مظاهرات تؤيد مبارك ... ما رأيكم

هذا المستند الذى صدر لمحافظة الدقهليه وقولوا لنا من يصدر تعليمات للمحافظ ؟؟

حسب القانون هو الرئيس

وفى المستند يتضح تعليمات للموظفين بالخروج امام مسجد معين للتظاهر لصالح الرئيس !!!

مقابل وجبات تغذيه !!!

وطبعا لو الرئيس فعلا اصدر هذا المستند الذى تتشره وهو مختوم ورسمى يبقى بقدم رشوه ولعن الله الراشى والمرتشى

ولو حد بيصدره بالنيابه عنه يبقى مينفعش يبقى رئيس

وفى كلتا الحالتين

لا بديل عن أستمرار الأعتصام فى ميدان التحرير حتى التحرير وشكرا

واترك لكم المستند

يا أستاذ يحى خلاف

انا كنت عضو فى لجنة الشباب بالوطنى

وبعد اللى شوفته

أقولك ان شفيق كداب وسليمان كداب

وانى رايح التحرير انضم للى بيكتبوا التاريخ

ويارب أموت هناك

واكفر عن كل صوت أديته للوطنى

لو انت بتقول اننا نسيبهم علشان مصلحة مصر

فانا بقولك ان ده أسمه استسلام

لأن دول مخادعين وكدابين ولا يمكن نسلم له البلد

والله هو صبر ساعه يفرق بينا

بلاش يأس

نصبر

يا جماعه

هو دا اللى هم عاوزينه

بيلعبوا على وتر تجويع الشعب

انا اتصلت دلوقتى بلجنتنا وقولتلهم هنعمل ايه

قالولى طلع إشاعه أن الأكل خلص وان الماء فيها سم

والسبب فى عدم القدره على التخلص من هذا هو الاعتصام

ودا كدب

يبقى ازاى نضحى بناس ضحوا بحياتهم وبروحهم وبدمهم علشان البلد

واحنا نضحى بيهم علشان خايفين نجوع

بالذمه دى رجوله

ولا دى سياسه

صدقنى انا من محبى مبارك

لكن انا بحب مصر اكتر من مبارك

وبالنسبه لتحكيم العقل

حكم عقلك تانى

وقولى

لو اكتشفت ان حرامى سرقك هتسيبه علشان خايف يجوعك ؟؟؟

بالمناسبه الموضوع إيمانى بحت

لكن احنا نسينا ان اللى هيموت فى الميدان هيبقى شهيد

واللى هيفضل مكانه يبقى جبان واقلها يسكت

واللى هيكلم كله على اللى فى الميدان يبقى خاين او جاهل

حكم عقلك تانى

بس مش هقدر ارد

لأنى لا أفضل انا اكون خائن او جبان او جاهل

بعد ان قضيت 6 سنوات فى خضم لجنة السياسات واتهم نفسى انى قمت بالقتل الخطأ

وهحاكم نفسى لو نجيت بعد اعتصام التحرير