عاجل : تفجيرات فى كنائس الإسكندريه تسفر عن عشرات القتلى من الاخوه المسيحيين

اولا نحن لانحذف شيئا فى منتدانا ولقد جربت ذلك معنا من قبل

اما ثانيا
لقد دخلت معك فى حوار قبل ذلك
واشعر ان لديك فكره مرسخة ثابتة لا تريد ان حتى ان تكون متفتح الرأى لكى تسمعنا ولكن لديك افكار تحفظها فقط
وهى ان لديك شعور بأننا نريد ان ندخلكم الى ديننا بالارغام
وهل من يريد ان يدخل احد دينه يقتله اما الاولى ان يدعوه ده لو كلامك صح
والناس يا أخى يدخلون الى ديننا دون ان نفعل لهم شيئا لأن لدينا حرية العقيدة

اما ثانى فكره لديك اننا نتضهدكم لأنكم الاقلية
لديكم معنا كااااااااااااااام من السنين ولم يحدث لكم شيئا ولطالما كنا كالاخوة معااا ضد الاستعمار وفى كل شىء
أأنت تأتى الان لتحاول تفرقتنا

فأقولها لك بأنك الخااااااااااااااااااسر
ومن الاولى ان تصمت لأنك لا تعرف مدى معزة الاقباط عندنا
وانا لدى صحبات قبطيات و وسعيده بمعرفتهم وعلاقتنا جيده جدااااااااااا

فمن الواضح انك تتكلم عبثا ولا تفهم جيدااااا
معنى كلمة مصر
ولا معنى كلمة الاسلام
فأقرأ جيدا عنا ان لم تكن تعرف وهذا ما أنا متأكده منه

لتعرف من المسلمون
وحضرتك بتتحدث وكأنك تعلم جيدا وتثق بأن المسلمين هم من قفعلوا ذلك
اعطى لى دليلا غير الكلام دليلا قاطع وانشره هنا
ارجو منك ان تفتح عقلك للحوار معنا دون اى حساساية وتعلم اننا امة واحده ويجب ان نكون متكاتفين سويا
وارجو مراعاة آداب الحوار مع مدير المنتدى او اى من الاعضاء هنا
فأختلاف الرأى لا يفسد للود قضية

ومرحبا بحضرتك معنا مرة اخرى

وربنا يرحم كل من توفى من اخواننا الاقباط ويصبر اهلهم
ويبعد كل شر عن بلادنا مصر

بلاش بس الكلام الكبير ده

وطبعا هيقولوا الموساد واعداء الوطن وعاوزين يفرقوكم والكلام الماسخ ده

لو عاوزين تعرفوا ايه اللى بيحصل فى مصر

كنتم شوفوا بعد صلاة الجمعه اللى حصل فى المساجد الظهر

مظاهرات ضدنا ومطالبات بإغلاق الكنائس

حقد دفين وأسلوب معروف

ومبدأ اضرب المربوط يخاف السايب وبكره عددكم يزيد اكتر لكن انتم سعداء كده

ووجعتم دماغنا نحن لا نحذف نحن لا نحذف

هو فين الخبر اصلا

خبر ناقص ومزور

اين عدد الشهداء واين صور الجرحى

لو أختك قتلت او امك قتلت

كنتى هتسكتى ولا كان هيكون ليكى كلام تانى

ماكنتش اتكلمت من غير حق والقيت التهم من غير دليل

وفعلا احنا مش بنحذف رد
وده اللى حضرتك قلت فى الاخر ان لايتم حذف ردك

لكن دلوقتى تطرقت لموضوع حذف تانى
وصاحبة الموضوع ترد انها ليه مانزلتش صور واكيد مش عشان اى حاجة من اللى فى دماغك الخبر منشور فى كل مكان
ماجتش عندنا احنا واللى حنخفى يعنى

وحضرتك برضو بتطلع من نقطة لاخرى للتضليل

ههههههههههههههههه

هو احنا قلنا كده
يا استاذ كل فئة فيها الكويس والوحش

وايه اللى خلاك تتكلم عن الخطف والمظاهرات وبتربط حاجات غريبه مع بعض

انا قلت انت واثق ان المسلمين عملوا ده؟؟؟؟
هاتلى دليل قااااااااااااااااااااطع
ولو كان مسلم يبقى مش ماشى على تعاليمنا
وشاذ عنا
لأن الاسلام معروف ولو مش عارف اقرأ عنه

