انا مصريه مهما كان

أول حاجه مرحب بيكى معانا وسلام جامد اوووووى لأاجدع مصريه

بصى بقى انا بجد فعلا بيستفزنى الموضوع ده جدا

لان فى شباب كتير مش مقدرين اد ايه احنا ماضينا عريق وطالع فى دماغهم ان الأمريكان والغرب دول حلوين اوى وان احنا تحت الصفر

على فكره بقى انا ليا أقارب كتير فى أوربا وبيقولوا ان الأوربيين مش مثاليين ولا حاجه والمشكله اننا بنبصلهم بس من الأفلام الأمريكانى اللى هم بيصوروا نفسهم فيها مثاليين

انا شايفه اننا لو عاوزين نتقدم لازم الاول نعتز بماضينا ونفتخر فيه لانه فعلا شىء يستحق الأحترام والتقدير وموضوعك حلو ويستاهل كلام كتير

وميرسى على الموضوع المهم ده

شكرررررررررررررررررررررررررراعلى كلامك ده
ويارب ما فيش حد يستمع ليه ولا لأمثاله
لانهم ناس عايزه تدمر عقولنا وتهز نفسيتنا مستغله اى مشكله ممكن نكون فيها
ورمضان كريم

اول شىء مرحب بيكى نورتى وشرفتى المكان

ثانيا : بالنسبه لموضوعك

اول حاجه اعجبنى العنوان جدا ولفت انتباهى

والقضيه التى تتكلمى عنها هى جد خطيره للأسف الشباب أضحوا مبهورين بماما امريكا جدا حتى نسوا بلادهم ونسوا وطنيتهم وأشعر بخزى كبير حينما أسمع هذا الكلام من شباب كثير ..على مستوى الوطن العربى كله يصف بلاده بأنها متخلفه ويصف البلاد الأوربيه بانهم متحضرين

يمكن يكونوا هم متقدمين عننا لكن لازم نحتفظ بهويتنا ونعتز بيها ونبدأ نخطط كيف سنقدر ان نصنع لأممنا مجدا
أما ان نفقد الهويه والأنتماء فهذه هى الكارثه الكبرى والهزيمه الحقيقيه

شكرا على الموضوع الاكثر من رائع

العفو على ايه
انا مصريه و كمان صعيديه ودمى حامى واااااااااااصل
ههههههههههههههههه
انا اتنرفزت فكتبت اللى جوايا
لانى حسيت فعلا الموضوع كبير جدا

ايه ده انتى صعيديه هههههههههههههههههه

أبووووووووووووى عليكى مش تجولى كده من بدرى

كنا نضربلك عيارين فى الهوا هههههههههههه

والله كنت بفكر اعمل موضوع عن دور السينما والتليفزيون فى اعطاء فكره معينه عن بعض طبقات المجتمع

وطبعا الصعايده خير مثال بس طالما الصعايده وصلوا خلاص هههههههه

هم أحسن ناس يتكلموا عن نفسهم

اه
انا شمه ريحيه تريقه ماشى ماشى
هههههههههههههههههه
فعلا انا فكرت فى نفس الموضوع
لاننى ابتديت احس ان الموضوع زااااااااااااااااد جدا
انتى عارفه ان فى برنامج سخيف بمعنى الكلمه اسمه (صعايده سات
او حاجه زى كده
المهم انه مستفز فعلا ومش ليا انا بس اكيد لاى حد يشوفوا
وعلى فكره انتى لو جيتى اى محافظه فى الصعيد حتلاقى ان تقريبا معظم الناس مش بتتكلم صعيدى
لان خلاص احنا بقينا مجتمع مفتوح
انا عن نفسى من انا وصغيره مابتكلمش صعيدى وانا مش بقول كده علشان افتخر ولا حاجه
لا طبعا انا فخوره انى صعيديه
انا بقول بس علشان اوضح
لاننى فعلا نشات فى الراهبات وعائلتى مافيش حد بيتكلم صعيدى بالطريقه الهزليه اللى احنا عارفنها
وكل اصحابى كمان حتى لما سافرت للجامعه فى اسيوط مالقيتش حد بيتكلم صعيدى غير الناس اللى عايشين فى البلاد اللى حولين المحافظات
بس
بس احنا بيبقى لينا كلمه او اكتر بتدل على ان احنا صعايده علامه الجوده هههه زائد ان احنا مش فافى زييكوا فى اللهجه ههههه
بهزر وعلى فكره الصعايده معروفين بالطيبه خاصه الاقصر واسوان وبيطلع من عندينا الاوائل
بس مشكووووووووووووووره جدا على الرد وعلى انك خلتينى اتكلم فى الموضوع المهم ده وانا معاكى
فى اى استفسار عن اى حاجه
على صعيديه دوت كوم ههههههههههههههههههه
علشان تعرفى ان احنا جدعين قوى
وشكرا على مرورك خالص

ههههههههههههههههههه

أيون ...احنا فافى ههههههههههههههههه بدأنا هههههههههه

بصى لا بجد بصراحه حاجه سخيفه فعلا الكلام اللى بيطلع على الصعايده ده خصوصا النكت

مع ان بجد كلنا عارفين ان الصعايده أذكى ناس والدليل على كده زى ما قولتى الاوائل

وكمان الصعايده جدعان اووووووووووى ودى حاجه معروفه

بس على فكره انا بحب اللغه الصعيدى وهى لغه جامده

بس احنا مش فافى ههههههههههههههههه

بالنسبه لينا هههههههههههههههههههه
وشكرا على مرورك يا جميل........ :lol:

موضوع مميز وكلام مهم

شكرا لكى جدا على كلامك المهم

أرى ان المشكله فى التعليم الذى صار لا يهتم بثقافتنا ولا حضارتنا