عريس من على النت !!!!!!!!!!!!!!! الحلقة الاولى

اقوى انتاج فنى درامى مسرحى فكاهى (اضحك معانا)


ومع اولى حلقات المسلسل

وموضوع الحلقات (عريس من على النت)


كاميرا 1..................استعد


2............................صور



سباعى هات الشاى


اكشــــــــــــــــــن


.......................

تركت عفاف الكمبيوتر التي تقضى عليه معظم وقتها فجأة
وصرخت بصوت عالى

مااااما ..... يا ماماااااااااااااااا .....يا ماماااااااااااااااا

الأم : فيه إيه يابت بالراحة إخواتك نايمين


عفاف: معلش يا ماما أصلى فرحانة ....

فرحانة اوي اوي

الأم: خير يا بنتى فرحينى معاكى كدا ربنا يفرح قلبك

عفاف: عريس يا ماما عريس

الأم : يا ألف نهار أبيض يا ألف نهار مبروك


لولولولولولولولولولولولولولوى


وبعد دقيقتين أحضان وقبلات تذكرت الأم

الأم: ألا قوليلى يابت

عريس مين دة اللي هيتقدملك

وماقلتليش من ساعة ما جيتى من الجامعة ليه ؟

عفاف: لأنى لسة عارفة دلوقتى حالا يا ماما

الأم بإستغراب: عارفة دلوقتى حالا؟؟؟؟؟؟

عارفة منين يابت دة انتى لسة قايمة دلوقتي من قدام الكبورر....

عفاف : ههههههههههههه كبورر ايه بس يا ست الكل

اسمه كمبيوتر

الأم:مش مهم

المهم عرفتيه ازاى ؟ ومين أصلا العريس دة يعنى جاى منين؟

عفاف:من النت يا ماما

ظلت الأم المسكينة تنظر لابنتها باستغراب

وهى تراجع كل ما تعرفه من كلمات

ولم تجد لكلمة النت أثر بينها

فسألت عفاف..........

الأم: النت ؟ ودى تبقى فين دى يا بت؟

عفاف: فين ازاى يا ماما؟

الأم: يعنى فينها من الوايلى الى احنا فيها؟

تركبيلها مترو ولا اتوبيس ولا تأخديها تاكسى

اوعى يابت يكونوا بيروحولها بالقطر؟

عفاف : هههههههههههههههه ايه يا ماما الى انت بتقوليه دة؟

مترو إيه وقطر إيه؟! دة النت

الأم: أيوة يا بنتى عرفنا انه الزفت

بس دة موقعه فى انه بلد بالظبط ؟

عفاف:فى كل البلاد يا ماما

الأم باستغراب : انتى اتهبلتى يا بت؟

يعنى إيه فى كل البلاد؟

عفاف: يا ماما النت دة عبارة عن كمبيوترات كتير

في العالم وفيه معلومات كتير اوى

الأم:معلومات ايه يابت انتى

هو انتى هتتجوزى دايرة المعارف؟؟؟؟؟؟

عفاف:المهم يا ماما ان فى واحد متقدملى عن طريق النت

الأم: ودة اتقدم ازاى يعنى؟؟؟؟؟

عفاف: بعتلى إيميل

الأم فى ذهول : ايميل؟

بعتلك إيميل جارنا المسيحى؟

وإزاى يا بت تقبلى تتكلمى مع الى اسمه إيميل ده

وهو مين عشان الزفت بتاعك ده يبعته لينا!!!!!

عفاف فى سرها طب افهمها ازاى دى بقــــــــــى ؟؟؟

عفاف:يا ماما اهدى إيميل جارنا مين بس ...!

الأم: مش انتى الى بتقولى يابت

عفاف:إيميل يعنى جواب بس على النت

الأم: برضه هتقوليلي عالزفت

يابنتى أنا مش فاهمة البتاع الى بتتكلمي عليه دة

عفاف:النت دة ياماما حاجة فى الكمبيوتر

ممكن نبعت فيها رسائل لناس برة

ونستقبل منهم رسائل برضه دة غير حاجات كتير

الأم:أنا ماليش فى الكلام دة

اللي انا عايزة أعرفه هو مين ومعاه شهادة ولا لأ ؟

واصله ايه وفصله ايه ؟؟

عفاف:هو اسمه حاتم

وطالب فى هندسة حاسبات و قاطعتها الأم

الأم : طالب؟؟؟؟؟؟؟؟؟؟

عفاف: أيوة ياماما بس فى آخر سنة

الأم : بصى أنا ماليش دعوة بالموضوع دا أنا هتصل بأبوكى وهو يتصرف

اتصلى بيه انتى عالموبايل وأنا أكلمه

زمانه عالقهوة

وفى قهوة المعلم حسنين

رن الموبايل بتاع عم حلاوة العنتبلى الجزار






cut


الشاي ياعم عبدو



...........

انتظرونا فى الحلقه القادمه مع حلاوه العنتبلى

منقوله....
تابعووووووووووووووووووووووووونا

ربنا يخليكى والله نورتى يا حبيبيتى وان شاء الله مش هاطول

هههههههههههههههههههههههه

مستنية البقية ياقلب الطائر اوعى تتأخرى تمام

هههههههههههههههه

انتو ايه حكايتكو اليومين دول ؟

ماشي يا آيه طبعا منتظرين هههههههه وكالعاده مواضيعك كلها حلوه

دكتور خالد
دودو
بنوتة
سجدة
نورتوا الموضوع جداااااااااااااااااااااااااااا وميرسى اوووووووووووووى على التشجيع والبقية نزلتها

جميلة يا قلبي
مكملة معاكي يا جميل