مشكلتى

من طرف ???? السبت 21 أغسطس 2010, 7:44 pm

أول حاجه اعرفكم بنفسى أنا ساره

كنت دخلت هنا وكتبت شويه ردود

وبتابع المنتدى هنا ديما وفكرته حلوه

وبما انك بتقبلوا المشاكل

فأنا عندى مشكله قولت أحكيها ولو أنى عارفه ان ملهاش علاج

أنا مشكلتى بأختصار هى أنى بخاف من الأمتحانات
طبعا كلنا بنخاف من الأمتحانات بس أنا عندى المشكله عباره عن مرض

هقولك على شويه حاجات هتفهمكم قصدى
يعنى مثلا يوم الأمتحان الصبح ممكن أرجع واتعب جدا وتجيلى دوخه

مع أنى بكون مذاكره كويس

الموضوع كلفنى أنى قعدت فى الثانويه خمس سنين بدل تلاته

وحاليا سنتين فى أولى كليه

كل أمتحان بخاف جدا وساعات بفقد الوعى كمان

وروحت لدكتور نفسى قبل كده وفضلت معاه ست شهور وبلا نتيجه

انا عارفه أنها مشكله معقده بس قولت أحكى معاكم وخلاص

من طرف **لؤلؤة** السبت 21 أغسطس 2010, 8:07 pm

بصى يا سارة اولا اهلا بيكى نورتى المنتدى
بس بصى يا سارة لازم يكون عندك قوة ايمان اكتر من كدة شويه
يعنى وانت داخلة الامتحان خلى عندك يقين ان ربنا مش هيضيع مجهودك
وخليكى عندك حسن ظن بربنا ( وانا عند حسن ظن عبدى بى )
وياربيوفقك واتمنالك التوقيق

من طرف فاروق المصرى السبت 21 أغسطس 2010, 8:51 pm

بصراحه هى مشكله عند البعض ان شاء الله ربنا يوفقك وتقدرى تتخلصى منها

انا عندى مشكله العكس هههههههههه

لما كنت طالب زمان أيام الطفوله ههههههه

كان عندى لا مبالاه

يعنى لو مثلا فى ماتش ليله الأمتحان كنت ممكن أشوفه

وكمان كنت مش بذاكر كل حاجه وأعد اعصر مخى فى الأمتحان

يعنى انتى ممكن بس يكون بسبب الضغط النفسى

وطبعا خير الأمور الوسط

من طرف **نوسة** السبت 21 أغسطس 2010, 11:29 pm

ازيك يا سارة منورنا يا قمر
انا كنت عاوزة اقلك ان بجد حاولى تتخلصى من المشكلة دى لانها هى سبب دايما فى النسيان فى الامتحان يعنى مثلا انا مش بتوتر اوى فى الامتحانات بس المادة اللى بتوتر فيها بعرف انى مش هجاوب كويس فيها وفعلا بدخل انسى كل حاجة
عشان كدة لازم تتوكلى على الله ومدام انت عملتى اللى عليكى ربنا مش هيضيع مجهودك
وتفائلوا تجدون باذن الله
واتمنالك التوفيق دايما

من طرف **dandana ali** الأحد 22 أغسطس 2010, 2:19 am

اهلااااااا ياساره
منوره المنتدى ياقمر
اكيد فاكرانى اوعى تكونى نستينى ؟.. ههه
شوفى ياساره انا بعمل كالآتى لما بيكون عندى أمتحان:
اولا: كنت بقول ان لازم اعمل اللى عليا وبقول "اللهم انى أسألك فهم النبيين وحفظ المرسلين والملائكه المقربين" أما
ثانيا: لما بخلص المذاكره بقول"اللهم أنى استودعك ما حفظت وما فهمت فرده لى عند حاجتى اليه" وبقول يارب انا عملت اللى عليا فاكرمنى.
ثالثا"بحاول معرضش نفسى لضغط عصبى او أخلى نفسى عرضه للتفكير فى الأمتحان كل اللى بفكر فيه ان فى هم حينزاح ههههههههههههه
رابعا : بقول لنفسى أن كل شىء مكتوب عند ربنا من ساعه ولادتى وان اللى ربنا رايده حيكون مهما عملت يعنى بتوكل عليه
وليس التواكل
عارفه يا ساره لازم تثقى فى رحمه ربنا بينا وانه بيحبنا وان ده ابتلاء من عنده ولازم تحمديه وتشكريه بس متيأسيش وانك ممكن تفتكرى حاجه كويسه ويكون فيها ضرر ليكى
قال تعالى"وعسى ان تكرهوا شيئا وهو خير لكم" صدق الله العظيم
الآيه دى مثلى الأعلى وانقذتنى من توتر الأمتحانات وموقف ممكن يقابلنى
ثقى فى ربنا وفى نفسك وسلمى امرك له
وهو خير معين وأستعيذى من الشيطان..
وشكرررررررا على انك وثقتى فينا وحبيت تحكى معانا
انا حستنىاكى لما تقوليلنا انا تخلصت من الأزمه دى
السلام عليكم

