الرقم المطلوب ...غير موجود بالخدمة.

من طرف ganna الثلاثاء 28 ديسمبر 2010, 4:47 pm

هل أنت خارج نطاق الخدمة؟؟؟؟
يعنى ايه خارج نطاق الخدمة؟؟؟؟

زى ما فى تليفون خارج نطاق الخدمة,فى بشر خارج نطاق الخدمة

ناس كل الخيوط بينها وبين الاخرين ممزقة,هما عبارة عن مجرد أرقام فى سجل الحياة,بدون جدوى,لا تقدم ولا تؤخر.

زى التليفون تمام لما يبقى خارج نطاق الخدمة لا يوصل لشىء

ناس خزائن عطائهم مقفولة,وجسور الحب والتفاهم بينهم وبين الاخرين منهارة,كل يوم السد اللى بينهم وبين الاخرين بيزيد طوبه.

ناس لا تضيف للحياة ولا بتحذف منها,ييجوا ويروحوا من غير ما يسيبوا بصمة فى الحياة,يتولدوا ويموتوا من غير ذكرى.

يأخذوا ولا يعطوا,لا يهمهم سوى انفسهم

والسؤال اللى احب اقوله لكل واحد فيكم؟؟؟؟

ازاى نخلى التليفون يرن من تانى؟؟؟؟

لو عرفنا نربط الخيوط اللى بينا وبين الناس,لو عرفنا نلاقى لغة تفاهم بينا,مترادفاتها الحب ,التسامح ,التعاون ,الايثار,الصدق,الاخلاق الحسنة.

لو بنينا جسور من حب الخير للناس بدل ما نبنى سدود من الأنانية.

لو عرفنا ان قيمتنا عند ربنا مرتبطة بما أضفناه للحياة

وان مكاننا ومكانتنا عند ربنا فى الأخرة بيتوقف على قدر ما يتواصل عملنا بعد الموت,من صدقة جارية وعلم نافع وذرية صالحة,ساعتها هيكون ليك بصمة فى كل مكان و ذكرى فى قلوب الناس اللى بتحبك.....

فليراجع كل منا نفسه,وليسأل اين أنا؟؟؟؟؟؟

وليجتهد ليظل دائما.........داخل نطاق الخدمة.....