مش فاهم حاجه

من طرف ???? الجمعة 25 مارس 2011, 4:04 pm

لماذا تنكر الديمقراطيه الان ؟؟

ولماذا تطالبون بالديكتاتوريه ؟؟

طول عمركم بتقولوا حسنى مبارك بيزور الانتخابات

وطول عمركم بتقولوا ان كل حاجه مزوره

قلنا نلغى التزوير

وقولنا نعمل ثوره

فرضتم رأيكم علينا

سواء فى رحيل مبارك أو فى رحيل الفريق أحمد شفيق

وبعدها احتكمنا للصناديق

والشعب اختار نعم

طبعا العيال بتوع 6 أبريل وكفايه والجماعات دى قالولك لالالالا

وعرفوا انهم فعلا مالهومش قيمه ولا تأثير فى الشارع

ولما رجعوا يلعبوا على لعبتهم القديمه

ودخلوا انتخابات اتحاد طلبه

خسروا

وخسروا كتير جدا

ودى كانت أنتخابات نزيهه بشهاده الجميع

ليه بقى بتطالبوا بالديكتاتوريه الان ؟؟

الديمقراطيه أختارت والطلبه أختاروا ناس غيركم

انا مقتنع بشغلهم ومقتنع بيهم كأشخاص

مقتنع بفكرهم التحررى

مش عاوز ناس تخبط فى الحلل وتكلم فى السياسه كتير

أنا عاوز طالب فقط مهتم بالأمور الدراسيه

ومتجيش بقى توجع دماغى بلائحه طلابيه

انا واثق فى أنهم هيعملوها كويس لينا

ومتجيش ترفعلى قضيه على الأمن الجامعى

انا عاوو أمن يحمينى

ومتجيش تقولى رفض التدخل الأمنى

لازم يكون فى تنسيق وده لصالحنا

أحتكمنا للصندوق والطلبه أختاروا الأفضل

ليه أنت مقهور ؟؟؟؟

ليه انت زعلان

هذا هو سؤالى

إحنا كطلبه مش عاوزين حد من الإخوان ولا من 6 أبريل ولا من كفايه ولا غيره

ولا أحرار ولا مش أحرار

إحنا عاوزين زمايلنا اللى هيعرفوا يخدمونا واللى مش عاوزين مشاكل

والف شكر

والف مبروووووووووووووووووووووووووووووووووووووووك لكم الهزيمه يا بتوع السياسه

كمان ياريت تطوروا المنتدى ده لان مفيش حد بيدخله خلاص

ولا هيبقى فى زوار تانى

أوعدكم طالما انتم بتكلموا فى أمور بعيده عن أهتمام الناس وكل أهتمامكم بحاجت غريبه

وإن شاء الله ثورتنا هتنجح ومش هتقدروا تركبوا الموجه

كنتم فين وقت الثوره وقبلها ؟؟؟؟؟؟؟؟؟

جايين تكلموا ىف السياسه دلوقتى

عامة بالتوفيق لكل الأطراف

من طرف **سجده** الجمعة 25 مارس 2011, 6:57 pm

بجد كلامك ضحكني هو انت متعرفش ان المنتدي ده كان منبر من منابر الثوره اللي دعت ليها وايدتها ومازلنا نخدم الثوره وسنظل ان شاء الله ؟

لو متعرفش ممكن تراجع مقالات ما قبل الثوره والي الآن وكل مواضيعنا وانت هتعرف وبعدين هيا الديمقراطيه انك تقول مش عاوز لا اخوان ولا 6
ابريل ولا كفايه ولا غيره؟ عاوزين زمايلنا ؟ دي قمة الدكتاتوريه ورفض الآخر وفرض الرأي وعدم فهم الحريه وبعدين مش عاوزين طلبه

تتكلم في السياسه وتعملكم لايحه محترمه؟ عاوز طالب يهتم بالامور الدراسيه فقط ؟ يعني طالب لا يري لا يسمع لا يتكلم صم بكم عمي يعني والله

ده كلام ناس منتظر منها تبني بلد ؟ والله كلام يكسف وبعدين من جملك الاخيره اتضحلي انك مش بتكلمنا احنا اصلا انت بتكلم ناس تانيين مش