وياريت ماتغلطش فى المسلمين عامة زى ما احنا بنحترم المسيحين ونقدرهم ونميز ونعلم ان هناك الطالح والصالح
فعليك ان تحترم المسلمين وتميز جيداااااااا

وكل هذا يدعو الى التفرقة
وتضييع بلدنا
فلا للفتنة
لأن الخساره حتبقى على الكل
ولا للعنصرية

هاتيلى اللى حيقول عنى كافره

اما دلوقتى انا اللى بقولك يا اختى ميما اقرى عن الاسلام كويس

مافيش حد مسلم يقدر يكفر اخوه المسلم
خاصة وانى مش بقول كلام لا يخرج عن تعاليم ديننا انا عارفة دينى كويس

انا بقول الوحده والتكاتف وحضرتك سيبتى الموضوع كله وبتقولى انى مضحوك عليا

فى ايه؟؟؟
انى بقول مثلا ان طول عمرنا مع بعض متكاتفين ايد واحده وعايزة ده يدووم

هاتيلى ايه قرءانية كريمة فى الاسلام او حديث يدعونا الى التعصب والقتل
نحن دين رحمة وتسامح
ولدينا حرية عقيده والدكتور تفضل بذكر ايه كريمة لدينا كل مسلم يؤمن بها

ياريت ماتسيبوش النقاط الواضحةوالمهمه وتمسكوا فى حاجات غريبة
زى يكفرنى والكلام ده هههههههه
ليه يعنى عملت ايه يكفرنى
ديننا مش بيدعو للتفرقة ولا الخراب

افهموااااااااااااا
واحنا هنا مش فى عرض للاديان

اولا انا نسيت ما ارحب بميما
ثانيا مرحبا بيكى ياكريستينا

احنا صعايدة زى بعض على فكره هههه
واحنا طول عمرنا فعلا متكاتفيت وعايزة اننا نبقى كده عالطول انتم بتذكروا احداث عندكم بتحصل واحنا كمان بيحصل من عندكم لينا حاجات

كل ده ناس متطرفة من الجهتين ولا واحد فينا مسئول عنها
واللى حصل لكنيسة الاسكندرية ارهاااااااااب
والارهاب لادين له

انا بضايق لما دلوقتى واحنا بنتحاول بنقول احنا وانتم
فين ايام ماكنا واااحد

ليه بقينا ندخل فى حاجات غريبة وناس تغلط
العيب مش فى المسلمين يا كريستينا
الحياه اتغيرت ومجتمعنا اتغير لنتيجة لظروف
وفى ناس مصلحتها كده
واحنا المفروض نبقى ضد ده

ونتحد مع بعض
وانا النهارده قابلت بنات صحباتى مسيحيات وهنيتهم وهما ابتسموا عاااادى وضحكنا مع بعض

ده المصرييييين
افهمونى

وديننا دين سلام ويؤمن بجميع الاديان
وربنا يرحمهم ياكريستينا

انا والحمد لله مسلمه ولى اصدقاء   5 فى الكليه مسيحين ونحب بعض جدا وعندما يريدون شيئا مبيطلبوش من بعضهم بيطلبو من انا المسلمه والحمد لله على هذه النعمه نعمه الحب والسلام بينا واذا كان حد فعلا يريد فتنه فحضرتك واسلوب حضرتك بيدل على ده بس احنا نعذرك برده لاننا عارفين مدى المك وصدقنى اننا كلنا زعلانيين زيكم بالظبط لاننا كلنا مصريينوانا كنت ناويه اهنى زمايلى فى العيد زى ما هما علطول بيتصلو بيا وبيهننونى  صدقنى الارهاب فعلا هو تفكير حضرتك فارجوك متقومش فتنه وخلينا عايشينفى سلام وسيب القانون ياخد مجراه وان شاء الله الحق هيبان والظالم هياخذ جزائه 

لقيت أن اخبار وناس بتقول
أن المسلمين فى ميدان التحرير بيحموا اخوانهم المسحيين وهم بيتلوا صلواتهم

وسمعت برضو أن المسحيين بيحموا أخوانهم المسلمين وهم يصلون

وسمعت أيضا أن المسلمين كانوا يحموا الكنائس مثل المساجد

وسمعت أيضا أن لا توجد كنيسة مصرية أصابها الضرر فى عز الأنفلات الأمنى

أرجو أننا نكون فهمنا كويس مين المصريييييييييييييين

مشكور يا أستاذ سامى على الشاركة العطره

تحياتى