أكره أبى

يا انسان شوف انت مسمى نفسك انسان فى انسان بيكره هتقولى انتى اصلك ما شفتيش بابا بيعمل معايا معايا هاقولك انت فاكر ان والدك الوحيد هو اللى بيتخانق ماسالتش نفسك هو اية مشاكله مش كل حاجة مشاكل مادية اية اللى جواه مالة مفيش مرة سالتة مالك يا بابا واكيد ظاهر عليك انك مضايق منة واكيد هو حس بكدا وزعلان بص احنا مش بنختار اهلنا بس لازم نحبهم هما اللى جابونا واكيد بيحبك وبيخاف عليك طب لو عييت لا قدر الله مش بيخاف عليك جدا لو اتاخرت انت او اخواتك مش بيبقا قلقان جدا كل واحد عنده عيوب انت عندك عيوب وانا كمان معلش سامحه وحبة لانة ابوك ولان ربنا امرك بكدا وقربة منك بحبك لة وحاول احنا فى رمضان وربنا معاك

بصراحة القلب عندها حق وانا مش هقدر اقلك اكتر من اللى هى قالته

يا بنى تخيل لو لقدر الله حياتك من غيره صدقنى هتكون اصعب كتتتتتتتتتتتر من وجوده معاك حتى بوجود المشاكل
معلش استحمل مافيش بيت خالى من المشاكل بس المهم ان نحاول نحلها او نتكيف معاها يايجابية
و بليز بلاش كلمة اكرة ابى والله كلمة كتيييييييير صعبة

وبالوالدين احسانا

اهلا يا استاذ انسان......انت فعلا انسان ووالدك انسان ....والانسان مش ملاك ....ربنا خلق الانسان وخلق معاه انفعالات زيه زى باقى المخلوقات ...ولكن ميز الانسان بالعقل ليتحكم فى هذه الانفعالات .....لذلك نقول على الشخص العصبى (ياه دا معندوش عقل ) ونقول على الشخص الهادى المتزن فى انفعالاته (دا فلان ده عاقل قوى )......

كلنا عندنا عقل ولكن قدره الشخص فى توجيه عقبه للتحكم فى انفعالاته تختلف

يجوز ان يكون عير قادر على التحكم فى انفعالاته ....او به من المشكلات مالا تعرفوه انتم ...فيهىء لكم ان انفعالاته مبالغ فيها ....

صاحب ابوك ولا تكرهه ....لا يجب على الابن ان يكره ابوه ...هاتله هدية بوس ايديه وقوله نفسى اعرف ايه اللى مضايقك منى يا بابا ....نفسى تبقى راضى عنى ....صدقنى ستفتح لك ابواب الجنه بالكلمتين دول

لا تكرهه ......قولله بحبك يا بابا

يا إبنى يا حبيبى هو انت أصلا مطلوب منك تحب والدك ده ؟؟

انا مش فاهمه إيه مشكلتك بالظبط ؟؟

طيب براحه كده ..هسألك سؤال ...لو واحد تعرفه زميلك حصل أنه عمل فيك أشياء سيئه وأذاك وحاول يدبر لك كوارث

هل هتحبه ؟؟ ولا هتكرهه ؟؟

طبعا هتكرهه صح ؟؟ وهتحاول تبعد عنه وخلاص وتتقى شره

وهتكرهه وهتتمنى كمان له أن يغور فى داهيه بعيد عنك صح ؟؟

هل هيبقى فى مشكله ؟؟ لا ...واحد ميستاهلش وخلصت منه


خلاص قولى ايه مشكلتك ؟؟؟

مش انت بتقول ان والدك شخص سىء ؟؟

خلاص أكرهه 0...وأبعد عنه واتمنى له الشر ؟؟؟

وهو ده اللى انت بتعمله وواضح من كلامك

يبقى فين المشكله ؟؟؟

هو انت مع صاحبك اللى ضربتلك بيه المثال كان فى مشكله ؟؟

بالطبع لا ؟؟

طيب مع والدك ليه فى مشكله ؟؟

أنت مشكلتك أنك عندك شعور بالكره ناحيه والدك

طالما دى مشكله فى وجهة نظرك يبقى كان لازم تعرف أنك من جواك مش عاوز تكرهه

مش هقولك حبه أو اعشقه بس متكرههوش وده نداء داخلى جواك

كفايه كده النهارده لو شفت رد منك هيبقى لينا كلام تانى إن شاء الله

السلام عليكم ورحمة الله ويركاته

الاخ الفاضل انسان : انا شايفه ان كلام استاذه انجي كلام رائع

حاول تقرب من بابا. حاول تسمع منه يمكن انت مش متخيل ان ده ممكن ينفع معاه بس حاول ومش انت بس كل اخواتك

