ارحل يا ريس

من طرف **عذاري** السبت 05 فبراير 2011, 9:08 am

ارحل يا ريس

يرحم ايامك يا عمر

ويرحم ايام الرشيد

عايشين ماشيين بالخوف

وحتى فى النوم تهديد

كل يوم كده

مبقاش فيه جديد

ولو فتحت بؤك

ايدك تتلف فى حديد

ويطلع عين اهلك

وعينك ماتشوف تانى نور

ولا حتى شمعه من بعييييد

الظلم فاتح دراعوا

وحقنا الوالى باعوا

وكل الشعب جاعوا

من السلوم للصعيد

يا عم فارقنا بالأدب خليك زين

يامبارك ارحل زى اخوك زين

خد طيارتك وجمال وعلاء والنصابين

وشله الكدابين وعادل امام ويسرا

روح على سويسرا

هناك مستنياك الدولارات بالملايين

معاك بعنا توبنا وبعنا اللحاف

وعايشين يادوبنا بناكلها حاف

ومن خير سموك جالنا الجفاف

من قانون الطوارىء وقانون انت ابن مين

معاك بنعانى من مفيش

ماتت الكرامه من كتر التلطيش

ارحل بقى وسبنا نعيش

ولا انكتبت علينا ليوم الدين

منقوووووووووووووووووووووووووووول