عاجل :شباب 25 يناير يصدرون بيان للشعب المصرى الان ويوضحون ما حدث

من طرف فاروق المصرى الأربعاء 26 يناير 2011, 9:32 am

في تمام الثانية من ظهر امس يوم 25 يناير، خرج آلاف المتظاهرين من
ابناء الشعب المصري في القاهرة ومختلف محافظات مصر، يطالبون بإسقاط النظام
...الحاكم ورحيله، ووسط الحصار الامني المكثف، استطاع المصريون الوصول
الي اماكن التجمع التي تم تحديدها، وفشل الامن في التصدي للمتظاهرين
وتفريقهم بإطلاق القنابل المسيلة للدموع وخراطيم المياة نظرا للإصرار
الشعبي غير المسبوق، لتعلو الهتافات مطالبة بإسقاط مبارك واعوانه،فسالت
اليوم دماء الوطن على يد مجرمي وزارة الداخليه في كافة أرجاء مصر فبرغم
أنتهاج المظاهرات النهج السلمي الا أن الة البطش الممنهج لنظام فاقد
الشرعيه ابت الا البطش بالشرفاء من شباب ورجال وفتيات ونساء وأطفال الذين
وحدهم الظلم والقهر وخرجو في مشهد لن ينساه التاريخ للمطالبه بالعدالة
الإجتماعيه والحرية ورغيف العيش والكرامه فكان المقابل بعنف وسحل غاز مسيل
للدموع ورصاص مطاطي ورصاص حيا ادي الي سقوط 3 شهداء وعشرات المصابين بمختلف المحافظات،واعتقال الناشط احسان سلطان عضو 6 أبريل بالمنصورة والناشط مصطفي فؤاد بالقاهره ، وعشرات نشطاء شباب 6
ابريل وعدد كبير من المنظاهرين الأخرين كما قامت السلطات المصرية بقطع الاتصالات
الهاتفية النقالة وتعطيل خدمة الانترنت بمنطقة ميدان التحرير لتحول بين
تجميع المتظاهرين،استكمالا لما بدأناه أمس 25 يناير سنخرج
إلي الشارع اليوم لانتزاع الحق في الحياة والحرية والكرامة لذلك تدعو كم
حركة شباب 6 ابريل الي الاستمرار في التظاهر، والانضمام للمعتصمين
بمحافظات مصر والخروج من نفس الاماكن الشعبيه والصمود الي ان تتحقق مطالب
الشعب المصري كاملة , كما تتقدم حركة شباب 6 ابريل بخالص
التعازي لشهداء مصر الذين سقطوا برصاص الشرطة أمس، ونوعد
الشعب المصري انه لا رجوع عن مطالبنا حتي يرحل مبارك وحاشيته، ونؤكد ان
البلطجية الذين تستخدمهم السلطات المصرية لتفريق المتظاهرين وارهابهم
بإستخدام العنف، لن يثنيننا عن مطالبنا، فنحن في الشارع لا عوده
منه , النصر او الاستشهاد

البيان من شباب من 6 أبريل عندنا فى الشارع وزعوه بطريقه عشوائيه فى الشوارع وخرجوا وكان عددهم مئات
وهم فى الشوارع فى كل مكان فى الاماكن المجاوره للتحرير رافضين العوده للمنازل

والشرطه بتنصب ليهم كمائن وبتقبض عليهم

ودا الوضع فى مصر الان
ولا حول ولا قوه الا بالله
ربنا يرحم اللى ماتوا وهم شهداء فى الجنه إن شاء الله ويصبر اهلهم

من طرف **عذاري** الأربعاء 26 يناير 2011, 9:39 am

الله يرحم الشهداء ويصبر اهلهم
اللهم امييييييييييييين

من طرف الشروق الأربعاء 26 يناير 2011, 9:52 am

يا جماعه أنا سمعت خبر أن جمال مبارك سافر امريكا ومعاه 15 طن ذهب

الخبر ده ذاعه الراديو الألمانى

دلوقتى

انا متاكده

لو كده يبقى هنقف كلنا مع مين ؟؟؟؟؟

مع الشباب اللى أثبتوا انهم ابطال ولا مع اللى بيهرب بالذهب

حسبى الله ونعم الوكيل

انا زوجى نزل المظاهرات مقدرتش امنعه

ربنا يستر

النهارده مش هيعدى على خير

انا زوجى نزل وقالى انا مش راجل فى عيال فى الجامعه بيدافعوا عن حقوقنا واحنا فى البيت

