أنا أسفة يا جابر ..

من طرف سما الأربعاء 21 نوفمبر 2012, 3:58 pm

محمد جابر صلاح 19 سنة فى ثانوى لسه !!!

جابر قتلته الشرطة امبارح

أصحابه وكلنا كنا بنادى له ( جيكا )

دى اخر حوارات له دارت معاه

حاجات محدش كتير يعرفها

فى أنتخابات الإعادة انقسم أعضاء 6 أبريل قسمين كبار

قسم قال أن الإخوان مفيش ليهم امان وأنهم كدابين وان مرسى زيه زى شفيق وأن المقاطعه هى الحل وكنت واحده منهم

قسم تانى أختلف مع الرأى ده وكان الأغلبية وقال أنه هيدعم مرسى فى الانتخابات ضد شفيق

جابر كان من القسم ده

عارفين جابر عمل أيه ؟؟؟

جابر عطل كل حياته تقريبا وكان بيلف فى الشوارع زى المجنون محدش ينتخب شفيق أنتخبوا مرسى واتعرض لمهاجمة كتير من ناس كتير وناس كانت بتقول له أنت عميل وانت قابض !!!

أتشتم كتير واتبهدل كتير ولا أخد مليم واحد ولا منفع واحد

جابر قال على الأقل لو مرسى فاز خالد غرابة اللى قتل أصحابى هيتحط فى السجن

أول لما مرسى فاز خرج جابر فى مظاهرات فى التحرير وكان فرحان جدا وكان متفائل جدا

وأول لما الحكومة اتشكلت مصدقش نفسه لما شاف هشام قديل اللى قال عن المتظاهرين فى محمد محمود انه شوية صبية وبلطجية

مصدقش لما شاف زكى عابدين وممتاز السعيد والعامرى فاروق وغيرهم

حس انه اتخدع وحس أنه بلغتنا أتعلم عليه وأنه انضحك عليه

جيكا كان فى الأيام الاخيرة زى المجنون بعد لما عرف أن خالد غرابة اترقى

كل الناس البارده اللى معندهاش دم اللى بتقول هم راحوا محمد محمود تانى ليه ؟؟
هو كده هيجيبوا حقهم ولا هيموتوا

وهم بياكلوا شيكولاته وبيشربوا نسكافيه وبيناموا على السرير بتاعهم محدش منهم شال ميت على أيده وشاف خالد غرابة وهو بيقتله ولا شاف احمد جمال وهو بيقتله

لما يشوف ده وزير وده بيترقى اكيد لازم يروح ويهاجم كل المبانى وكل الوزرات مش بس وزارة الداخلية ؟؟؟

خلوا عندكم دم شوية ولا البطاقات الأنتخابية نسيتكم الدم يا عديمى الدم ؟؟؟

جابر مره حد قاله وهو بيقول انتخبوا مرسى ( انت مراهق سياسيا يا جابر ومش فاهم حاجة )

مسير مرسى يديك على قفاك أنت و6 أبريل ويتحالف مع الكلاب 2 ضدكم وهيرميكم فى صفيحة الزبالة

جابر قال انا مش مراهق سياسى ويومها هكون شهيد أكيد !!!!

جابر راح شارع محمد محمود بعد لما اعلن تأسيس حركة ( معا ضد النظام ) وبعد لما أشهر صفحة ناجحة أسمها ضد الإخوان على الفيس كان بيفضح فيها خيانة جماعة الإخوان للثورة وأنهم ضحكوا عليه فى الأنتخابات

جابر متقتلش برصاصة واحدة

جابر تم اغتياله بتمن رصاصات بوساطة قناصة وزراة الداخلية واسمه على قائمة كبيرة فيها ناس كتير يارب أكون واحده منهم وأرتاح فى يوم زيه .....

جابر قبل ما ينزل قال دى اخر حاجة هكتبها لكم انا نازل علشان حق الشهداء اللى شيلتهم بأيدى واللى قتلهم بقى وزير واترقى وعلشان خاطر عيون أحمد حراره ولو مرجعتش هاتوا لى حقى يا أجدع أصحاب

احنا منستحقش نكون أصحابك وأحنا مش اجدع أصحاب يا جابر لأننا مش هنعرف نجيب حقك
يارب نموت زيك

احنا مش جدعان يا جابر

انا أسفة أنت مش مراهق سياسيا

انت موت شهيد

يسقط يسقط محمد مرسى وكل كلب إخوانى لسه فى الجماعة دى

جماعة بنت كلب وقذرة

جماعة الخيانة والعار

جماعة لا تخترم الدم

انا أسفة يا جابر أنت بطل مش مراهق سياسيا

من طرف ??? الأربعاء 21 نوفمبر 2012, 4:27 pm

احنا أسفين يا جابر

يسقط مرسى ابن الكلب واتباعه ومبرراتية النظام القاتل

على السيد عضو 6 أبريل

من طرف **عذاري** الأربعاء 21 نوفمبر 2012, 4:32 pm

الله يرحمه و يصبر اهله واصحابه

ربي يحفظكم سما

الله يرحمه

قلبى معاكى يا سما

لو كنتى تعرفى أنه هيموت ما قولتى له ذلك

والله هو رجل حقيقى ولكم الحق تفتخروا به

متعاطفة مع ثوار مصر

نكره الظلم ونكره اهله

ربى ينصركم

من طرف لحظه غروب الخميس 22 نوفمبر 2012, 7:03 am

البقاء لله

شوفى الموضوع ده وشوفى فى الميديا بيقولوا عليه بلطجى

بجد الظلم وحش

http://wecando.forumpro.info/t4099-topic#26177

من طرف شريف عبد الله الجمعة 23 نوفمبر 2012, 9:19 am

ان شاء الله حقه هيرجع

الللى قتل الشاب ده وزير الداخلية والمسئول هو محمد مرسى

ان شاء الله هنرجع حقه

متخافوش من العدد والقوة

من كان الله حسبه لا يخاف

من طرف caroool_karimi999 الأربعاء 28 نوفمبر 2012, 10:30 am

البقاء لله سما

طمنينى عليكى

لا حول ولا قوة إلا بالله

ربنا يرحمه ويحسن إليه

أذكرى الله وأذكرى القرآن على روحه

لا إله إلا الله

البقاء لله تقبلى منى العزاء

ربنا يرحمه

أنا أسفة يا جابر ..

أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..

رد: أنا أسفة يا جابر ..