الأخلاق فى مجتمعنا بين الماضى والحاضر

الشيوخ فى العالم العربى بقوا عاملين بالظبط زى نجوم السينما

أنا مصريه وعايشه فى فرنسا

فى فرنسا بيجبروا المسلمات على خلع الحجاب فى المدارس وفى سويسرا بيحصل الأسوأ

أضطهاد ما بعده أضطهاد

لما بنسمع ان فى فتنه طائفيه فى مصر او ان فى أضطهاد ضد المسيحيين المصريين

المظاهرات بتخرج فى أوربا كلها ضد مصر علشان تأييد المسيحيين

أما عندنا هنا كل يوم وكل لحظه بنتذل وبنتعذب بسبب دينا ومستحملين

عمرنا مسمعنا شيخ دعا لمظاهره علشان مسلمين أوربا

ومش بس كده

الشيوخ اللى عندكم بيقولوا المظاهرات حرام

يعنى لما مظاهره تطلع علشان المسلمه اللى تم قتلها بسبب الحجاب يبقى حرام فى ايه ؟

فى عز أعتداء سويسرا على الحجاب وعلى المئذنه كنا بنشوف سفراء ووزراء الدول العربيه فى سويسرا وفى أوربا كلها سمنه على عسل مع الحكومات الأوربيه

مفيش حتى توجيه لوم

ومع ذلك مفيش شيخ واحد صرخ فى وجه رئيس عربى واحد وقاله شوف المسلمين فى أوربا

للأسف لم نستورد من الدين الا التعصب وحولنا الحكمه لجبن

نفسنا بقى فى شيخ زى الشعراوى الله يرحمه

لأننا تعبنا من شيوخ الوهابيه اللى أستوردوا الوهابيه من السعوديه بكل عيوبها واولها تقديس الملوك وتجاهل الشعوب

نحن مسلمون مش وهابيون

وعلى فكره اتفق معاكم أن عمرو خالد وكمان معز مسعود رافعين راسنا

أما الباقيين لا نسمعهم الا فى الطلاق والزواج

وأخيرا تحليل دم من يبحث عن حقوق الفقراء

وشكرا

إمضاء مسلمه تعبت من الغربه
ومصريه زعلانه على بلدها