ما حدث فى إمبابه, الفتنه الطائفيه تضرب مصر

من طرف جميله الأحد 08 مايو 2011, 1:04 pm

فى غضون ساعات قليلة تحول استقبال مستشفى الموظفين، بالكيت كات، إلى خلية
نحل، وتعالى صرخات الأمهات ودموع الآباء دون تحديد هوية ديانة مصدرها، وفى
خلفية هذا المشهد الدامى كان يقف عجز الأمن عن احتواء الأزمة، حتى تاريخ
كتابة هذه السطور، بلغ عدد المصابين 200 شخص، فيما بلغ عدد القتلى 10
أشخاص، واللافت أن نصف هذه الحصيلة من الضحايا على الأقل لم يكونوا شركاء
فاعلين، فى حملات الكر والفر ولكن شاء حظهم العاثر، أن يتواجدوا فى محيط
الأحداث، عن طريق الصدفة، على الرغم من أن محرك هذه الأحداث لايوحى أنها
كانت بالصدفة.

على مدار 14 ساعة، كان دوى طلقات الرصاص هو الصوت الأعلى، وحل ضوء
المولوتوف، بديلا لضوء المصابيح الذى توارى نورها خلف غبار الأقدام الهاربة
من جحيم فتنة "عبير" المسيحية التى أسلمت، والمحزن فى الفتنة المفتعلة، أن
عددا كبيراً من أطراف المعركة لم يشاهدوا هذه السيدة رؤى العين عندما تم
اختطافها وحبسها فى الكنيسة، والأكثر حزنا من ذلك أن المتعاركين تناسوا
عبير وزوجها السلفى، وتذكروا فقط المسجد والكنيسة، بالرغم من أن المكانين،
لن تغلق أبوابهما ولن تنفتح فى انتظار هذه السيدة وزوجها، ما سبق كان حصيلة
نقاش الآباء والأمهات والأشقاء الذين تقاسوا خارج المستشفى الكيت كات،
دقائق الانتظار والقلق حتى يسترد المصابون وعيهم من تأثير البنج، والغريب
فى هذا المشهد أن إدارة المستشفى قامت بعزل المصابين من الجانبين فى عنابر
من منفصلة، ولكنها سمحت لأهلهم بالانتظار فى مكان واحد، لذلك لم يكن غريبا
أن يقول أيوب عبد الشهيد، واصفا بداية الأحداث قائلا: "هى طلقة انضربت
وبعدها الدنيا خربت ومحدش بقى عارف مين بيضرب فى مين "أما بيشوى صفوت، فقد
هرب من الرصاص، ونيران المولوتوف، واحتمى فى أحد المساجد، وعلى المقاعد
الأخرى كانت الحاجة فاطمة تحتضن ابنتها الصغرى قائلة "الواد اللى فاتح
البيت حيروح منى".

كان خطأ "أحمد – 21 عاما" مصاباً بطلقة فى القدم، أن تناسى الفرق بين سرعة
الطلقات، وسرعة يديه فى جمع بضاعته المفروشة أمام محله الصغير، فهى بضاعة
لم يدفع ثمنها بعد، وخشى أن تدوسها أقدام المتعاركين.

أما "ريمون ناجى" فكان الوضع مختلفا بالنسبة له بعض الشىء، فقد اندلعت
الأحداث بالتزامن مع موعد استلام ورديته، لذلك كان أمامهم خياران إما أن
يمشى فى الشارع الموجود به الكنيسة، أو يسلك طريقه المعتاد من شارع الأقصر،
ولكن فى هذه الحالة سيضيع منه حوالى 10 دقائق، ولكنها تحولت إلى حوالى 10
ساعات مابين البحث عن ملاذ آمن وانتظار سيارة الإسعاف لنقله إلى المستشفى.

أما "محمد 19 عاما" ومصاب برصاصة فى البطن، فقد تلقى اتصالا هو فى طريقه
إلى المنزل عائدا من جامعة القاهرة، أن هناك مشاجرة فى الشارع، ولكنه لم
يتوقع أن تكون حرب شوارع يختلط فيها الحابل بالنابل.

أما وجيه عادل، فاختلف سبب تواجده عن باقى المصابين فى أرض المعركة، ففى
الوقت الذى كان يجلس فيه فى ورشتة تلقى خبراً مفاده أن هناك عددا كبيرا من
الشيوخ يقيمون الصلاة أمام الكنيسة، وعندما وصل إلى هناك لم يجد سوى سيول
من قوالب الطوب الأحمر تنهال من فوق أسطح المنازل كان نصيبه ثلاث منها،
وعلى الرغم من تحول منطقة إمبابة والشوارع المؤدية إليها ثكنة عسكرية
تتقاسمها قوات الجيش والمطافئ والشرطة وقوات الأمن المركزى إلا أنهم جميعا
وضعوا أعصابهم فى ديب فريزر، واكتفى كل قائد منهم بتحريك تشكيلات الجنود
مرة ذات اليمين وأخرى ذات الشمال وكأن ما يحدث أمامهم ينتمى لمدرسة شاهد
المباراة وكأنك فى الملعب.