كمان لازم تحاولوا تفتحوا معاه لغة حوار وتسمعوه كلام يرضيه يمكن هو مضطرب والاسلوب ده صدقني بيلين الحجر

ومش كده وبس ده بيرضي ربنا ويخليه يفتح باب السكينه والموده بينكم قال تعالي ( وقضي ربك ألا تعبدوا إلا إياه وبالوالدين إحسانا) صدق الله العظيم

بسسسس خد بالك احنا في شهر فضيل جميل وانت معاك سلاح المؤمن وهو الدعــــــــــــــــــــــــــــــاء

فعليك بالدعاء اخي الكريم ادع الله تعالي أن يصلح بينكم وأن يهدي ويصلح قلوبكم وأن يجمعكم علي المودة والمحبه
وعلي تقوي الله ,

ما أجمل ركعتين في جوف الليل في ثلثه الأخير مع دعـــــــــــــــــــــــاء جميل بصوت خاشع ذليل لله عز وجل مستجاب

بإذن الله تعالي ( أمن يجيب المضطر إذا دعاه ويكشف الســـوء )

فلا تحزن ولا تياس ولا تسئ لوالدك فالصبر عليه وبره مهما كان سلوكه باب لمرضاة الله ولا تبخل علي والدك الحبيب بالبر

والكلمه الطيبه فهي صدقه والحب فوالله انه بحاجه اليك وانت بحاجة الي ظفره. فلقد فقدت والدي والحياة بدون الاب

صعبة جدا جدا فهو الحمي ويكقيك فقط كلمة ابي فما أحلاها وما اروعها وما اطيبها في النفس

فهيا جدد نيتك لله واحب ابيك واذهب وقبل يديه بل وقدميه واصبر صبرا جميلا ابتغاء مرضاة الله وتقريا اليه وطمعا في

جنة عرضها السماوات والأرض اعدت للمتقين .

فالحب في الله هو اسمي شئ . وفقك الله وهداك وهدي والدك وهدانا اجمعين وفرج همك وثبتك علي الحق

وجعلك من خيرة عباده المتقين


والسلام عليكم ورحمة الله وبركاته

السلام عليكم ورحمه الله
فعلا يا سجده انا اوافقك الراى كمان اوافق استاذه شروق بأن هذا الاحساس بالكره لابوه هو فعلا غير راضى عنه لذلك هو يشعر ان هناك مشكله وان هذا سلوك غير سوى

ربنا معاه يا رب ويهديه هو ووالده والمسلمين اجمعين يا ارحم الراحمين

أنا شايفه ان كلام البنات جميل جدا

ويارب يكون وصلك

ولازم تحاول ويكون عندك عزيمه

السلام عليكم
والله حسيين بيك يا استاذ انسان .....بس اللى اتضح من كلامك الاخير ان والدك ممكن يكون بخيل او مضايقها عليكوا شويه ........وانا عارفه ان البخل ده اوحش صفه يوصف بيها الانسان وربنا هيحاسبه على كده ....
وبما ان البخل صفه ملصقه به ..لازم تلاقى مورد للمال عير والدك اى لا تعتمد عليه ف الامور المالية وذلك بمحاولة ايجاد عمل لك عمل شريف يساعدك على كسب ما تحتاجه من المال ....او حاول ان تكلم احد اقاربك يكون له سلطة على ابوك جدك مثلا او عمك الاكبر ...اعتبر ان ابوك افلس (لا قدر الله )....سوف تعمل ايضا للانفاق على نفسك وعلى فراد اسرتك ....هذا اذا كان والدك بخيل (زى ما استشفيت من كلامك)

ولكن لامفر من ان هذا ابوك ولا مفر من بخله ولا مفر من حبك له رغم ذلك