من طرف **القلب الطائر** الأحد 22 أغسطس 2010, 9:04 am

يصى يا سرورة اولا انتى بتخافى لية عشان ما تسقطيش اكيد طيب اللى انتى بتعملية دة اهو سقطك طب ما معلوش او مااديش نفسى الاحساس اللى يخلينى اتعب كدا بصى يعنى انتى اهو سقطتى اية اللى حصلك ولا حاجة طب عادى بقا لما ادخل الامتحان حلى سواء نجحتى ولا لا مش مهم المهم انك عملتى اللى عليكى وخلاص وبعدين خلى عندك يقين فى الله وقولى انا ربنا هيكرمنى زى ما ذاكرت وتعبت خلى عندك حسن ظن فى الله اقولك اتفرجى على حلقة عمرو خالد بتاعت لاتقلق هاتيها من على النت http://amrkhaled.net/newsite/happiness.php?episode_ID=MTQ=&id=0
دة اللينك ادخلى عليية وشوفى الحلقة ماشى

من طرف ???? الأحد 22 أغسطس 2010, 10:53 am

ميرسى يا جماعه على كلامكم ده

انا توقعت رد او اتنين بالكتير بس بجد فرحانه
أوووووى ان كلامى كان يهمكم كلكم

وعدد كبير رد

بس خايفه أقولكم على الصراحه تزعلو

كل الكلام ده انا عارفاه وسمعته مليون مره

وانا مؤمنه وبصلى كل الفروض بس

مفيش حد فيكم هيحس بيا لأن محدش جرب وان شاء الله ميحصلش بعد الشر عليكم كلكم

وبجد شكرا ليكم على شعوركم ده

وادينى أرتحت شويه لما فضفضت معاكم وانا أصلا يأست خلاص أنى ألاقى حل لمشكلتى دى

شكرا ليكم مره تانيه

من طرف **dandana ali** الأحد 22 أغسطس 2010, 11:42 am

ساااااااااااره انا زعلت لما شوفت كلمه يأست
انتى يأستى من مين؟؟؟؟
من رحمه ربنا بيكى وانه ممكن يكون ابتلاء ليكى وبيشوفك حتعملى ايه؟؟؟!!
ولا يأستى من نفسك؟؟ازاى اذا كان ربنا وهب لينا نعمه العقل علشان نفكر طول الوقت فى حل المشاكل؟؟
مش من محاوله ولا عشره
ممكن تكون اكتر من محاوله
لا تيأسى
وانا معاكى ان مفيش حد ممنا حيحس باللى انتى بتمرى بيه لأن محدش حصله كده
يبقى دى معركتك وانتى لازم تفوزى بيها
فكرررى كويس
وشكررررررا على كلامك الحلو ياقمر

من طرف Engy الثلاثاء 24 أغسطس 2010, 3:41 am

السلام عليكم ورحمه الله
العزيزه ساره

واضح ان مشكلتك اكبر من انك تعرفى تتحكمى فيها ودا اللى بانلى من ردك التانى ....وكمان من ردك الاول وهو انك روحتى لدكتور نفسى

انتى ممكن يكون عندك فوبيا يا سارا وهى الخوف المرضى من حاجات ممكن تقلق لكن ما تخوفش لدرجه الفزع والاغماء

والفوبيا دى يا سارا مش كفايه ليها العلاج بالعقاقير فقط .....بالعكس دى محتاجه جلسات كلاميه تساعدك على الثقه بالنفس تدعيم مبدأ (i can do it )

مفيش مشكله مالهاش حل يا سارا لازم ثقتك تنبع من جواكى ولازم اللى حواليكى يساعدوكى ف ده وف الاول والاخر

ضعى ثقتك ف الله عز وجل

من طرف ???? الخميس 26 أغسطس 2010, 5:54 pm

بجد شكرا ليكم كلكم على كلامكم الحلو ده

أنا متشكره جدا ليكم

وميرسى أوى على شعوركم وعلى أهتمامكم بجد أنا فرحانه أوى

ربنا يخليكم

مشكلتى

مشكلتى

رد: مشكلتى

رد: مشكلتى

رد: مشكلتى

رد: مشكلتى

رد: مشكلتى

رد: مشكلتى

رد: مشكلتى

رد: مشكلتى

رد: مشكلتى