكثر من مره بل إنه أيضا يقوم بحمله من البلطجه الإلكترونيه

فعلى أرض الواقع شهد مديان التحرير الجمعه والسبت الماضيين مظاهرات حاشده تطالبه بالرحيل لأنه رمز من رموز النظام الفاسد وقد فوجىء المتظاهرون الذين رفعوا لافتات تطالب برحيل شفيق بفرقه من البلطجيه تقوم بتكسير جميع اللافتات التى تنتقد شفيق

وعلى ما يبدو أن شفيق هو ملاذ الفاسدين الأخير وهو القشه الأخيره التى يتعلقون بها بعد تهاوى الفاسدين واحدا تلو الأخر

ومع بداية عمل شفيق بدأ فى التعاون مع وجدى وزير الداخليه المرفوض شعبيا وبدأت بذور الفتنه فى الظهور مثل بعض حوادث الفتنه الطائفيه والمظاهرات الفئويه والإعتداءات المتفرقه

أما الجديد والذى أتضح بصوره كبيره هو أن شفيق يمارس البلطجه الإلكترونيه حيث يستأجر عدد كبير من اعضاء اللجنه الإلكترونيه فى الحزب الفاسد السابق ويقومون بنشر تعليقات كثيره عبر حسابات وهميه تمدح شفيق وبشده ليل نهار وتصوره فى صورة الملاك ومنقذ مصر الأوحد

وقد إزداد تطور هذا بتعدى هؤلاء البلطجيه على الإعلامى المحبوب محمود سعد حين أعلن عن موقفه صريحا رافضا لقاء شفيق فى برنامجه لأن الشعب رفض شفيق كما قال سعد إلا أن بلطجية الأنترنت بدأوا فى حمله قويه ضد محمود سعد وشككوا فى زمته الماليه وهذا مااعلن عنه شفيق فى أتصال مع قناة دريم حيث شكك فى ذمة سعد الماليه

شفيق المرفوض جماهيرا على أرض الواقع والمحبوب وهميا عبر حسابات وهميه على فيس بوك بدا فى مأزق لانه أصطدم بوعى شباب يناير الذين لم ينخدعوا فى أبتسامته البراقه أو فى أحاديثه الورديه

واعتبروا أن شفيق فاقدا للشرعيه منذ اللحظه الأولى التى ساند فيها مبارك وأستهزأ بالثوره الشعبيه فى مصر

منقول

من طرف **dandana ali** الأحد 27 فبراير 2011, 12:11 am

فعلا يا بسمة ده حصل وكنت بشوف البرنامج وسمعت مداخلته وكان حتى عصبى فى رده

لكن ده جه ضده واكيد الاعلامى محمود سعد المفروض انه يطلع ويكدب ده

وممكن اعتقد أن تم اعلام محمود سعد بأن راتبه سيقل ده لو حدث بعد ماهو رفض انه يعمل الحوار معاه

اعتقد ان نهايته قربت بأذن الله ويااااااارب نخلص منه ومن اللى زيه

من طرف **عذاري** الأحد 27 فبراير 2011, 7:44 am

الله على كل ظالم

يسلمووووووووووووو

جزاكي الله خيرا

من طرف begadnet الأحد 27 فبراير 2011, 7:42 pm

انا مش مع هجومكم الدائم على شفيق ممكن ننتظر نشوف اخرة فين ولو امكن عشان تكون لنا مصداقية اى مستندات تاكد الكلام خصوصاً ان غادة عبد الرازق مثلاً نفت تعيين ابنتها فى مصر للطيران (ملحوظة هامة انا عاشق لبلدى ومش من بلطجية شفيق )[b]

من طرف **dandana ali** الأحد 27 فبراير 2011, 7:55 pm

اهلا بحضرتك معنا عضو جديد ده اولا

ثانيا بقى ليه لو حصل انك بتقول رأيك نخونك
حضرتك لك كامل الحرية فى الرد هنا وده معروف عننا

لكن برضو بنحب النقاش ونرد على بعض ههههههههههه ماتقلقش مش حنخونك ولا حاجة وانا بتكلم جد لأن فعلا فى ناس بتكلم كده وهى بتحب بلدها ومش تبع بلطجية شفيق او اقول اتباعه

بص حضرتك احنا او انا بالذات حتكلم عن نفسى لأنى بنزل توبيك دائم عن تاريخ شفيق
فأعتقد انى كنت منذ البداية عاجبنى طريقته فى الكلام حلو ودبلوماسى وهادى بس كنت مضايقة من طريقته فى التعامل مع الثورة
وحسيت ان فى حاجة غلط مش واضحه وان اشمعنى ده اللى جابه مبارك

بس بعدها حصلت تطورات زى معرفتى بتاريخه دى حاجه تكفى برضو اننا لانستأمنه
والحاجة التانى انه اختار وزراء مشكوك فيهم ومعروف ايه موقفهم من الثورة
زى ابوالغيط مثلا اللى معلق صورة مبارك لحد دلوقتى واللى قال كلام عن الثوار اكيد حضرتك تعرفه فى حواره فى قناة اجنبية

يبقى ازاى يببقى موجود؟؟؟؟؟؟؟؟؟؟؟؟؟

وغير بقى الانيل محمود وجدى وزير الداخلية واكيد حضرتك ملاحظ عدم استعادة الامن بسهوله دلوقتى وغير الحوادث اللى بتحدث العجيبة وغير الشرطه اللى مش بتستجيب للنداءات وده حصل فى بلدنا على فكرة وردوا على الناس احنا مالنا
!!!!!!!!!!!!
واللى طبعا طلع وقال ان مافيش كان قناصين فى لاثورة ولا حاجة هههههههه وان الشرطه ماضربتش حد اصلى الشهداء كانوا بيضربوا نفسهم

وحرق المستندات والمهمة منها

اقولك كفاية تاريخ شفيق يكفى بصراحه

وعايز انه يكمل بعد كل المحاولات التى تحدث حاليا نأتمنه؟؟؟
بأى منطق

واضح جدااا انه بيحمى ناس تانى

واكرر احنا بنتناقش وانا بحب النقاش البناء
وشكراااا

من طرف **k_I_A_S_B** الإثنين 28 فبراير 2011, 6:50 am

شفيق هو باقيا النظام البائد

وقبل ان نغلق الجرح يجب ان نطهره

فليرحل شفيق

شكراعلى الموضوع المهم

بعد بلطجية أرض الواقع ...شفيق يقود حملة البلطجه الإلكترونيه والإعلاميه

بعد بلطجية أرض الواقع ...شفيق يقود حملة البلطجه الإلكترونيه والإعلاميه

رد: بعد بلطجية أرض الواقع ...شفيق يقود حملة البلطجه الإلكترونيه والإعلاميه

رد: بعد بلطجية أرض الواقع ...شفيق يقود حملة البلطجه الإلكترونيه والإعلاميه

رد: بعد بلطجية أرض الواقع ...شفيق يقود حملة البلطجه الإلكترونيه والإعلاميه

رد: بعد بلطجية أرض الواقع ...شفيق يقود حملة البلطجه الإلكترونيه والإعلاميه

رد: بعد بلطجية أرض الواقع ...شفيق يقود حملة البلطجه الإلكترونيه والإعلاميه