ماحدث بمؤتمر التحرير بكلية صيدلة اسيوط ومابعده

من طرف **dandana ali** الإثنين 14 مارس 2011, 2:56 pm

احنا عيال وانا لو ابنى عارضنى اضربه بالنار وواضح انها نية مبيتة عندكم من الاول... دى كلمات ترددت من عميد ووكيل كلية الصيدلة بأسيوط فى المؤتمر اللى عملوه الطلاب واللى حضرته واللى كان فيه عدد كبيررر من جميع الفرق والمتحدثين تكلموا بكل ادب واحترام لكن كانت الردود من العميد (مش فى سلطتى او انتوا مش فاهمين حاجة او دى مسئولية القسم او دى مسئولية رئيس الجامعة او دى قوانين) مطالبنا مش حاجة صعبة خاااااالص والعميد فى امكانه ده ...
ايه يعنى مثلا نقول ان فصل كتاب النظرى عن العملى لأن كتاب النظرى فى مواد بيبقى مالهوش لازمة اساسا يرد يقول خلاص حلغيه واساسا ده مدعم وماردش علينا فى الحكاية دى ولا اعترف بأن الكتب فعلا مش كفىء وان الدكاترة بيلزمونا بورق او سلايدات ومش بينزلوها ومش بيلتزموا بالكتاب خاالص يقول انه قال مش مدير فى حضانة ؟؟؟؟!!!!!!!

وايه لما زميلة ليا تسأله بكل احترام وده من شهادة اللى حاضرين وانا منهم وتسأله ايه هى الجودة وهل اتطبقت وليه سابوا الدكاترة يحطوا الامتحانات بالأسلوب ده وان المفروض فى لجنة عشان تقيم الامتحان قال ان بالفعل فى لجنة !!!!!! ولما قالتله لما الطلاب يعترضوا على امتحان قالها يقولموا يبسبوا الامتحان ويمشوا ولما اكدت وقالت عن مادة العقاقير واللى حصل والنتيجة قالها النسبة 71% بعد الرفع ولما قالتله قبل الرفع قالها 63% والمفروض ان الجودة مادام اكتر من 60% مش محتاجة رفع ردت باحترام برضو وقالتله يبقى ليه رفعتوها اما المتحان كويس ونسبة النجاح كويسة بالنسبة للجودة ماردش وقام فيها وزعق هو ورئيس قسم العقاقير اللى كان حاضر وقالولها اسلوبك مستفز وتعديتى فى حوارك ؟؟!!!!
أنا كنت حاضرء ومصورة كل حاجة وشاهدة ان ياسمين ماكنش اسلوبها مستفز خاالص كانت بتكلم بواقعية وعايزة تفهم اما انهم ماعندهمش رد على نتيجتنا ومش معترفين حتى اننا لو جمعنا توقيعات بأن دكتور مايديناش برضو مش سلطة العميد فده شىء يخصهم .....

امبارح انتهت بأن الطالب اللى بتكلم قال احنا ماأخدناش حاجة وكل الردود مش فى سلطتى او اصلى حولها للشؤن القانونية وتجيلى ونجيب شهود او ان دى قوانين او ده محتاج 6 شهور قام وقال ده مش مؤتمر وانا غلطان انى حضرت بالرغم انهم كانوا عالطول بيقولوله اننا بنتكلم من منطق انك ولى امرنا ويهمك مطالبنا لكن هم من ساعتة مادخلوا وده مش رأيى رأى كل اللى حضر انهم مش عايزين يعملوا حاجة .. والعميد كمل لما الطالب قال الهدوء عشان مايقولوش علينا عيال رد قاله انتم فعلا شوية عيال ... وعرفت انه لما كان بيقرأ المطالب كان بيقول ايه قلة الادب دى والمطالب معروضة بطريقة محترمة وكان فى شنطة بيتجمع فيها االمطالب من كام يوم وتم ذكر المطالب اللى عليها اجماع .... والوكيل لما سمع الطالب قال بعد ما العميد مشى ان ده رفض واننا نعتصم راح الوكيل قال دى نية مبيته عندكم من الاول ... وقامت دكتورة بنحترمها وقالت انها حتكلمه بكرة على النهاردة يعنى وان الساعة 5 حتعمل اجتماع نيجى فيه وحتقول الرأى النهائى ولو كانوا رفضوا يبقى هى ودكتور تانى قال انهم حعتصموا معانا .... وتم الموافقة على ده للاف برأى الاغلبية.. لأن العميد كان رجع مرتين لما سمع كلمة اعتصام وقال انا رديت والدكاترة قالوا ان المطالب دى مشروعة ومن حقنا... وان عليه ينفذها..

