الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

من طرف بنت بورسعيد الأحد 28 نوفمبر 2010, 8:50 pm

شهدت الساعات الأخيرة من الانتخابات فى المحافظات المختلفة حالة من زيادة المشاجرات وتبادل إطلاق النار، وتقفيل اللجان، وأكدت المؤشرات الأولية حصول مرشحى الحزب الوطنى على معظم المقاعد، ورصد مركز النديم على موقعه الإلكترونى وجود 150 حالة احتجاز و10 حالات اشتباك حتى الساعة الثانية عشر من ظهر اليوم ويتوقع زيادتها فى الساعات الأخيرة.

ففى دائرة المنوفية رصدت اليوم السابع تقفيل معظم الدوائر لصالح مرشحى الحزب الوطنى، بمساعدة البلطجية، حيث تم صرف مندوبى الإخوان والمستقلين، إضافة إلى أن بعض رجال الشرطة دخلوا للتصويت داخل اللجان، وعدد التزام عدد كبير من الدوائر بالحبر الفسفورى، كما تشهد الآن قرية "شبراباص" دائرة شبين الكوم اشتباكات كبيرة بين الأمن والمواطنين أدت إلى حصار الأمن للقرية.

أما الإسكندرية فشهدت إغلاق لبعض المقار الانتخابية قبل موعد الانتهاء من التصويت بثلاث ساعات كاملة، وتم منع المرشحين من دخول اللجان وتم إغلاق الشوارع المؤدية إلى بعضها، ويسود المشهد حالة توتر واحتقان

وفى سوهاج بدأت تزداد أعداد الناخبين خاصة فى الدوائر الكبيرة وتشير المؤشرات الأولية إلى الإعادة فى معظم الدوائر باستثناء دائرة أخميم التى تؤكد نجاح نقيب الأشراف سيد الشريف.

وفى دائرة بندر جرجا ارتفعت أسهم مرشح الوفد منير فخرى عبد النور أمام مرشح الحزب الوطنى مصطفى الكتاتنى والذى انهار فور مشاهدته التصويت لصالح عبد النور وقام بالتظاهر ومحاولة تسويد اللجان، وشهدت قرية الشيخ مسعود بطهطا لجنتى 148 و150 انتهاء أعمال التصويت فى الثانية ظهرا، وأعلن رئيس اللجنة أنه لا توجد أصوات باقية.

وفى الإسماعيلية يطالب الدكتور الزغبى بإيقاف الانتخابات فى دائرة القنطرة شرق وغرب، كما تقدم محمد رحيل نائب مستقل ببلاغ للنائب العام لإيقاف الانتخابات فى الدائرة الثالثة مؤكدا ثبوت عملية التزوير.

وفى القليوبية رصد اليوم السابع تزايد الإقبال على اللجان فى المحافظة، حيث تمضى العملية الانتخابية بصورة جيدة ودون تدخل أمنى وانحصرت المشاكل فقط فى قرية طلال بقليوب وفى القلج دائرة الخانكة.

وما زال الوضع غير مستقر فى محافظة المنصورة حيث تم "تقفيل" عدد من اللجان، وتم تبادل التراشق بالحجارة بين مرشحى الحزب الوطنى وأحد المرشحين المستقلين فى دائرة السنبلاوين، وتوضح المؤشرات أنه تم تقفيل كل قرية لصالح مرشحيها فى الوقت الذى انقسمت فيه المدن بين مرشحيها.

وفى طنطا ما زال الأمن يسيطر على جميع اللجان ويمنع الناخبين من الدخول بسهولة مما أدى إلى حدوث مشادات كبيرة بين الناخبين.

وبالنسبه لموقف جماعة الإخوان فشهدت الدوائر التى يتنافسون فيها مع الوطنى عدد واسع من الأعتقالات لانصارهم واعتداء وبلطجه ورشق بالحجاره
وقامت قوات الأمن باعتقال عدد كبير من الإخوان المسلمين ومنعهم من التظاهر فى معظم اللجان

وفى لجان اخرى قامت قوات الأمن بمنع مرشحى ومندوبى الإخوان من الدخول وقاموا بضربهم بالعصيان الامنيه كما تم الاعتداء على بعض الصحفيين منعا للتصوير

