يوم الغضب .... ثورة طلاب جامعة القاهره

من طرف **k_I_A_S_B** الثلاثاء 09 نوفمبر 2010, 12:28 am

السلام عليكم ورحمة الله وبركاته

سمعنا جميعا عما حدث للدكتور عبد الجليل مصطفى فى جامعةعين شمس

الدكتور عبد الجليل مصطفى هو رجل مصرى شريف وهو أستاذبجامعة القاهره أدرك أن للطلاب حق فى الحريه وللتعبير عن رأيهم ورأى كما رأيناجميعا مفاسد الطبقه الأمنيه ومفاسد حرس الجامعه التى لا حصر لها
فهذا طالب يمر بسيارته دون مانع او رادع لأنه أبنالأستاذ أو أبن الوزير الفلانى وهذا الطالب يتعرض لمضايقات ولمناوشات بسبب أنتمائهلنظام سياسى معين كل ما يعيبه ان يختلف جملة وتفصيلا مع النظام الحاكم

ولم تكتفى قوات الأحتلال من الحرس الذى الذىيحتل الجامعه بهذا فحسب بل بدأت أن تمتد يدها القذره على الطلاب
فقد اعتدى أحد ظباط امن الدوله على طالبه لاذنب بالتحرش والضرب مما دفع زملاؤها من الطلاب الى الأعتراض فقام الأمن وسحقهم عنبكرة أبيهم
ورغم كل التجاوزات لقوات الأمن المحتلهللجامعه إلا أن النظام المصرى راضى عنها كل الرضا لأنها تحمى مصالحه وتحافظ له علىأغراضه
مما أثار حفيظة مجموعه من الأساتذه الشرفاءحين رئوا الطلاب يعترضون ويتظاهرون فقرروا أن يساعدوا الطلاب فى رد حقهم المهضوم
وكان اول هؤلاء الشرفاء هو الأستاذ الدكتورالعظيم عبد الجليل مصطفى الذى أسس حركة 9 مارس لتحرير الجامعه وتوعية الطلاب
وعندما رأى الدكتور عبد الجليل تجاوزات قواتالأمن قام برفع قضيه ضد هذه القوات ووقف محامى الطلبه مدافعا عن حقنا فى جامعه حرهللتعليم والبحث العلمى وان تكون منبرا للحريه ولا يحق للظابط أن يتدخل فى شئونناوان يتحكم فى حريتنا

وحكم القاضى حكم نهائى وبات لا يجوز الطعنفيه بطرد الحرس من الجامعات المصريه
إلا أن وزير التعليم العالى المصرى هانى هلالومعه قوات الأحتلال متمثله فى حرس الجامعه بدأوا يتحايلوا على القرار ويحاولوا منعتنفيذه
فقرر الدكتور عبد الجليل زيارة الجامعاتالمصريه وان ينشر نص قرار الحكم للطلاب
وبدا بجامعة عين شمس وحينما دخل الدكتور عبدالجليل للجامعه وبدا يتحدث وبدأ الطلاب يستمعون له قامت قوات الأمن بلعبه قذره جداوهى انها أستأجرت بلطجيه للأعتداء على الدكتور ومن معه من الطلبه بالضرب
وقاموا بإهانه الدكتور العظيم والمربى الفاضل
والأبشع من هذا ان وزير التعليم العالى خرجيكذب فى كل مكان ويقول بأن الدكتور عبد الجليل هو أستاذ فى جامعة القاهره وانهأقتحم جامعة عين شمس وان من ضربه هم الطلبه الغيورون على مصلحة جامعتهم
الظاهر ان الدكتور هانى أخطأ خطا كبير بهذاالكلام
والسبب أن الدكتور هانى لا يعلم أن طلابجامعة القاهره لحمهم مر وصعب ان يتم هضمه بسهوله وإذا كان هانى هلال يظن بانبتمثيله الكاذب قد خدع الطلاب فيسعدنى ان أبشره بانه ممثل فاشل مدعوم بقوه غيرشرعيه
وانه طالما الدكتور عبد الجليل مصطفى هوأستاذنا ونحن طلبة جامعته فلن ينصره غيرنا ولن يعيد له حقه غيرنا
ولو ظن الوزير ان الدكتور عبد الجليل بعد ماحدث له سيندم على دعمه للحركه الطلابيه الفاشله فهو ظن خاطىء
لأن الطلاب سوف يردون الجميل لأستاذهم الشريفوالعظيم اما الخائن والجبان الذى كان بالأمس عميل واليوم سيكون ملعون منا كطلابوبالغد سيكون مع أعوانه فى مزبلة التاريخ

