هل تقبلى ان يكون زوجك ...جوز الست؟؟؟؟

معروف فى مصر وكل الدول العربيه أن الست هى اللى بتغسل وبتكنس وبتطبخ
وبتقوم بأعمال البيت

من الأخر أنا مش هطول عليكم أنا كنت واقفه أنا وصحباتى فى البلكونه
وفجأه شوفنا واحد بينشر الغسيل

منظر غريب أستغربنا كلنا

وفى بعضنا قال وإيه يعنى شىء عادى يارب جوزى يكون كده يريحنى

لكن البعض رفض

وأنا شخصيا أرفض أن جوزى ينشر الغسيل

المفروض الراجل أحس أنه راجل وأنه له كلمه
وبصراحه لو جوزى نشر الغسيل هينزل من نظرى

قولت أحط الموضوع هنا فى القهوه نتناقش فيه كلنا ؟؟

هل تقبلى أن زوجك ينشر الغسيل ؟
هل تقبل أن زوجتك تخليك تنشر الغسيل ؟؟

يلا شاركوا كلكم