موجودين هنا وممكن تتاكد بنفسك وشكرا علي النصيحه ان شاء الله عندنا خطه لتطوير منتدانا وجزاكم الله خيرا

من طرف ???? السبت 26 مارس 2011, 1:50 pm

طيب ممكن تهدى اعصابك شويه

انا خايف عليكى بس من الضغط والسكر وكده

أنتى ليه عاوزه تفهمى الكلام اللى على مزاجك وبس

اولا انتى اللى ديكتاتوريه مش انا

انا بقول الطلبه مش عاوزين والأنتخابات تشهد

لكن انتى مصممه تفرضى رأيك على الناس أختاروا فلان

ولو أختارنا غيره يبقى إحنا مش فاهمين

طلعنا قولنا نعم للأستقرار فى الأستفتاء الاخير

طلعوا قالوا اللى قالوا نعم مش فاهمين

ليه ديما مفكرين أن هم بس اللى بتفهموا وإحنا لالالا

إحنا عاوزين طلبه غير مسيسين

طلبه محايدين

وبعدين إحنا بنحب الرئيس مبارك وضد إهانته

وعيب اوى كده

كفايه قلة أدب

وإحنا هنرد القلم 100 قلم والف قلم لكل واحد اهان رئيسنا

وبعدين هو فين المنتدى ده اللى أنتى بتقولى أن عندك خطه لتطويره

؟؟؟؟؟

فين الخطه دى

على فكره المفروض بيعلموكم فى الإخوان ان الكدب حرام صح ؟؟؟؟

من طرف **سجده** السبت 26 مارس 2011, 6:32 pm

ههههههههههه اه هو حضرتك من حزب مبارك ؟ وكمان بترد عنه القلم؟ طيب ربنا يوفقكم بس كان ممكن تعرفنا الكلام ده من الاول علشان نفهم واكيد بيعلمونا ان الكدب حرا م وبيعلمونا حاجات تانيه كتير هههههههههههه وان شاء الله هتشوف التطوير ومش هنحرمك منه ابدا

من طرف **dandana ali** الأحد 27 مارس 2011, 2:47 am

ههههههههههههههههههههههههههههههههههههههههههههههههههههههههههههههههههههههههههه
حترد القلم 100
تصدق انى خفت ههههههههههه خلاص انا حروح بكرة وابقى انتخب اللى تبعك هههههههههه

لا واضح ياسجودتى ان مش انتى اللى كنتى عصبية ومش انتى اللى حيجيلك الضغط والسكر

بس انا ازعل منك ياسجدة انتى ماتعرفيش ان الكدب حرام
لا لا لا انا كده مش حكلمك تانى هههههههههههههههه
تعصبك وتعديك فى الكلام التانى لحضرتك مش فى صالحك ووضح وجهه نظرك
انا كنت ناوية ارد على حضرتك انا طالبة برضو جامعية بس مش زيك ولا حكون
بس كلامك التانى رد وكااااااااااااااااااااااااافى وحلو قوووووووى

والتطوير حتشوفه بس مادام حضرتك مش عاجبك المنتدى اعتقد التطوير مش حيعجبك ههههههههههه
بس عجبتنى فى حكاية كنا فين وقت الثورة واضح انك تابع راااائع مش بتذاكر كويس ولا ايه؟؟
وواضح انك مش عايز طلاب مسيسين هههههههههههه

احب بس انى ابدى اعجابى بعنوان موضوع حضرتك
وتنبيه
ياريت يتم احترام الاعضاء اثناء المناقشة وعدم التعدى فى الاسلوب لأن ده ضد التحضر فى التحاور بالتالى ضد مبدأنا فى ادراة المنتدى هنا
وياريت يتم احترام ده

