نكت على قرار غلق المحلات

من طرف maryam memo الخميس 01 نوفمبر 2012, 4:58 pm

الحكومة المصرية عاوزة تقفل المحلات بعد الساعه 10 مساءا وطبعا القرار مش هيشمل النايت كلابز ولا فنادق ومحلات شارع الهرم وطبعا القرار علشان مشكلة الطاقة وقال ايه كده بيوفروا كهرباء

وطبعا الشعب المصرى العظيم بدأ الألش والتنكيت مبكرا على القرار

أسمعوا وأضحكوا على ألش الشعب المصرى على القرار

حوار مع صاحب محل فاتح محله الساعه 10 ونصف :

انت مسمعتش عن قرار إغلاق المحلات الساعه 10 أنت فاتح محلك ليه ؟
رد صاحب المحل : هم قالوا لنا أقفلوا الساعه 10 بس مقالوش نفتح امتى أنا قفلت عشره وفتحت عشره ونصف

صثصقييب

نشرة أخبار التاسعه :
عاجل ضبط صاحب محل متلبس ببيع 3 عب جبن الساعه 11 مساءا وتحويله للنيابة !!

صثصقييب

شاب يوجه سؤال للوزير

هو كوباية الشاى الفاتلة فى الكباريه بكام ؟؟؟ أصلى كنت بشربها على القهوة بجنيه اكيد هناك أغلى

صثصقييب

شاب نازل الساعه 12 والده بيسأله انت رايح فين يا مجنون كل القهاوى قافلة بقرار من الحكومة
الشاب لأبيه متخافش يابابا أحنا مش هنخالف القانون أحنا هنسهر على كباريه فى شارع الهرم وده لا يشمله القرار

صثصقييب

صاحب محل صعيدى معلقا على القرار

الحمد لله أحنا بنفذ تعليمات الحكومة وانا قفلت المحل بتاعى من الساعه 10 بس بسيب النور والع جوه واهوه ونس

صثصقييب

بيقولك شاب معدى فى السيدة زينب الساعه 12 طلع له واحد مكمم وشه وهمس فى ودانه ( كابتن كابتن تشرب عصير قصب تعالى ورايا اخر شارع على اليمين وكلمة السر زعزوعه )

صثصقييب

صاحب محل تعليقا على القرار : دا خراب بيوت ان معترض وزوجته تقوله طيب ما تفتح وتطنش القرار قالها انا خايف يسحبوا الرخصة ردت عليه : انت ناسى ان محلات وسط البلد والسيدة والمنيرة بدون رخص أصلا

صثصقييب

كم أنت عظيم يا شعب مصر

يسلسئسئ