وتتوالى إنجازات الثوره..تشكيل لجنه لتعديل دستور مصر

من طرف بنت بورسعيد الثلاثاء 15 فبراير 2011, 1:31 pm

تعهدت لجنة التعديلات الدستورية برئاسة المستشار طارق البشرى بإنجاز مهمتها
فى عشرة أيام، وذلك فى اجتماع اللجنة الذى تم اليوم فى حضور أعضاء اللجنة
مع المشير محمد حسين طنطاوى وزير الدفاع ورئيس المجلس الأعلى للقوات
المسلحة.

حضر الاجتماع رئيس الأركان الفريق سامى عنان والمستشار القانونى لوزارة
الدفاع ممدوح شاهين، وأوضح صبحى صالح المحامى وعضو مجلس الشعب السابق
والقيادى الإخوانى أن المشير طنطاوى أكد لهم فى الاجتماع حرص المجلس على
نقل السلطة سلميا لرئيس منتخب مدنيا، وحكومة تعبر عن الشعب ومطالبه فى غضون
ستة أشهر.

وذكر صالح فى تصريح خاص لـ"اليوم السابع" أن المهمة تتضمن تعديلات النصوص
الستة التى أعلنت عنها اللجنة السابقة وهى 76، و77، و88، و93، 189 وإلغاء
179 الخاصة بقانون الإرهاب، ومنع حق المدنيين لمحاكم استثنائية، مشيرا إلى
أن اللجنة لها صلاحيات فى تعديل أو إضافة ما تراه من نصوص هامة فى الفترة
الحالية خاصة ما يتعلق بنظام الحكم أو الانتخابات الرئاسية.

أكد الدكتور عاطف البنا أستاذ القانون الدستورى بجامعة القاهرة وعضو اللجنة
الجديدة لتعديل الدستور المشكلة من قبل المجلس الأعلى للقوات المسلحة، أن
اللجنة ستعقد أولى اجتماعاتها صباح غد الأربعاء بوزارة العدل.

وأوضح البنا أن الهدف الأساسى للجنة هو إجراء تعديلات دستورية حقيقية تضيف
بإيجابية إلى الحياة المصرية وتزيد من جو الديمقراطية بعد ثورة 25 يناير
تضمن إجراء انتخابات برلمانية نزيهة وتهيئة الطريق للترشيح إلى رئاسة
الجمهورية.

تضم اللجنة التى يترأسها المستشار طارق البشرى عضوية كل من الدكتور عاطف
البنا أستاذ ورئيس قسم القانون العام بجامعة القاهرة، والدكتور محمد حسنين
عبد العال أستاذ القانون الدستورى بجامعة القاهرة، ووكيل الكلية الأسبق
لشئون الدراسات العليا، والمحامى صبحى صالح عضو جماعة الإخوان المسلمين،
والدكتور محمد باهى أستاذ القانون بجامعة الإسكندرية، بالإضافة إلى 3
مستشارين بالمحكمة الدستورية العليا، وهم محمد باهى وحسن بدراوى وحاتم
بجاتو.

من طرف ????? الثلاثاء 15 فبراير 2011, 4:15 pm

اهلا وسهلا

اللى هيعدل الدستور هو البشرى ...وهو ممن يرفضون فصل الدين عن الدوله

روحنا فى داهيه

وكمان صبحى صالح بتاع الإخوان

وسندخل بالتخلف والرجعيه والسيطره الإسلاميه على الحكم

وسندخل بمشاكل مع كل الدول المجاوره وأولها إسرائيل

واهلا بعلاقات سيئه مع الولايات المتحده

هو ده اللى المتشددين عاوزينه

مشاكل مع أمريكا ومشاكل مع إسرائيل

روحنا فى داهيه

من طرف **dandana ali** الأربعاء 16 فبراير 2011, 10:59 am

اللى هيعدل الدستور هو البشرى ...وهو ممن يرفضون فصل الدين عن الدوله

روحنا فى داهيه

اولا لازم نتفق اننا تحت قيادة الجيش وهى قيادة كلنا بنثق فيها وخاصة بعد اللى حدث فى الثورة

اما حكاية فصل الدين عن الدولة فأنا شايفة ان الدستور كان من بدرى موجود يعنى لسه حضرتك افتكرت حكاية فصل الدين عن الدولة وأن كلنا مصريين واعتقد ان لم يحدث المساس بأخواننا المسيحين ده لو حضرتك تقصد المادة رقم 2 فى الدستور والتى تنص على
الإسلام دين الدولة، واللغة العربية لغتها الرسمية، ومبادئ الشريعة الإسلامية المصدر الرئيسى للتشريع.