من طرف ???? الأحد 27 مارس 2011, 4:25 pm

هو فين المنتدى ده أصلا ؟؟؟؟؟؟؟؟؟؟؟؟؟

اتحداكى لو عديتى عشرين زائر فى اليوم ؟؟؟؟

هههههههههه

هو فين قلة الادب فى كلامى

أنا بقول انكم بتفشلوا فى كل شىء

وده واضح

انتم منتدى فاشل

وبعدين انا عاوز اعرف هو انتم شيوعيين ولا إخوان ؟؟؟؟؟

وبعدين مع احترامى

dandana ali

سجده

لو وراكم طبيخ روحوا شوفوه

game over

من طرف **سجده** الأحد 27 مارس 2011, 4:46 pm

جزاكم الله خيرا وسعداء انك متابع ممتاز لمنتدانا وبتدخل كل يوم تشوف مواضيعنا وترد وان شاء الله نكون عند حسن ظنكم

من طرف ???? الأحد 27 مارس 2011, 5:16 pm

على فكره مش هقدر اوعدك أنى أدخل كتير لأنى مش فاضى وبعدين انا مشترك فى منتديات تانيه مفيده

ونشيطه ومحتواها هادف

وبعدين هو أنتى ليه سبتى إخوان أون لاين وبتضيعىى وقتك هنا

هههههههههه

من طرف **القلب الطائر** الأحد 27 مارس 2011, 8:27 pm

استاذ طالب
اولا حضرتك كان ليك راى احترمناك جدا ونقاشناك بكل ادب وتحضر وانا كنت متابعة الموضوع من الاول بس ماحبتش ارد لكن لما يتعدى الكلام الحدود واشعر ان فية اهانة بتتوجة للاعضاء زمايلى وهما ازى اخواتى هل من الديموقراطية ان حضرتك تقول رايك بهذا اسلوب لو مش عجبك منتدانا وشايف انة فاشل طب دخلت لية قولت الكلام دة هنا ولية متابع عدد الزوار ولو عند حضرتك راى ممكن تعرضة واحنا بنتقبل الراى والرى الاخر بس نعرضة باسلوب لائق لكن دة كدا اعتقد حضرتك ماترضاش اختك حد يكلمها كدا فبجد لو فى اى ارى ممكن نقوة باسلوب تانى واعتقد ان حضرتك لاحظت رد الاخوات عليك ازاى كان فى قمة الاحترام والادب ولذوق والياقة وبعدين نتيجة الانتخابات ظهرت وربنا يوفق الجميع فى مكانة واتمنى ان مش اشوف الاسلوب دة فى الكلام تانى لو سمحت

من طرف **dandana ali** الإثنين 28 مارس 2011, 12:21 am

ههههههههههههه للدرجة دى احنا تعبناك قوى لدرجة انك تقولينى نروح نطبخ
معلش انا خلصت طبيخ ومذاكرة كمان
هههههههههههههههههه
وجيت ارد كمان

بس وقفك ضعيف وكل رد بتقوله بيضعفه زيادة ودليل اننا اقوى
وكلامك عن المنتدى اقولك ماضيعش وقتك معانا مادام المنتدى وحش
وبضم صوتى لقلب الطائر

لما تحب تنقض نصيحة منى واحنا طلاب زى بعض
ماتهربش من الموضوع وتحاول تخرج عن الموضوع الاصلى
وانا على فكرة ماقولتش ان كلامك قليل الادب
انا محترمة فى الفاظى وعارفة انا بتكلم بقول ايه

تحياتى

من طرف الطائر المهاجر الإثنين 28 مارس 2011, 1:57 am

أنت فعلا مش فاهم حاجه وانت مبتفهمش

شخص زباله زيك أيه اللى منتظر منه

انت فعلا إنسان مستفز ومتستحقش ان حد يناقشك

والاخوات غلطانيين جدا انهم أكلموا مع شخص حقير زيك

أنت واضح اوى انك بتاع حزب وطنى

ياريت تحترم نفسك وإلا هربيك

هو انت مفكر المنتدى مفيش فيه رجاله ولا أيه ؟؟؟

أنت مستفز فعلا

من طرف **k_I_A_S_B** الجمعة 01 أبريل 2011, 10:03 pm

يا جماعه انتم ليه بتردوا على واحد بيقول انه مش فاهم ؟؟؟

هو مبيفهمش يبقى عمره ما هيفهم

لأنه مش بيفهم أصلا

ولا عمره هيفهم

مش فاهم حاجه

مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه

رد: مش فاهم حاجه