مسيرات مندده بالحرس الجامعي في القاهره والفيوم وطنطاوالزقازيق والمنوفيه ..

يعنى الطلبه عملوا احداث ضد الامن العام للجامعه ورفعوا لافتات ومعارض بيشتموا وزارة الداخليه والموضوع تطور كمان لشتيمه فى وزراء كمان
 
مش بس كده مالين الفيس بوك من أسبوع وبيهيجوا باقى الجامعات
 
وطبعا الأزهر أستجاب وقلد جامعة القاهره
 
طيب فى كل ده هل سمعنا عن ظابط أعتدى على طالب واحد ؟؟ او حتى ضربه ؟؟
 
الغريب أننا شايفين كل شويه كلام عن 6 أبريل ونفسى اعرف الناس دى عاوزه أيه
 
دول محترفين مظاهرات وشغلتهم او مهنتهم المظاهرات
 
بيطلعوا فى كل مكان يشتوا ويعلو صوتهم وخلاص
 
طيب ايه مطالبك أو أيه برنامجك متلاقيش رد
 
وطبعا لما بتاع 6 أبريل أبو صوت عالى اللى بيعرف يهيج الناس يتلم على الأخوان اللى زى الرز والاخوان يدوه العدد وهو يديهم الروح ويجوا فلائل عبد الناصر كما يطلقون على أنفسهم الناصريين ويمنحون كل هذا المنهج والبرنامج المنظم
 
تلاقى فى النهايه اللى حصل
 
طيب مفيش واحد من اللى نقل الأخبار دى شكر الأمن اللى متعرضش لحد ولا حتى بالكلام
 
مش ده الأمن اللى بتعملوا كل ده ضده ؟؟
 
بجد أنا مستغربه
 
طيب حتى علشان يكون فى مصداقيه فى الخبر كان المفروض يتم ذكر رد فعل الأمن المتحضر جدا معاكم
 
كلامى مجرد رأى وبحاول أساعدكم والله
 
بس متخلوش حد يضحك عليكم