أخويا فى كارثه

من طرف ???? الإثنين 23 أغسطس 2010, 8:18 am

السلام عليكم ورحمه الله وبركاته

أنا أسمى عماد

واخى يعانى من كارثه وللأسف أبى وأمى لا يعلمون

أنا فقط أعلم ولذم ضميرى يعذبنى جدا

أنا أعمل فى سايبر نت ليل ونهار قاعد على النت

واخويا معايا

وفجأه قرر يسافر

طبعا بعد لما دخل على شبكات الهجره وإعلانات السفر

عارفين قرر يسافر فين ؟؟؟؟

إسرائيل

للأسف هم هناك بيقبلوا المصريين وبيدوهم فلوس كتير جدا

وعيشه كويسه جدا

انا منكرش أن ظروفنا هنا صعبه جدا

انا تقريبا عاطل

عمرى 25 سنه واخويا مثلى عاطل وعمره 27 سنه

خريجين اداب وتجاره

أسره فقيره

ظروف الحياه صعبه جدا

دى مش مبررات عارف

بس هو اخويا بيقول كده

ولما كلمته قالى

انتى هتيجى تقولى أنا مروحش أسرائيل مش احنا موقعين أتفاقيات معاها وفى تطبيع ليه مروحش أشتغل هناك ؟؟

بجد لو أبويا أو أمى عرفوا

ممكن يموتوا فيها

للأسف هو بيكلم نات على النت

وبالفعل طلع جواز سفر

طبعا زى منتم عارفين مش بيروحوا من مصر على إسرائيل

الأول بيطلعوا فرنسا أو إيطاليا وبعدها على هناك

انا مش عارف اعمل إيه

بجد تفكيرى أتشل ومحتاج حد يساعدنى

ومقدرش أقول لأاهلى لأنهم بجد هيموتوا فيها

أنا نشرت مشكلتى دى فى كل مواقع النت

وكله كلام عادى

أدعى وانصحه الخ

بجد انا خلاص مش نافع معاه أى حاجه

أغرب جواب جانى واحد قالى بلغ عنه والشرطه تحميه من نفسه

بس مش عارف هل أصلا السفر لإسرائيل تعتبر جريمه فى القانون

مش عارف

لكن اللى أعرف أنه عار وجريمه فى دينا وفى اخلاقنا

مش عارف اتصرف معاه إزاى

السلام عليكم
بامانة مشكلتك صعبة انا اسفة ان بقولك كدا بس افتكر ان الحل الوحيد من وجهة نظرى انك تستخير ربنا فى انك تقول لاهلك ولو حلمت او حسيت انك تقولهم قولهم وهما يمنعوه حتى لو بالقوة وبعدين مشكلة البطالة دية مشكلة جيل باكمله وبعدين اسعوا وحاولوا وجربوا واتوكلوا على الله وادعوا قبل ما تفطروا ان ربنا يرزقك انت واخوك بشغل ويبعده عن السفر ويرحمك كمان من قلة الشغل بص اتوكل على الخالق وارمى حمولك علية والله والله مش هيسبك وربنا معاك

من طرف **لؤلؤة** الإثنين 23 أغسطس 2010, 1:16 pm

فعلا دى مشكلة بس عايزة ااقول ان مفيش حل غير انك تقول لاهلك يعنى بذمتك تقول لاهلك احسن وتحلوا المشكلة ودى ولا تبلغ عنة وتبقى فضايح وانت لما تبلغ عنه كدة اهلك مش هيعرفوا مفيش حاجة اسمها هيروحوا فيها بالعكس لو عرفوا متاخر هيلوموك انت ويقولولك انت السبب انك مقلتلهومش وخليتهم يدخلوا فى الوقت المناسب
وياربتلاقوا شغل بس عايزة ااقولك الشغل موجود بس المرتبات وحشة اوووى بس محش بيدا كبييير
طريق الالف ميل بيبدا بخطوة

من طرف **نوسة** الإثنين 23 أغسطس 2010, 2:10 pm

انا كمان من رايى انك تقول لاهلك لان هم بس اللى يقدروا يمنعوه بجد انا شايفة ان الشكلة صعبة وده حلها الوحيد وبعدين ما تقريبا الشباب تلاتة اربعهم مش لاقيين شغل لكن مش مبرر ابدا لحاجة زى كدة حاول كدة واحد واحدة توصل الموضوع لاهلك واكيد باذن الله هم هيقدروا يمنعوه وباذن الله تلاقوا شغل فى بلدنا او حتى فى اى بلد تانى الا اسرائيل

من طرف Engy الثلاثاء 24 أغسطس 2010, 2:43 am

استاذ عماد

لا شك ان مشكلتك محيره ....ولكن هل انت واصى على احوك
...زلقد عرفت من كلامك انه اكبر منك سنا واذا منعته انت لن يستمع لك ....فالاولى ان تستخير الله وان تبلغ والديك او من له سلطه على اخوك من اهلك ....ان السفر لاسرائيل او لأى دوله ف العالم ليس كارثه ...ولكن الكارثه الحقيقيه هى ما غرض اسرائيل من جذب شبابنا لها هذا هو ا لكارثه

خليه يدور على شغل ف بلده ولو ما اقتنعش استخير الله وبلغ والديك

أخويا فى كارثه

أخويا فى كارثه

رد: أخويا فى كارثه

رد: أخويا فى كارثه

رد: أخويا فى كارثه

رد: أخويا فى كارثه