لكن النهاردة كان فى زى وقفة قدام مبنى ادارة الكلية مع عدم منع او تعطيل لاى حاجة لكن دكتور كان امبارح واسمه على عبد الظاهر ضرب ولد وشتم بنت قعد يصور فى الولاد النهاردة اللى كانوا بيتكلموا امبارح ويقولهم انا حجيبلكم الشرطة العسكرية؟؟؟!!!!!!!

والعميد الصبح وهم معدى قال انتم طلاب فاشلين...
بالأضافة انه امبارح استهزء من الفرقة الاعدادية وقال انهم سنة فراغ واحنا عارفين دخلوا ازاى وده اثار غضبهم...

وبالأضافة ان الاخوان اللى تبع كليتنا انسحبوا امبارح ووزعوا ورق النهاردة انهم نسحبين من المطالب لان قال امبارح حصل تعدى فى الحوار !!!!!!
واعتذروا للعميد النهاردة وقالوله انهم انسحبوا من امبارح عشان طبعا الاتحاد وده كان مطلبهم الاساسى انتخابات الاتحاد لكن مش بالطريقة دى ...

والعميد اخر حواره النهاردة كلمنا وقال انه حينزل رده الاخير النهاردة فى ورقة حيوزعوها الساعة 7 وواحد قال ان تقريبا مطالبنا جزء كبير حيتعمل وان لو ماعجبناش خلاص دى اخر فرصة ....
وطبعا كلنا بندافع عن اللى اتكلموا لأنهم ممكن يضروا

بس افهم هو ايه الجبن والخوف اللى بيحصل ده من قبل الطلاب وايه اللامبالاه من قبل الدكاترة ؟؟؟!!!!!!
هو احنا بنطالب تهريج يعنى ولا عشان مستقبل كلية وناس تطلع مفيدة للمجتمع
!!!!!!!!!!!!!
لحد النهاردة وحتى لما قال العميد انتم ماحترمتونيش امبارح الكل رد واعترض على الموضوع ده ومع ذلك الشباب اللى بيتكلموا كانوا بيردوا بذوق واحترام....

بجد واضح ان لسه الخوف فى اغلبية الشعب المصرى والاستهزاء بالمطالب لسه موجود
امتى حيفوقوا؟؟؟

من طرف **dandana ali** الإثنين 14 مارس 2011, 3:02 pm

وكان من احد المطالب ان الدكتور ملزم بالمادة العلمية اللى بالكتاب وان لو فى زيادات من حقنا تنزل

وتوفير رحلات علمية لكل الدفعة على هيئة مجموعات للمصانع وده بالنسبة لسنة رابعة

وان لو تم تجميع اكتر من 50% من التوقيع بدكتور انه مايدرسش خلاص

دى احد المطالب
صعبة ؟؟
مش فى ايد العميد؟؟

مايقدرش حتى يعترف بيها ويدعمنا؟؟؟

من طرف **عذاري** الإثنين 14 مارس 2011, 8:27 pm

الله يوفقكم

وان شاءالله تتحقق مطالبكم كلها

يسلموووووووووووووووووو

جزاكي الله خيرا

من طرف بنت بورسعيد الخميس 17 مارس 2011, 11:25 am

ربنا معاكم ويوفقكم يا دندنه وينصركم على الظالم

ماحدث بمؤتمر التحرير بكلية صيدلة اسيوط ومابعده

ماحدث بمؤتمر التحرير بكلية صيدلة اسيوط ومابعده

رد: ماحدث بمؤتمر التحرير بكلية صيدلة اسيوط ومابعده

رد: ماحدث بمؤتمر التحرير بكلية صيدلة اسيوط ومابعده

رد: ماحدث بمؤتمر التحرير بكلية صيدلة اسيوط ومابعده