منقول من اليوم السابع المصريه

من طرف ? ? ? الأحد 08 مايو 2011, 8:38 pm

تحذير

أوعوا تصدقوا المسيحيين

الكنيسه دى بتتحرق واللى حرقها المسيحيين نفسهم

وإحنا بنخطف أى واحده مسلمه

وإحنا مطلعناش معاكم ميدان التحرير معاكم

إحنا كنا بنشارك فى الثوره المضاده طبعا

بصوا

إحنا ولاد كلب

والسته اللى ماتوا دول ماتوا كده من نفسهم

والكنايس اللى بتتحرق دى إشتعال ذاتى

والسلفيين محاصروش الكنيسه ولا حاجه

إحنا ولاد كلب

ولا الزغبى طلع قال إحنا هنقتحم الأديره

ولا حد بيقول أننا كفره

إحنا اللى غلطانيين

إحنا نصارى مش مسيحيين صح ؟؟

إحنا لازم ندفع جزيه ؟؟

إحنا كفره

كفايه كده يا مسلمين إحنا تعبنا

بجد تعبنا

بجد تعبنا

بجد تعبنا

من طرف **k_I_A_S_B** الأحد 08 مايو 2011, 8:56 pm

ف ف ف كتب:

تحذير

أوعوا تصدقوا المسيحيين

الكنيسه دى بتتحرق واللى حرقها المسيحيين نفسهم

وإحنا بنخطف أى واحده مسلمه

وإحنا مطلعناش معاكم ميدان التحرير معاكم

إحنا كنا بنشارك فى الثوره المضاده طبعا

بصوا

إحنا ولاد كلب

والسته اللى ماتوا دول ماتوا كده من نفسهم

والكنايس اللى بتتحرق دى إشتعال ذاتى

والسلفيين محاصروش الكنيسه ولا حاجه

إحنا ولاد كلب

ولا الزغبى طلع قال إحنا هنقتحم الأديره

ولا حد بيقول أننا كفره

إحنا اللى غلطانيين

إحنا نصارى مش مسيحيين صح ؟؟

إحنا لازم ندفع جزيه ؟؟

إحنا كفره

كفايه كده يا مسلمين إحنا تعبنا

بجد تعبنا

بجد تعبنا

بجد تعبنا

أخى حضرتك قبطى على ما يبدو

أولا أسمحلى اتقدم بالتعازى فى هذا الحادث المروع اللادينى ولا وطنى

وأسمحلى ان اقول لك أن من فعله أو دعا له

ليس مصرى ولا يعبر عن الإسلام

يقول رسول الله صلى الله عليه وسلم

من ظلم معاهدا او ذميا فأنا خصمه يوم القيامه

فمن قدر ان يخاصم رسول الله يوم القيامه ؟؟؟

وأنا أطالب القضاء المصرى والمجلس العسكرى بضرب بيد من حديد على كل من أثار الفتنه مهما كان

من طرف ? ? ? الأحد 08 مايو 2011, 9:16 pm

انت بتحاول تحتوى الازمه بطريقه

وطريقتك مستفزه

كفايه بقى خنقتونا

ناقص تكلمنى عن عدل عمر بن الخطاب

هو ده الإسلام اللى عاوزين تحكمونا بيه

لسه موصلتوش وحاصرتم كنايسنا وقتلتم ولادنا

أمال لو حكمتم هتعملوا فينا أيه ؟؟

دنتم مش هاين عليكم تقولوا أننا مسيحيين

بس بقى كفايه قرف

من طرف **k_I_A_S_B** الأحد 08 مايو 2011, 9:31 pm

أخى رفقا

من قال لك انى أقول انك مش مسيحى

امال أنت مسلم ؟

انت مسييحى

وصدقنى أى عملية قتل او تخريب او حرق هى لا تعبر عن المنهج الإسلامى السليم ولا دولة الإسلام

ولو فى أى سؤال أنت عاوز تسأله عن دولة الإسلام ونظام الحكم فى الإسلام وشىء انت خايف منه او معترض عليه اتفضل انا سامعك وهكلمك بشكل تشريعى وقانونى مش بش بأحاديث ولا قران وعلى عن سيدنا عمر بن الخطاب

من طرف ? ? ? الأحد 08 مايو 2011, 9:42 pm

طيب ينفع المسيحى يبقى وزير ؟؟

ينفع يبقى رئيس جامعه ؟؟

محدش قال أن المسحى يبقى رئيس ولا هينفع وإحنا عارفين

بس رد على اول سؤالين

من طرف **k_I_A_S_B** الأحد 08 مايو 2011, 10:02 pm

معيار الأختيار عندنا هو الكفائه فلي للمسيحى كوته أو تفضيل او أضطهاد

لو انك بارع فى الطب ستكون طبيبا ولو أنك الأول على دفعتك ستكون معيدا ولو انك الابرع بين الأساتذه ستكون عميدا ورئيسا للجامعه

ولو أنك أفضل من يدير الزراعه ستكون وزيرا لها

من طرف **dandana ali** الأحد 08 مايو 2011, 10:46 pm

لا حول ولا قوة الا ابالله
اكيد اللى عملوا كده لا ينموا عن الاسلام ولا المسلمين واعتقد ان السنين اللى فاتت دى كلها واحنا مع بعض اخوة صعب جدااااا
وحرام بجد لما ناس مخربة تحاول تهد هذه الصلة بيننا
بس الاصعب لو نجحوا بجد

شكرا ياجميلة على التغطية

ما حدث فى إمبابه, الفتنه الطائفيه تضرب مصر

ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر

رد: ما حدث فى إمبابه, الفتنه الطائفيه تضرب مصر