عبد الجليل مصطفى هو أستاذنا الشريف الذىنحترمه ونقدره رغم انفكم وسنرد له الجميل اليوم فى جامعة القاهره وفىساحتها
والدعوى عامه لكل الطلاب ولكل المصريين ليرواجامعة القاهره وهى تكرم أستاذها الشريف
ولنردد جميعا انه يا هلال جامعة القاهرهلازال بها رجال
الدعوه مفتوحه لجميع الطلاب وجميع الفئاتالسياسيه سواء من الحركات الطلابيه من كفايه او 6 أبريل او ناصريه أو اخوان مسلمين
تعالوا جميعا الى ساحة جامعتنا وليرى العالمكله طلاب جامعتنا يوم تكريم الأستاذ العظيم الذى دافع عن الطلاب
لنرفع الرجل فوق الأكتاف ولنهتف له ولنمجدهلأنه دافع عنا

ولنحقر الوزير الذى أحتقرنا ولم يحترم عقولنابل وكذب علينا

هلا فعلتموها يا طلاب جامعة القاهره؟؟؟؟؟!!!!
إن جامعة القاهره هى مصنع الأبطال ومخرجالرجال وهى منبع الحركه التحريريه لجامعات العالم العربى وللوطن العربى بأثره
كانت ومازالت ونثق جميعا فى رجالها وفىطلابها وفى طالبتها ليكن يومكم الذى ثتثبتون فيه أنكم قادرين على رد الجميللأساتذكم

من طرف ??? ???? الثلاثاء 09 نوفمبر 2010, 9:41 am

مش فاهم أوووووووى لكن هو دعوه أقرب من انه مقال

كنت عاوز أسأل حضرتك على حاجه يا دكتور

هو فعلا فى حاجه هتحصل ولا هو كلام وخلاص ؟

لو حصلت حاجه فى مصر المصريين بره مصر هيكونوا معاكم جدا جدا جدا

ومستعد اتخلى عن الراسماليه ومبادئى الرأسماليه واتحول لثيروقراطى زيك لو تحب

بس بجد يارب نشوف حاجه من الشباب زى زمان

من طرف **سجده** الثلاثاء 09 نوفمبر 2010, 10:12 am

والله نفسي اكون معاكم يا دكتور خالد

ومنتظرين ردكم ويارب يوفقكم وتقدروا تعملوا اللي كلنا بنتمناه

وانما النصر صبر ساعه

من طرف ??? ???? الثلاثاء 09 نوفمبر 2010, 10:23 am

لا لا

طالما الأستاذه سجده بترد كده هفضل فاتح الأخبار ومستنى

لانى عرفت اللى حصل فى جامعتى

جامعة عين شمس اللى كنت طالب فيها فى يوم من الأيام

واتذكر لما كنت طالب فى عين شمس كانت هى منبر الحريه وكانت بتقرف الحكومه جدا

لما شوفت اللى حصل فيها الأسبوع اللى فات بجد حسيت انها بقيت جامعه تانيه

او تحولت

سمعت كلام عن ضرب وبلطجه والخ

وسمعت ان فى طلاب غير الإخوان ناويين يعملوا شىء وناويين يردوا واللى اكد ده كلامك

وبكرر طلاب غير الإخوان

مش لأن الإخوان وحشين

صحيح انا مختلف مع الأخوان لكن مش ضد وجودهم لكن انا بكلم فى شىء تانى

نفسى طلبة الجامعه العاديين يطلعوا يقولوا كلمتهم

لو طلبة الجامعه العاديين طلعوا يقولوا كلمتهم يبقى هنسمع صوت الجامعه

يبقى هنسمع صوت الطلبه

ولو سمعنا الصوت ده يبقى هو فعلا اللى بيعبر عن الطلبه وعن مطالب الطلبه وساعتها محدش هيقدر يقولهم تلت التلاته كام

صحيح هيكون فى طلاب هيعملوا حاجه ؟؟؟

ولا لسه مشغولين شويه ؟؟؟

أوعوا تفكروا الموضوع تافه يمكن أحنا هنا نسمع عن الأخبار دى أكتر منكم ويمكن نكون متابعين أكتر منكم