منقووووول
اليوم السابع

من طرف **عذاري** الأحد 28 نوفمبر 2010, 9:26 pm

لا حول ولا قوة الا بالله
يسلمووووووووووووووو
جزاكي الله خيرا

من طرف ????? الإثنين 29 نوفمبر 2010, 1:43 am

كل ده علشان أروح اودى صوتى ؟؟؟

سمعت كلام اللى بيقولوا خليك إيجابى

ودى اول مره يبقى ليا صوت

روحت أقول رأيى فى الأنتخابات

أنضربت واتهنت واتشتمت

مع انى مش وطنى ولا إخوان

بلطجيه فى كل مكان

والشرطه بتتفرج عليهم وبتحميهم

انضرب ليه ؟؟؟

لمجرد أنى مش مع الحزب الوطنى أبقى ضده؟؟؟

والله الانتخابات فى الصومال وبنجلاديش مش كده

أنا بكرهك يا مصر

حد يقولنا معاد الهجره العشوائيه لأى بلد تانيه أمتى

علشان مش عاوز أقعد فى مصر تانى

خليها للحزب الوطنى ولعياله يشبعوا بيها

وأضربنا كمان وكمان

من طرف ????? الإثنين 29 نوفمبر 2010, 1:49 am

منكم لله يا ظلمه فضحتونا فى كل مكان

مصر اللى كانت أم الدنيا تحولت لمكان للبلطجه

ضرب وبلطجه وقتل

كل عناوين الجرايد العالميه مكتوب فيها فضايح عن مصر

حرام عليك يا حزب السلطه فضحتنا

مش كافيين سارقين البلد وقولنا ماشى

مش كفايه طفشطونا منها وقولنا ماشى

كمان فضحتونا

أنا شغال فى الكويت

وبقرأ عن اللى بيحصل فى مصر

ومش عاوز أرجع

أرجع أزاى وفيها الحزب الوطنى

والله يا عم احمد ياعز يا بتاع التزوير أيام فرعون كانت أرحم

حرام عليكم ضيعتم البلد يا لصوص

سيبوها بقى للناس الغلابا

من طرف ??? الإثنين 29 نوفمبر 2010, 4:31 am

السلام عليكم ورحمة الله وبركاته

يا إخوانى والله العظيم إنها لمحنه بسيطه تمر بها مصرنا الحبيبه وسنتجاوزها إن شاء الله
دائما اتابعكم بكل شغف ولكنى هذه المره ققرت ان أنشر تعليق بسبب أخى الذى قال أنه لم يعد يحب مصر وانه سيتركها ويهاجر
أمس كنت مع الأستاذ صبحى صالح فى الإسكندريه وتم ضربنا والإعتداء علينا
والأستاذ صبحى قالنا أنه مش عاوز ينجح لكن عاوز يفيد البلد
لأننا بنحب مصر
وأظن الان يا مصريين وضح للعالم كله من يحب مصر ومن يخرج بسلام ليعبر عن رأيه
ووضح أيضا من قام بضرب الناس ومن قام بالتزوير
لكن لن نيأس ولن نتراجع
مستمرون على العهد والوعد
مشاكل نقابلها
الإسلام هو الحل لها وليس غيره
لن نتخلى عن مبدأنا الذى هو دستورنا
وسنظل نحب مصر

والله أكبر ولله الحمد

من طرف **سجده** الإثنين 29 نوفمبر 2010, 7:04 pm

وانا بتفق مع الزائر في كل كلامه
ا يا جماعه مصر في محنه ومينفعش منمدلهاش ايادينا

أكيد هيبقي في تضحيه ولازم نصبر اكتر من كده لازم تلاقينا جنبها في محنتها ومفيش غيرنا هيضحي علشانها

انا عارفه ان الشباب مظلومين ومش عارفين يعيشوا فيها بس ده قدرنا ولازم نصبر ونغير الوضع المهين اللي احنا غصبنا عليه

بلدنا محتاجه ايمان وحب ووحده وتفاهم محتاجه اننا نصلح نفسنا ونصلحها

بس شوية صبر وأكيد هنعدي بيها لبر الأمان

استعينوا بالله واصبروا واخلصوا واعملوا وجدوا

ولن يضيعنا الله ابدا

من طرف **dandana ali** الجمعة 03 ديسمبر 2010, 3:13 pm

مشكوره على الخبر

وربنا يسترها ان شاء الله

الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!

رد: الأنتخابات تسفر عن 4 قتلى و250 جريح ومحتجز والإخوان يتصدرون قائمة المعتقلين والمضروبين!!!