أحذروا من التليفزيون المصرى ونبهوا على اللى مش فاهمين

من طرف بنت بورسعيد الأربعاء 02 فبراير 2011, 3:03 pm

الإعلام المصرى كذاب

والله كذاب

لأننا كنا بنتابع الأيام اللى فاتت اللى بيحصل فى بورسعيد والإسماعيليه والسويس بحكم الجيره

وشوفنا بعنينا

مظاهرات وطلبات بأنه يمشى

والنهارده فى بلطجيه طلعوا واعضاء من الحزب الوطنى طلعوا يقولوا أطلعوا فى مظاهرات لمبارك وهنديكم فلوس

وهنديكم اكل ببلاش

ومش بس كده

بيطلعوا إشاعات

أن اللى فى ميدان التحرير هيتم سجنهم

وفى ناس غلابا صدقوا

وبيقولوا ان مبارك برىء ومكانش يقصد يقتلنا

بس مكانش واخد باله

وطبعا معظم كلامهم مش مفهوم

اللى فهمته انه بيحاول نشر الفتنه مش اكتر

لكن اغرب الناس هنا فى بورسعيد مش مصدقه

لأن حتى وقت المظاهرات اللى بمئات الالوف واللى شوفناها بعيونا

لقينا التليفزيون المصرى بيذيع أخبار كاذبه

ودلوقتى شوفنا شهادات حيه من ميدان التحرير بتقول ان ناس من الامن وبلطجيه من الحزب الوطنى بيضربوا الناس فى الميدان والتليفزيون المصرى لسه بينشر اخبار كاذبه

سواء النيل او الاخبار او القناه الاولى

وللأسف اللى بيذيع الحقيقه هى البى بى سى

والجزيره

وللاسف هم بيقطعوا عنهم الاخبار وبيقطعوا عنهم الإرسال

وبيقطعوا عننا النت علشان منعرفش

يا جماعه

توعيه

توعيه

اتقوا شر التليفزيون المصرى الكذاب

هذا تليفزيون عميل

وقنوات كذابه

وبيكدبوا علينا

وبيقولوا

ان البى بى سى

والقنوات العالميه

كلها كذابه

وطلعوا ناس على التليفزيون المصرى بتشتم باقبح الألفاظ الأخوه القطريين

كلنا بنحب اخوتنا فى قطر

وبنقول اننا بنحبهم

وان مصر بتحب كل الدول العربيه

وان مصر مع الدول العربيه وكلنا اخوات

ولا تستمعوا للتليفزيون المصرى فهو لا يعبر عنا

وربنا ينصر مصر

وأحذروا من التليفزيون المصرى

أحذروا يا اخوانى