الفتنه الطائفيه تضرب صعيد مصر مجددا فى محافظة قنا

من طرف لحظه غروب الأربعاء 17 نوفمبر 2010, 2:32 pm

ضربت نار الفتنه الطائفيه صعيد مصر وبالتحديد قرية أبو تشط التابعه لمحافظة قنا

بدأت الاحداث بعد أنباء عن وجود علاقة بين فتاه مسلمه وشاب مسيحى مما أثار غضب المسلمين فى القريه

وقد تجمع عدد من المواطنين وقاموا بحرق منازل عدد من مسيحى القريه والأعتداء على منازلهم

هذا وقد أحتشدت قوات الامن منذ الصباح الباكر فى القريه وقد القت القبض على عدد من المسلمين

وقال مصدر مسئول بان عدد المنازل التى تم حرقها هى خمسة منازل

اهالى القريه يتجمهرون بعد الاحداث

منزل احد المسيحيين بعد ان تم إحراقه

منقوووووووووووووووول

من طرف **عذاري** الأربعاء 17 نوفمبر 2010, 2:38 pm

لا حول ولا قوة الا بالله
يسلمووووووووووو
جزاكي الله خيرا

من طرف ????? الأربعاء 17 نوفمبر 2010, 3:17 pm

ياريت المسلمين يقولوا لنا هم عاوزين أيه بالظبط ؟؟

هو ده الصعيد اللى بيقولوا عنه الشهامه والكرم

ولد وبنت بينهم علاقه ليه قلبتوها فى الدين ؟؟

طيب ممكن البنت دى كانت تحب واحد مسلم كان ده كله هيحصل ؟؟؟

بنت مش متربيه وولد مش متربى

عاقبوهم

لكن ذنبهم أيه خمس عائلات غلابا من المسيحين يتم حرف بيوتهم ؟؟

نفسى أعرف المسلمين عاوزين أيه؟؟

عاوزينا نهاجر ونسيب البلد ؟؟

عاوزين مصر الإسلاميه ؟؟

عاوزين مصر الإسلاميه أعملوها لكن احنا مؤمنين بالمسيح وعارفين اننا مضطهدين لكن مش هتقدروا تخرجونا من ملتنا

أرجو النشر

من طرف **dandana ali** الأربعاء 17 نوفمبر 2010, 4:41 pm

لحظة مشكوووره على الخبر ... ولا حول ولا قوة الا بالله ..وربنا يسترها على الجميع

بالنسبة للأخ العزيز الزائر مسيحى مرحبا بحضرتك معنا فى المنتدى

و كان ليا تعليق على كلام حضرتك

حتناوله فى نقاط
اولا الاداره هنا تنشر كل شىء لأن لدينا حرية فى الرأى والتعبير

ثانيا:أنا مع حضرتك جدااااااااااا فى أنه ولد مش متربى وهى بنت مش متربية وان الموضوع دخل فى الدين وأسفر عن حرق بيوت لناس ملهاش دعوة

لكن حضرتك مش ملاحظ حاجة ؟؟
أن فى تناقض فى كلامك
يعنى قلت الكلام ده ورجعت وقلت

نفسى أعرف المسلمين عاوزين أيه؟؟

عاوزينا نهاجر ونسيب البلد ؟؟

عاوزين مصر الإسلاميه ؟؟

يعنى المفروض اننا نبتدى بنفسنا الاول ولا ايه رأيك؟؟
انا حجاوب على اسئلتك

اولا احنا مش عايزين منكم حاجة ومافيش اى انسان عاقل يحب الدمار ولا الخراب
وان كل فئة فيها الكويس والوحش ومش من موقف واحد فردى تحكم على كل مسلمين مصر

ثانيا مش عايزينكم تسيبوا البلد لو كنا عايزين كده كان زمان عمرو بن العاص عملها لما جه وفتح مصر
لكن هو حمى الاقباط من الروم ووفر ليهم كامل الحريه والحقوق ولم يفرق

ثالثا لوكنا عايزين مصر اسلامية لم يكن اى فرد مسيحى يستطسع ان يأخد اى منصب فى مصر وكنا خلينها من بدرى اسلامية

عاوزين مصر الإسلاميه أعملوها لكن احنا مؤمنين بالمسيح وعارفين اننا مضطهدين لكن مش هتقدروا تخرجونا من ملتنا

أخى الفاضل
الاسلام يؤمن بجميع الاديان والانبياء ونحن نبجل سيدنا عيسى عليه السلام
وهذا ما أمرنا به الحبيب عليه الصلاه والسلام
ولى عندك رد على هذا الكلام بآية قرءانية يؤمن بها كل مسلم
بسم الله الرحمن الرحيم
لكم دينكم وليا دين
صدق الله العظيم

وأذكرك ان نبينا محمد تزوج من قبطية مصرية وأنجب منها ابراهيم
ووصانا بالأقباط وحسن معاملتهم

أما بالنسبة للصعيد
انا عايشه فى الصعيد وعمرى ماحسيت ان فى فرق بين مسلم ومسيحى
ودرست ست سنوات فى الراهبات يعنى كلها اقباط ماعدا مرسة العربى وكانت بتدينا دين برضو
وكانت من اجمل ايام حياتى
ولا افرق فى معاملتى بين مسيحى ومسلم

لأن هذا هو ماتعلمته من دينى الحنيف

لك منى تحياتى
والسلام عليكم ورحمة الله وبركاته

الى الأستاذ المسيحى صاحب التعليق

المسيحيين فى مصر اخوتنا ونعيش منذ زمن بعيد وانا لى أصدقاء مسيحين ونعمل سويا ونعيش سويا فى سلام

ولكن الصعيد مشهور بالشرف والثأر والعار

واحداث الفرشوطه ليست ببعيده

لكن الموضوع بيكون مستفز لما بيكون مختص بالعار والشرف

لكنى طبعا كمسلم أدين الأعتداء على الأبرياء

لان الإسلام لا يقول بهذا ولا ذنب لجيران الشاب الأبرياء الذنب فقط على المجرم الذى اعتدى على حرمة غيره وهو يستحق العقاب وحده

دندنه شكرا على ردك لو كمنت شوفته كنت مكتبتش ردى

جزاكى الله كل خير

أوفيتى وكفيتى

الفتنه الطائفيه تضرب صعيد مصر مجددا فى محافظة قنا

الفتنه الطائفيه تضرب صعيد مصر مجددا فى محافظة قنا

رد: الفتنه الطائفيه تضرب صعيد مصر مجددا فى محافظة قنا

رد: الفتنه الطائفيه تضرب صعيد مصر مجددا فى محافظة قنا

رد: الفتنه الطائفيه تضرب صعيد مصر مجددا فى محافظة قنا

رد: الفتنه الطائفيه تضرب صعيد مصر مجددا فى محافظة قنا

رد: الفتنه الطائفيه تضرب صعيد مصر مجددا فى محافظة قنا