.التناول الاعلامى لتفجيرات الاسكندرية

فى البداية انا سعيدة من موقف الناس المسلمين اللى واسوا اسر الضحايا ووقفوا معهم فى محنتهم لكن اللى انا مش قادرة استوعبة موقف الاعلام الغريب يعنى الكل نسى ان فية ضحايا مسلمين فى الحادث ومحدش بيتكلم ولا بيواسيهم.......ثانيا الموضة الجديدة جدا بتاعة ان المسلمين حيصلوا مع المسيحيين فى الكنيسة فى عيدهم يعنى المسلمين اللى مبيصلوش اصلا فى المساجد حيصلوا دلوقتى فى الكنائس دة تبع اى شرع مش عارفة اللى عارف يقوللى ........ثالثا الهلال والصليب اللى زى ميكون فرض على كل القنوات يعنى احنا لية نرفع الصليب مع ان ديننا لا يعترف بصلب المسيح ولااحنا مش لاقيين اى تعبير عن وحدة المصريين غير الشعار دة.......اللى عاوزة اقولة ان احنا ملناش ذنب فى اللى حصل والمسيحيين العقلاء اللى عاشوا طول عمرهم فى مصر عارفين دة كويس جدا فبلاش نفرط فى مبادئنا وشرعنا علشان نرضى حد مسلم كان ولا مسيحى والقاعدة اللى لازم نمشى بيها بتقول من ارضى الناس بسخط اللة سخط اللة علية واسخط علية الناس ومن ارضى اللة بسخط الناس رضى اللة علية وارضى عنة الناس...