بلاااااااااااااااا عنوااااااااان

من طرف **dandana ali** الخميس 24 مارس 2011, 10:51 pm

نعم لا يوجد عنوان للموضوع
ومش عارفة ليه بس يمكن حسيت ان المضمون مش قادرة اعبر عنه بعنوان

طبعا احنا شفنا الاستفتاء ودى خطوة راااااااااائعة لمصرنا اتجاه الديموقراطية الحقيقية وكنت سعيدة بها
بس حسيت قبل يوم الاستفتاء بشعور مش غريب وحاجة متوقعة لينا ان فى مننا مش متقبل او لسه مش واعى لكلمة استفتاء وان صوتك حر
وانك تتقبل نتيجة الاغلبية مهما كانت
أنا قلت لااااا ومقتنعة برأيى الى الآن ولو رجع بيا الزمن حقول برضو لاااا
لكن تقبلت الموضوع عااادى واهم حاجة اننا نبتدى نتعود على كده
طبعا فى كتيييييييير زيى مش انا العاقلة النادرة يعنى ههههه

لكن انا عايزة اوضح حاجة لأنى لاحظت ان فى من اللى قالوا (لا) مش متقبلين النتيجة وفى من اللى قالوا (نعم) حاسين انهم فازوا بماتش كورة
(مش الكل طبعاااا)
اللى عايزة افهمه واللى بشوفه حاليا من قبل
اللى قالوا (لا ) واللى قالوا (نعم)
وطبعا مش بتكلم عنهم كلهم حتكلم عن نماذج لقيتها كترت وحتى فى الجامعة وطبعا فى الفيس واماكن كتييير
حديكم مثاااال
اولا اللى قالوا (لا)
اى حاجة تحصل دلوقتى الاقى كومنتات او كلام ان ده اخر اللى قالوا نعم
!!!!!!!!
ومرة سمعت من واحدة اول ماعرفت النتيجة قالت لاااا فى حاجة غلط هههههه
طبعا انا رديت عليها قبل ماصحبتى اللى كانت قالت (نعم) لأنى واثقة اننا بعد وليس قبل 25يناير وان لازم نبطل عدم الثقة الزائد عن حده

ومرة سمعت ربنا يستر على اللى جاى

بس سمعت كمان اللى قال اهم حاجة اننا عشنا لحظة حرية وان صوتى وصل

ثانيا من اللى قالوا (نعم)

تانى يوم الاستفتاء كنا بنستلم كتاب باثولوجى ولقيت واحدة بتقول لصحبتها انتى قولتى (لا) ولا( نعم )
راحت رديت عليها قالتلها انا قلت (لا) بس موافقة على رأى الاغلبية
روحت لقيتها رديت عليها قالتلها اييييييه قلتلى (لا) ازاى؟
عامة احنا اللى فوزنا
!!!!!!!!
انا ضحكت كنت حرد عليها اقولها ده الجو الديموقراطى اللى لازم نتعود عليه
بس قلت فى نفسى حتسألنى انتى قلتلى ايه وحتقولى يبقى انتى بتدافعى عشان قلتى لا .. قلت خلاص سيبك منها حدخل فى نقاش وكنت مستعجلة و بغض النظر انى كمان كنت مخنوقة من الراجل بتاع الكتب هههههه

غير ان حصل معايا يوم الاستفتاء كنت فى كورس كلللللهم كانوا قالوا (نعم) عدا انا ههههههه
الجميل انهم خمسة منهم ثلاثة كانوا متقبلين انى روحت قلتى رأيى عادى وطبعا سألونى قلتى ليه لأ وكنت رديت على واحدة منهم قبل الاستفتاء بكام يوم لأنها فى نفس السكن بتاعى لكن الاتنين التانين مارضيتش ارد لأن الاستفتاء كان خلص ومافيش لازمة من الكلام واهم حاجة كنا فرحانين بالتصويت وبلون صوابعنا هههههه
اما الاتنين الباقين دول فضحونى ههههه
واحدة منهم قالتى ايه ازاى تقولى لااااا انتى مش فاهمة حاجة وكان ليهم وجهة نظر غريبة ومرفوضة عندى و هى معروفة بس انا مش حتطرق للحكايات دى بس كانت واحدة منهم شوية وحتضربنى هههههه هزار طبعا بس كلامها كان جد واللى دافعوا عنى الثلاثة الباقين (اللى قالوا نعم)

وفى السكشن بتاعى زميلات ليا قالوا (نعم)ومع ذلك تقبلوا انى قلت (لا)