من طرف **سجده** الثلاثاء 09 نوفمبر 2010, 10:33 am

اهلا بيك يا استاذ عسل اسود

انت منورنا علي فكره وليه حضرتك متسجلش معانا ؟
الطلبه دلوقتي بقي عندهم وعي وكتير جدا منهم فهم دوره

وان شاء الله هما بيقووا تدريجيا وهتشوف وتسمع عنهم كل خير باذن الله

والدليل قدامك هنا وهو الدكتور خالد
وعلي فكره المسيرات ديه شامله الاخوان ومختلف القوي السياسيه زي ما ذكر دكتور خالد يعني مش زي ما حضرتك افتكرت انها خاليه من الاخوان .
لان الاخوان شركاء في جميع حملات الاصلاح وحب مصر زي جميع الحركات الوطنيه الاخري سواء ناصري او 9 مارس او 6 ابريل او او او .
والحمد لله الاخوان بداوها وتحملوا كل الصعاب والازمات اللي مروا بيها في سبيل رسالتهم و يشهد بيها العالم وصمودهم امام الطغاه دلل لكل الاحرار ان الطغاه الي زوال .

بس دعواتك معانا وكفايه انهم قدروا يقولو لأأأأأأأأأأأأأأأأأأأأأ والف لأ للحكم الفاسد ودي البدايه

السلام عليكم ورحمة الله وبركاته

دكتور خالد

مقال متميز

لا حول ولا قوة إلا بالله

الله ينصر الحق

تسلم يديك

شكرا لك

سلااااااااام

من طرف لحظه غروب الثلاثاء 09 نوفمبر 2010, 3:59 pm

قبل الموضوع ده مكنتش اعرف مين هو الدكتور عبد الجليل مصطفى بس الأجمل أنتى شوفته النهارده فى الجامعه وسمعت كلمته كمان بس اللى حصل النهارده فى الجامعه محدش فاهمه خالص وياريت حضرتك يا دكتور تفهمنا أيه اللى حصل ؟؟

لان كلنا اتجمعنا على المعارض اللى كانت موجوده ولفت نظرنا الصحافه الموجوده والتغطيه لكن فجاه لقينا الموضوع تحول لحفله دينيه ولقينا ان البنات بتوع الأخوان بيقولولنا يلا يا جماعه روحوا دى حفله وخلصت

أستغربنا جدا لاننا بنعرف ديما أن الإخوان هو اللى بيشعللوا المواضيع دى ههههههههههههه حسيت كالعاده انى غبيه جدا بقى البنت اللى مشهوره عندنا فى المدرج انها تبع الإخوان فجأه هى اللى بتفض التجمع والاكتر أن الشاب اللى طلع يقول كلمة بتوع سته أبريل كل اللى قاعدين بدأوا يتكلموا ومحدش حاول حتى يسمعه واعتقد ان المفروض كلنا نسمع بعض

والأكتر هو المشادات اللى حصلت واللى الكل لاحظها

بس عجبنى فى اليوم حاجتين

الاولى أنى شوفت دكتور عبد الجليل اللى بيقولوا عليه وانه فعلا شخص محترم جدا وكان يستحق التكريم

والتانيه هو الأتصال بالطالبه سميه اللى أنضربت على باب الجامعه

لكن بعد كده وسبب فض التجمع واللى حصل مش فهماه خالص خصوصا اننا كلنا توقعنا ان يكون فى مظاهره على الاقل وكمان الكلام اللى أتقال عن الانتخابات كان ميهمناش اصلا

من طرف الشروق الثلاثاء 09 نوفمبر 2010, 4:22 pm

هو ايه اللى حصل فى الجامعه يا شباب قولولى لحسن انا معزوله شويه عن العالم الخارجى

من طرف **عذاري** الثلاثاء 09 نوفمبر 2010, 6:21 pm

الله يحميكم من كل شر

من طرف ???? الجمعة 12 نوفمبر 2010, 9:30 pm

المسيره كانت حاجه تشرف يا جماعه

وعاوز أطلب منك يا دكتور خالد

الاكونت على الفيس

عاوز أضيفك بس مش عارف أجيبك ازاى ؟

انا أشرف اللى قابلك وقولتلى كلام كتير بس طنشطنى فى الأخر

ههههههههههههه

يوم الغضب .... ثورة طلاب جامعة القاهره

يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره

رد: يوم الغضب .... ثورة طلاب جامعة القاهره