لا تقل طلاب جامعة القاهره ولكن قل رجال جامعة القاهره !!

من طرف بنت بورسعيد الثلاثاء 08 مارس 2011, 5:29 pm

جامعة القاهره تحلق عاليا جدا جدا جدا

لا يصح إلا الصحيح فهى الجامعه الأولى والأقدم والاهم فى تاريخ العالم العربى وهى اول منبر للعلم والثقافه فى أمتنا العربيه

قامت ولم تقعد ...نادت بالحريه وتحقق ...دبروا لها المكائد ونجا بها أبطالها من الطلاب والطالبات

بعد نجاح ثورة يناير العظيمه خرج طلاب الجامعه للحياه الطلابيه ليصطدموا برئيسها حسام كامل الذى واصل ممارسة الفساد والتعسف والتعتيم فقرر طلاب الجامعه تطهيرها من دنس ذلك الرئيس المخلوع شعبيا وأندلعت مظاهرات منذ ثلاثة أيام لتعم جميع كليات جامعة القاهره وتصب بداخل الحرم تحت القبه التاريخيه

وقاد المظاهرات الطلاب الأحرار مطالبين برحيل رئيس الجامعه وجميع عمداء الكليات وقرروا الأعتصام بها حتى تحقيق مطالبهم

وفى مساء امس حين بلغ الليل ذروته وقل عدد المعتصمين نظرا لرجوع بعض الطلاب لمنازلهم أستعدادا للحضور فى الصباح الباكر قررت الأيدى الخفيه التى تتبع النظام المخلوع أن تعبث بجامعة القاهره وان تطلق مجموعه من البلطجيه لتفريق الأعتصام بالقوه ولكن وسط تواتر الأنباء وفى دقائق معدوده فوجىء الطلاب بحشود وأعداد رهيبه من زملائهم تتوافد عليهم كلهم قوه وحماس فى منتصف ليل امس

وأرتفع فى سماء جامعة القاهره هتاف الطلاب

يا مصر انتى الام ...علشانك إحنا شلنا الهم
يا مصر ولادك جم ..يفدوكى بالروح والدم

وأمتلأت ساحة الجامعه حتى الصباح الباكر بطلابها الأوفياء الذين شكلوا مجموعات لحماية الجامعه ومبانيها من كل يد خارجه سولت لها نفسها الأعتداء على مقدرات الجامعه ....

والجدير بالذكر ان الطالبات أيضا توافدن بغزاره على الجامعه فى منتصف الليل ومعهن كتيبات واعتصمن بداخل حرم الجامعه المصريه العريقه

وقد حاول رئيس الجامعه ان يفض الأعتصام بحيله أخرى وهى تأجيل الدراسه لأجل غير مسمى بمصر ليلحق بالمعتصمين شبهة تعطيل الدراسه إلا ان الطلاب هتفوا معا ضد التأجيل وطالبوا الأساتذه بالعمل والتدريس وقاموا بتنظيف ساحة جامعتهم وتهيأة المدرجات وإعدادها للدراسه غدا

وحاول بعض العاملين بمدن الطلبه إخلاؤها إلا أن الطلاب رفضوا وأعتصموا بالغرف وواصلوا اعتصامهم وجلسوا على الأرض رافعين الكتب وقالوا بأنهم يذاكرون ليلا أستعدادا للتظاهر نهارا ضد رئيس الجامعه وانهم ليسوا فاشلين حتى يتركوا مذاكرتهم ولكنهم أيضا ليسوا مغيبين حتى يتركوا حقوقهم

وليصطدم رئيس الجامعه بطلاب ظن انهم لا يفقهون ولا يعرفون فشهد العالم كله أنهم ليسوا طلابا ولكن أساتذه

يذكر بأنه ليلا تخرج مسيرات كبيره من مدينة الطلاب الجامعيه وفيها ألاف الطلاب رافعين شعار ..

متخافوش إحنا جينا ...إحنا طلاب المدينه .....

ليعتصموا بجانب زملاؤهم فى الحرم الجامعى لحين طرد رئيس الجامعه

وأيضا شكل شباب المدن الجامعيه فرقا لحماية مدن الطالبات بمساعدة الجيش ضد اى محاولات أختراق من أى بلطجيه محتملين

وشكلوا سياجا أمنيا قويا وممرا للطالبات فى مظاهرات اليوم وأمس

وكانوا يهتفون

سلميه ..سلميه

أرحل يا حسام ...الفخريه تمنها كام

يا حسام عليك العار وهيحاسبك طلابنا الأحرار....الخ

يذكر بأن مظاهرات جامعة القاهره هى اول مظاهرات طلابيه تنادى بأستمرار الدراسه وعدم تعطيلها وتنظف المكان بعد كل تظاهره كما أنها تتواصل ليل نهار دون انقطاع !!!!

من طرف **عذاري** الثلاثاء 08 مارس 2011, 7:33 pm

الله يحميكم

يسلموووووووووووووو

جزاكي الله خيرا

الله ينور يا خالد

ياريت يا جماعه فعلا كل الطلبه تروح تشارك معاهم

انا مش طالب انا خلاص عجزت هههههههههههههههه بس بجد قضيت أحلى يوم فى حياتى امبارح معاهم فى الجامعه

قمة الحضاره والرقى

بس اللى يروح هناك ميسمعش كلام خالد علشان الصداع وكده هههههههههههههههههه أرحم حنجرتك شويه ههههه

من طرف **سجده** الثلاثاء 08 مارس 2011, 9:11 pm

ما شاء الله

ربنا يحميهم

وان شاء الله هينولوا مرادهم لانهم علي الحق

وطول ما دكتور خالد معاهم طبعا فخلاص هيخلصوا عليه مفيش خيار تاني ههههههههههههههههه

ربنا يوفقكم

من طرف ????? الثلاثاء 08 مارس 2011, 10:21 pm

شوية شباب صايع ورايح علشان يتحرش ببنات وخلاص

صدقونى هتتربوا كلكم

وصلت بيكم الجرأه تكتبوا أسمائكم

بس احسن

هتشوف الويل يا سبع البرمبه

أصبر على رزقك

والله يا استاذ صبر احنا شباب صايع طب دية حاجة حلوة خااااااااالص لما الشباب اللى بيعملوا مظاهرات صايع امال بتاع الصحوبية اللى فى الجامعة زى الارز ومالهمش دوة بحاجة دول يبقوا اية وتفتكر اننا خافين من كلامك هههههههههه يا عينى بجد دة كان زمان زمن الخوف خلاص انساااااااااااااااااااااه

لا تقل طلاب جامعة القاهره ولكن قل رجال جامعة القاهره !!

لا تقل طلاب جامعة القاهره ولكن قل رجال جامعة القاهره !!

رد: لا تقل طلاب جامعة القاهره ولكن قل رجال جامعة القاهره !!

رد: لا تقل طلاب جامعة القاهره ولكن قل رجال جامعة القاهره !!

رد: لا تقل طلاب جامعة القاهره ولكن قل رجال جامعة القاهره !!

رد: لا تقل طلاب جامعة القاهره ولكن قل رجال جامعة القاهره !!

رد: لا تقل طلاب جامعة القاهره ولكن قل رجال جامعة القاهره !!