تعاثه وعذاب

من طرف ?????? الثلاثاء 16 نوفمبر 2010, 11:10 pm

عندى 30 سنه ومراتى وانا عايسين فى الامارات من سنتين

من اول متجوزنا لا يجمعنا الا الاحترام والادب

من أول لما أتعرفت على زوجتى اللى هى شخصيه قويه جدا

وشخصيه محترمه جدا لا تحب الهزار حتى لو كان بينا وبين بعض

بصراحه جبتنى شخصيتها جدا

وعايش معاها فى سعاده رهيبه

لحد لما قابلت صديق ليا بالصدفه

وقرر انه يقولى سر خباه عليا بيول من 8 سنين

وهو انه عمل عمليه لزوجتى لأنها كانت مش عذراء

وطبعا مصدقتوش وقولت عليه كداب لكن الغريب أنه قالى على اللى يدللى أنه صادق

وقالى انه لو كان يعرف ان دى مراتى كان حذرنى من الأول

وانه من حجقى عليه انى أعرف

بس مراتى دى لا يمكن حد يقول عليها شىء

مثال للأدب والألتزام

أحنا بينا أحترام رهيب لدرجه انى أصلا مقدرش افاتحها فى الموضوع ده

أنا تحولت لتعيس

ولا اعلم ماذا أفعل ؟

من طرف **سجده** الخميس 18 نوفمبر 2010, 11:26 am

السلام عليكم ورحمة الله وبركاته

الاخ الفاضل

اسمحلي ابدي رايي في الموضوع

بما انك بتقول ان زوجتك مثال للادب والالتزام والاحترام فده طبعا شهاده مهمه جدا وطبعا الزوج والزوجه بيبقوا اقرب اتنين لبعض وادري الناس باخلاق بعض .

وطبعا لانك مش عارف الحقيقه فين فهتفضل في تعاسه ممكن تدمر حياتك وحياتها لو الحال استمر كده
انا شايفه ان لو الموضوع ده حقيقي فعلا انا بقول لو وحصل انها عملت عمليه زي ديه فاحنا قدام احتمالين انا شايفه ان واحد منهم مستبعد وواحد منهم قريب
والاحتمال القريب انها ممكن تكون اتعرضت لحادث وطبعا الحوادث ديه متخفاش عليك وكثيره جدا وفي الحاله ديه هيا مش مسئوله ابدا عن حاجه زي ديه وهتكون ضحيه .

والاحتمال الثاني والمستبعد هو اللي انت عارفه ومن كلامك انا مش هفرضه ابداا.

يبقي نيجي للحل

وانا رأيي انك مينفعش تسكت كده وتفضل في الحاله اللي انت فيها

هتقولي اصارحها ؟ هقولك لا . هتقولي انا مش قادر اعيش . انا عارفه انك في ظرف صعب جدا واعتقد ان العقل بيقول انك تنسي الموضوع ومتدمرش حياتك وحيات انسانه اما ضحيه وعايشه في عذاب داخلي لا ذنب لها فيه أو انسانه تائبه راجعه الي الله عز وجل وقد سترها المولي عز وجل ومن عليها بزوج فاضل وحياة كريمه .
وقال تعالي ( ان الله يغفر الذنوب جميعا انه هو الغفور الرحيم ) صدق الله العظيم

فلا تدمر حياتك التي تهنا بها وصديقك هذا انا لا احترم موقفه ابدا وما كان له ان يفعل هذا ابدا وهو يراك تعيش حياة سعيده مع سيده لا يري عليها الا الالتزام وليس عليكم حسابها طالما لمستم فيها قربا من الله والتزاما .
وافترض ان هذا الكلام لو صدق فعلا ولو حدث ان زوجتك ضحيه ولا تفتح جروحا الله اعلم بها ولو فتحت من المحتمل الا تندمل .

ولو من المولي عز وجل عليها بالقبول ويسر لها حياة كريمه فهذه علامة قبول منه وتوفيق وليس عليكم ان تفعلوا مالم يفعله المولي عز وجل

واتق الله فيها وفي نفسك ولا تعرضها لما لن تحتمله انت ولا هي .

وفقك الله وفرج همك وشرح صدرك
فتقرب الي الله اخي الكريم وتمسك بكتابه واطلب منه العون في ركتين في ظلمة الليل بارك الله فيك .

من طرف **k_I_A_S_B** الجمعة 19 نوفمبر 2010, 11:57 pm

عندك حق يا سجده

أخى اتفق معها فى رأيها

وفعلا لا تدمر حياتك بيدك

وإن شاء الله تعيش فى سعاده كما كنت

لا تجعل الظنون تلعب بك

من طرف monmona الثلاثاء 30 نوفمبر 2010, 10:24 am

وأنا كان ذيكم ورأيى من رأيكم ... وبضم صوتى لصوت سجدة والدكتور / خالد ... يا عزيزى لو بقى كل همنا ندور على التعاسه هنلاقيها ... ولو بقى كل همنا ندور على السعادة هنلاقيها.. فأنت اللى فى ايديك تختار .. عوز من فيهم التعاسة ولا السعادة

تعاثه وعذاب

تعاثه وعذاب

رد: تعاثه وعذاب

رد: تعاثه وعذاب

رد: تعاثه وعذاب