الفنانة نشوى مصطفى توجه رساله للرئيس مبارك

من طرف بنت بورسعيد الأربعاء 09 فبراير 2011, 5:51 pm

تقدمت نشوى مصطفى باستقالتها من عضوية مجلس نقابة المهن التمثيلية مؤكدة
أنها نهائية ولا رجعة فيها، وأضافت نشوى في تصريح خاص للدستور الأصلي لقد
شعرت بذنب تجاه شهداء الثورة لأن جيلي مقدرش يعملهم حاجة، وتكمل نشوى قائلة
بعد المآسى التي رأيتها قررت أن اتقدم باستقالتي لاني عندما رشحت نفسي كنت
اتمنى أن أقدم خدمات لبلدي مصر من خلال منصبي الصغير لكني للأسف معملتلهاش
حاجة، وأشعر حاليا بالمسئولية التي تقع على كل أبناء جيلي لانهم مقدروش
يعملوا حاجة للشباب اللي مات، اللي هم ولادنا.. نحن لم نوفر لهم الحياة
التي يحلمون بها فخرجوا ليحصلوا علي آمالهم بأنفسهم، لكن الطغاه قطعوا
أيديهم قبل ما ياخدوا اللي هم عايزينه،
وأضافت :"أنا أدعو لكل الشهداء أن ربنا يسعدهم في الآخرة بقدر اسعادهم
لأبنائي عبد الرحمن ومريم، عبد الرحمن أول ما هيتخرج هيلاقي وظيفة محترمة
ومريم انشاء الله مش هتعنس لأنها لما يبقى عندها 25 سنة هتلاقي شاب من سنها
يتجوزها هيكون عنده شقة وامكانيات تسمح له بالزواج في هذه السن الصغيرة،
هذا هو ما كان الشباب يسعى لتحقيقه.. الشباب اللي انا وجيلي قعدنا نتفرج
عليهم في التلفزيون وهم بيموتوا في ميدان التحرير، احنا مسئولين عن هؤلاء
الشهداء قدام ربنا، ويوم القيامة هياخدوا من ميزان حسناتنا لأن الرصاصة
اللي جت في قلوب الشباب لو كانت اتقمست على اتنين مكانوش ماتوا، أنا بعتذر
لسالي ولأحمد ومينا ورامي وكل الشهداء وأقول للرئيس مبارك ان كنت قد تعاطفت
معك لانك راجل كبير في السن والناس بتهينك في دنيتك، فان تعاطفي معك يوم
القيامة سيكون أكبر عندما تقف أمام 300 شهيد ذنبهم هيبقى متعلق في رقبتك..
ياترى هتواجهم ازاي ساعتها؟!

من طرف **عذاري** الجمعة 11 فبراير 2011, 7:56 pm

يسلمووووووووووووووو
جزاكي الله خيرا

الفنانة نشوى مصطفى توجه رساله للرئيس مبارك

الفنانة نشوى مصطفى توجه رساله للرئيس مبارك

رد: الفنانة نشوى مصطفى توجه رساله للرئيس مبارك