ومش لازم كل مرة ارجع وأقول أ، المسلمين لما فتحوا مصر كانوا بيعاملوا اخواننا المسيحين ازاى وانهم انقذوهم وده مش لغرض غير التوضيح

تمام نيجى للنقطة الثانية

وسندخل بالتخلف والرجعيه والسيطره الإسلاميه على الحكم

بص بقى حضرتك لأن كلامك فيه شوية تجاوز من وجهه نظرى وأنا وااااااااااااااثقة أن كل تعليقك لا يعبر عن اخوانى المسيحين فى مصر لأن هم نفسهم اللى طلعوا فى الثورة برضو وفاهمين معنى كلمة مصر ومعنى كلمة مسلمين

بس حرد على حضرتك بما انى مسلمة قبل ما أكون مصرية

اولا مافيش حاجة اسمها أنك تقرن التخلف والرجعية بالأسلام ولو كنت مش فاهم كلامى يبقى حضرتك ماتعرفش حاجة ولازم تعيد النظر فى معلوماتك الاولية عن الاسلام والمسلمين والرقى والتحضر فى التعامل وايام العصور الذهبية التى اشاد بها العالم اجمع
ثانيا أحنا عايزينها دولة مدنية مسلم ومسيحى واحد
وده من زمان يعنى حتى لما المادة 2 موجودة
يعنى خوفك ماهوش لازمة مع احترامى لوجهة نظر حضرتك طبعا

وسندخل بمشاكل مع كل الدول المجاوره وأولها إسرائيل

واهلا بعلاقات سيئه مع الولايات المتحده

لو حضرتك مش شايف الخوف والزعر اللى حدث فى امريكا وأسرائيل يبقى سيادتك مش فاهم اى حاجة
مين اسرائيل اللى خايف منها قوى كده اه عندهم امكانيات مادية اكتر مننا لكن ربنا قذف فى قلوبهم الرعب والمعنوية هباب عندهم
وده بعد اللى عملته الثورة وبعد ماشافوا الصلوات من المسلمين والمسيحين ايضا وأنهم شافوا الوحدة الوطنية اللى عندنا
لما ميحى يحمى المسلم اثناء صلاته والمسلم يحمى المسيحى ايضا اثناء صلاته
يعنى ماتقلقش قوووى كده
الثورة دى غيرت فى العالم معايير كتيررره وهزت دول كبرى وغيرت نظرتها للمصريين
وجاى تقولى امريكا واسرائيل
أمريكا اللى بتقول لازم نعلم شبابنا يطلعوا زى المصريين واسرائيل اللى طلع نتانياهو وجهه ملىء بالزعر وكمان غيروا وزير الدفاع بتاعهم الناس كلها عرفت قيمة المصريين وأن شاء الله حيعرفواها اكتر وحيجى او هو بيجى وكل الدول حتبقى عايزة رضانا
شايف انا بقول مصر ومصريين مش مسلم ومسيحى

عجبى
!!!!!!

هو ده اللى المتشددين عاوزينه

مشاكل مع أمريكا ومشاكل مع إسرائيل

المتشديين مش فاهمة قصدك ايه منهم يعنى هههه بس ماتقلقش طول مافى شباب زى اللى عمل الثورة واللى طلعوا فى التحرير واللى ايدوا الثورة
يبقى مش جيبقى فى متشديين الااذا كنت حضرتك لسه مش مستوعب مصرنا الحرة

روحنا فى داهيه

تانى مرة تقولها ههههههههههه بصراحة انها شايفة ان زعر حضرتك ده مش فى محلة خااالص اهدى يا استاذ مايكل
واعتقد ان ده وقت البناء مش الكلام ده يعنى

نورت المنتدى برأيك وأتمنى أن لو .. لو فى حد بيفكر زى حضرتك
تقول الصورة وضحت

اسفة على الاطالة والتأخر فى الرد بس كان عندى مشكلة فى النت امبارح

وتقبل تحياتى الممزوجة بالتعجب

من طرف **سجده** الأربعاء 16 فبراير 2011, 1:36 pm

في انتظار دستورنا المصري الجديد

اللهم اجعله فاتحة خير علي أمتنا الكريمه

ووحدة وترابط لكل مصر وسائر بلادنا الحره

اللهم وحدنا ولا تجعلنا صيدا يسيرا للضعف والتفكك

مسلم ..مسيحي ..بلدنا واحده وحقوقنا واحده

هنعمر بلدنا سوا إن شاء الله

من طرف **عذاري** الأربعاء 16 فبراير 2011, 5:21 pm

يسلمووووووووووووو
جزاكي الله خيرا

وتتوالى إنجازات الثوره..تشكيل لجنه لتعديل دستور مصر

وتتوالى إنجازات الثوره..تشكيل لجنه لتعديل دستور مصر

رد: وتتوالى إنجازات الثوره..تشكيل لجنه لتعديل دستور مصر

رد: وتتوالى إنجازات الثوره..تشكيل لجنه لتعديل دستور مصر

رد: وتتوالى إنجازات الثوره..تشكيل لجنه لتعديل دستور مصر

رد: وتتوالى إنجازات الثوره..تشكيل لجنه لتعديل دستور مصر