انفعل جدا وقال أنه رايح ميدا التحرير انا مش عارفه أعمل أيه

حسبى الله ونعم الوكيل

انا مكنتش متصوره ان مجموعة شباب وطلبة جامعه يقدروا يحركوا مصر كلها

لازم كلنا ندعيلهم دلوقتى

أنا اتأكدت فى أربع شباب اتقتلوا بالرصاص الحى

ربنا يرحمهم

حسبنا الله ونعم الوكيل

من طرف **عذاري** الأربعاء 26 يناير 2011, 10:04 am

قارت هل خبر هو وزوجته وبنته
بس بعدين نفو الخبر والله اعلم

من طرف ???? ??? الأربعاء 26 يناير 2011, 12:08 pm

مشكووووره ياعذارى على الاخبار بس ....
انا عايزه اطلب من دكتوره شروق او اى عضو معانا مشترك فى صفحتنا على الفيس بوك ...انكم تنزلوا لينكات المواضيع لللى هنا ...انا حنزل العنوان بس ياريت تنزلوا اللينكات ....

انا مش معايا اللاب توب بتاعى ولسه مارجعتش ...وعايزه نشارك فى صفحتنا هناك....
ربنا يسترها مع المتظاهرين وكل المصريين...
وينجبنا مما نخاف وينصرنا...

ارجو الاستجابه...

من طرف بنت بورسعيد الأربعاء 26 يناير 2011, 12:20 pm

يا دندنه انتى دندنه ؟؟؟؟؟

بقولكم أيه

فين الناس المسئوله عن صفحة الفيس بوك

لازم ننزل الأخبار فى كل مكان وخصوصا أخبار الشهداء والمظاهرات اللى فى القاهره والسويس أشتعلت الان

الناس بتطالب بحق الشهداء

الشرطه قتلت سبعه من الشباب

فين المسئولين عن صفحتناع لى الفيس

لازم نتحرك ونعلن الأخبار

لانهم كاتبين النهارده فى الجرايد وبيقولوا فى التليفزيون ان الشباب هم انتحروا وان فى تخريب

وكل دا كذب

وبيقولوا كمان ان المظاهرات خلصت ودا مش حقيقى

من طرف ????? الأربعاء 26 يناير 2011, 12:37 pm

ايوه يابنوته انا دندنه على ....
انا بدخل من الموبايل ومش عندى اللاب توب ولسه مارجعتش...
ونزلت خبرين هناك بس للاسف من غير لينكات...
والمسؤلين عن الصفحه معايا مش موجودين انا كتبت على الصفحه بتاعتى انهم ينرلوا الاخبار ...
وبقولهم هنا كمان عشان لو دخلوا هنا,.....

الادمين اللى فى صفحه ملتقى العقول ياريت تنزلوا اللينكات اتحركوا يابنات...قلب ونوسه ولولو ...يارب تشوفوا النداء ده...

وبقول لكل زائر متابعنا هنا ومشترك فى صفحتنا على الفيس ينزل الاخبار هناك ...
ولو تقدرى يابنت بورسعيد تعملى اكونت على الفيس وتنزلى انتى

اسم الصفحه ساحه ملتقى العقول وتقدرى تجيبيها من اللينك اللى موججود فى المنتدى هنا فى الاعلانات .....اتحركى حاولى تعملى حاجه...

من طرف **عذاري** الأربعاء 26 يناير 2011, 12:44 pm

حياك الله دندونه

الي ناديتي عليهم ما دخلو

ان شاء الله

بنت بورسعيد تقدر

من طرف **نوسة** الأربعاء 26 يناير 2011, 6:20 pm

بس يا دندنة انت ودكتور خالد وكل المنسقين عارفين انى مبعرفش انزل الموضوعات ع الفيس
وكان المفروض ان انتى ودكتور خالد هتوضولنا ده انا ولؤلؤة والقلب

