رسالة الى سيدنا محمد صلى الله عليه وسلم ..

السلام عليكم ورحمة الله وبركاته

هذه رسالتى لك بعد ان جمعت معظم الأسئلة والطلبات من أغلب صديقاتى

هذه رسالة وشكوى اليك

نحن نحبك جدا ونؤمن بالإسلام ولكننا نكفر بالجماعات الإسلامية التى تتحدث بأسمك وعلى رأسها الإخوان والسلفيين

نحن لسنا إسلاميين أحنا مسلميين عاديين ومش معترفين بكل اللى هم بيقولوه

نكرههم ونكره كل قادتهم ومتأكدين أن اللى قاله سيد قطب وأسامه بن لادن وعبود الزمر وغيرهم لا يمثلك


فيهم ناس قالت أنك تزوجت السيدة عائشة رضى الله عنها وهى قاصر وبحثت فى الموضوع كتير وسمعت أراء كتير ومتأكده انهم كدابيين وبيفتروا عليك من اجل أغراضهم الشخصية


هم عاملين احزاب بيقولوا عليها أحزاب إسلامية وانهم بيحبوك وفى الأول كنا مصدقينهم وبعدين شكينا فيهم بس بعد شوية اكتشفنا أنهم بيكدبوا كتير جدا وطلع فيهم ناس تشوه فى أى حد ضدهم وضد مصلحتهم حتى لو كان معاهم وأستقال ورفض أسلوبهم ورشح نفسه ضدهم

مش مصدقين الكلام اللى قاله سيد قطب على سيدنا عثمان بن عفان رضى الله عنه لأنه كان صحابى ولو كان وحش مكنتش بشرته بالجنة ومدحته كتير فى كل أحاديثك


احنا مسلمين لا نعترف بالسلفية ولا بالإخوان ونعاهدك على اتباع سنتك والحرص الشديد منهم ومن كذبهم ونفاقهم والبعد تماما عن تنظيماتهم اللى مش غرضها خدمة الإسلام وكل هدفها الحكم والانتخابات

عارفين ان صعب أنك ترد علينا دلوقتى

لكن احنا عندنا امل أننا نلاقى علامة كبيرة واضحه تدل لينا على ضلال الجماعات الإسلامية وتوضح لينا لطريق الصح

عليك أفضل صلاة وسلام

السلام عليكم ورحمة الله وبركاته ...