الخلاااااااصة

انا شفت بمعنى اوضح ان زى مافى ناس فاهمة معنى حرية رأى
فى ناس كمان مش فاهمة ده من الطرفين
مش حنكر انى بضايق شوية لما اشوف ناس لسه بتتكلم عن الاستفتاء وانت قولت ايه؟والكلام ده
خلاااااااص الموضوع ده انتهى فى حاجات عايزين نركز فيها
بس طبعا مش معنى كده اننا نكون مش متابعين اللى بيحصل
لكن مانقعدش نتكلم فى كلام مالوش لازمة
زى مابشوف فى الايام دى فى الجامعة بس ده مش ملاحظة من يومين تقريبا لكن الفيس ملياااان بكده
وحتى فى الجروب التابع للمنتدى
لسه فى ناس بتتكلم عن وجهة نظر لا ونعم ودول غلطوا لما قالوا نعم
مع احترامى الكاااااااامل ليهم ولرأيهم وحريتهم فى النقاش طبعا لكن انا شفت برضو نقاش عن ان ليه مجموعة معينة لها قوتها قالت (نعم) النقاش كان فى غاية الاحترام بينهم وده المتوقع من الاعضاء هناك بس لييييييه؟؟ كل واحد حر يقول رأيه ومصر اكبر من انها تقتصر على مجموعة فيها مهما كانت قوته واحنا المفروض نتجاوز مرحلة الخوف ونعرف اننا اقوى من كده
لكن انا لقيت فى صفحات اخبارية ومتنوعة كلام غريب ومستفز فعلا
وحسسونى اننا فريقين بنلعب وواحد فاز وأخد البطولة والتانى خسر طبعا مش الكل لكن عن ناس عددهم مش قليل وفى ناس ممكن تدخل فى وسطهم عشان تعمل فوضى وخلاص وتسخن فينا والدنيا تخرب
(دى وجهة نظرى وطبعا ممكن تكون غلط)
بجد دى مش حرب دخلناها مع بعض ولا كورة من فاز ومين خسر
لازم نكون اكبر من كده اكيد السنين اللى فاتت اثرت
لكن نحاول نتغير ومش حاجة تحصل ندبسها فى اللى قالوا(نعم)
لان لو كانت الاغلبية للى قالوا (لا) ماكنوش حيرضوا حد يقولهم كده
ولا اللى قالوا (نعم ) يستفزوا فى اللى قالوا (لا) لان نفس الوضع لو الاغلبية كانت ل(لا) ماكنوش رضيوا حد يقولهم كده

مصر واحنا اكبر من اننا نقول كده لبعض ونسيب ناس بتفرح باللى بيحصل عشان يقولوا اهى الديموقراطية اللى عايزينها
لازم نثبت اننا قدها ونقدر نحترم بعض بجد
كل واحد مننا قال رأيه عن اقتناع منه ومش حنعلق حبل المشنقة لحد
ولازم نعرف ان ده كله مكتوب عند ربنا ومقدر لينا اننا نشوفه احنا بس اسباب حدوثه

اللى قلته مش غرض منى لتشويه اى من الطرفين
انا فرحانة اننا قلنا رأينا بحرية اينعم ماكنتش متوقعة قوة رد الفعل
بس ده مش معناه اننا ميئوس مننا ولا حاجة احنا كتر خيرنا لينا سنييييييييييين سااكتين
والعدد اللى خرج عشان يدلى بصوته دليل على تقبلنا للمرحلة الجاية
بس لازم الموضوع يكمل للاحسن
بلدنا محتاجانا فى كل وقت وكل موقع مش احنا حنفضى نناكف ونستفز فى بعض على حاجة خلصت اساسا
نتعاااااون مع بعض عااالطوووول
وحتى اللى مش قادر وعلق جوه نفسه
يجى على نفسه شوية ويحاول يقتنع بالمرحلة اللى احنا على مشارفها ويكتم الكلمتين جواه عشان بس مايكونش عنصر فى عمل تفرقة
انا واثقة فى نفسى وانى متقبلة نتيجة الاغلبية اول ماسمعتها وتوقعتها من العدد اللى حوليا حتى لو حد معين قريبه منى حسيت انها مش مصدقانى وفاكرانى بستهبل وبتصنع ... اهم حاجة انى مقتنعة بده ومافيش حد حيعرفنى اكتر من نفسى ولا فى حد حيدخل فى نوايا الناس

انا خلصت بس حبيت انى اعلق على اللى حصل واللى ضايقنى وضايق غيرى من الكل
نتفائل ياجماعة ... ونتعاون مع بعض ونثق فى بعض احنا كلنا عايزين مصلحة بلدنا
نبقى صاحين برضو كلنا لكن مش على بعض ونهدى.
فى حاجات تانية مستنيانا وعايزة مننا مجهود وعمل
وانا متفائلة بأن البلد حتتصلح واحنا طبعا اكيد حناخد وقت بس احنا قدها ونقدر نعمل ده فى وقت قياسى

مصر فوق الجميع

اسفة على الاطالة

D.A
فتاة مصرية

من طرف nancy nabil الجمعة 25 مارس 2011, 11:27 am

متكبرى الخط شويه يا بنتى حرام عليكى هو موضوع ولا عذاب هههههههههههههههههه

بس عامة هو موضوع حلو بس انا بصراحه زعلانه لأن فى شيخ من الشيوخ قال أن اللى قالوا لا دول الكفار واللى قالوا نعم هم المسلمين !!!!!

من طرف **dandana ali** الأحد 27 مارس 2011, 2:27 am

دول المتشددين
يعنى انا كافرة فى نظرة مثلا هههههههههههه
والله حاجة غريبة وعييييب لما حد يطلع يقول كلام زى ده ويستهتروا بعقول الناس

ربنا يقدم اللى فيه الخير

نورتى التوبيك يانانسى

من طرف **سجده** الأحد 27 مارس 2011, 3:02 pm

عندك حق يا دندنه وكلامك جميل جدا وان شاء الله ربنا يصلح الاحوال ومفيش يا نوسه حاجه اسمها كفار ومسلمين في الموضوع ده يا حبيبتي كلنا مسلمين موحدين بالله ومفيش فرق بينا عند ربنا سبحانه وتعالي الا بالتقوي والعمل الصالح ربنا يهدي نفوسنا جزاكي الله خيرا يا دودي

بلاااااااااااااااا عنوااااااااان

بلاااااااااااااااا عنوااااااااان

رد: بلاااااااااااااااا عنوااااااااان

رد: بلاااااااااااااااا عنوااااااااان

رد: بلاااااااااااااااا عنوااااااااان