من طرف **سجده** الأربعاء 26 يناير 2011, 6:40 pm

حبيباتي انا رجعت

انا هنزل المواضيع بإذن الله

ربنا ينصرنا ويثبت شبابنا

من طرف **عذاري** الأربعاء 26 يناير 2011, 6:44 pm

هلا وغلا بسجوده
الحمدلله على السلامه
نورتينااااااا

من طرف ????? الأربعاء 26 يناير 2011, 6:44 pm

ننوستى انا مش قصدى تقصير منكم انا بلفت انتباهكم...
وعارفه ان كان حيبقى فى شرح بس قلنا لحد الاجازه عشان نفضى بس الظرو ف جت كده...
ايه يابننوستى قلدى طريقى فى التنزيل...
1)اكتبى اسم التوبيك فى الستات زى اكنك بتكتبى فى صفحتك الشخصيه بالظبط ....
2) واضغطى على خانه لينك او ارفاق رابط واعملى كوبى للينك من هنا بتاع الموضوع (طبعا بتدخلى الموضوع الاول وتعملى كوبى للينك بتاع اللى فوق)
3‏)اعملى باست هناك مكان الرابط واضغطى شير او مشاركه بس...
يارب اكون عرفت اشرح وبلغى باقى الادمين واعملى اللى تقدروا عليه ....
واعملى تشير للخبر لكل اللى تعرفيه عشان الاخبار االصح توصل...
‏(يلااااااا يا احلى ادمين اشتغلى هه )
فى رعايه الله...

من طرف **عذاري** الأربعاء 26 يناير 2011, 6:54 pm

ابي تنزيل هل موضوع لانه الي يرسلي الاخبار هو خالد

http://wecando.forumpro.info/t1786-topic

بحفظ الرحمن

من طرف **القلب الطائر** الخميس 27 يناير 2011, 2:32 pm

دود انا عرفت ازاى بتنزل وبنزل كل الاخبار والمواضيع ماتخافيش ادخلى وشوفى وربنا معانا كلنا

من طرف ???????? الإثنين 07 فبراير 2011, 5:22 pm

بسم الله االرحمن الرحيم
على فكره انا مع مطالب الشباب فى طلب العدالة الاجتماعيهوتحسين الاجور والمعيشه وايضا فض ممن هم حول الرئيس
ولكن انا ضد ان يتم اهانة رمز مصر ورمز العرب جميعاوان نكون قللات الاصل
فى اهانة رئيس مصر
ولازم ما ننكر ان سيادة الريس حمى مصر والدول العربيه كلها
وبعدين كل اللى بيقول يمشى ده انسان مغفل وهمجى
والمصريين مش كده لا همج ولا مغفلين
ولا ينسو اللى عمله
مبارك هو ببع الامريكان والاسرائليين
وبيعملوله حساب ولا عاوزين الاخوان يمسكو البلد ويخربوها
ده راى الشخصىومش مع اللى قاعدين فى الميدان وقعدتهم ملهاش لزمه وهيكونو ثغره للدخلاء فى تهديد اما مصر واظن شفتو اللى عملوه فى تفجير انبوب الغاز اللى واصل للاردن واسرائيل واللى هيخسر مصر 30مليا ر دولار يوميا وبطالبو بتحسين الاجور وانتو بتساعدو على انهيار الاقتصاد فى مصر
رسالتكم وصلت وهينفذو مطالبكم متكونوش بقى نقطة الضعف اللى يستغلها العدو اللهم بلغت اللهم فاشهد

من طرف ???????? الإثنين 07 فبراير 2011, 5:35 pm

على فكره اخباركم غلط ومبارك اكبر من انو يرد بعصبيه على قناة زباله زى الجزيره وهو انان هادى حكيم فى رده وقراراته وبعدين تونس ايه مصر دايما هى اللى بتمشى العرب ما بتمشى ورى حدى شكلكم عاوزين توقعو الدول فى بعضها
ارحمو الناس علشان ربنا يرحمكم

من طرف **dandana ali** الأربعاء 16 فبراير 2011, 1:04 pm

طبعا ردى عليكى نجاح الثورة وكل التطورات اللى حصلت
والفساد اللى انكشف خلاااااااص

نورتى المنتدى يارشا

عاجل :شباب 25 يناير يصدرون بيان للشعب المصرى الان ويوضحون ما حدث

عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

دكتوره شروق او اى عضو فى صفحتنا على الفيس

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد: عاجل :شباب 25 يناير يصدرون بيان للشعب المصرى الان ويوضحون ما حدث

رد على شباب الميدان

ايه حكايتكم انتو تبع مين اكيد مش مصريين

رد: عاجل :شباب 25 يناير يصدرون بيان للشعب المصرى الان ويوضحون ما حدث