يا أم الشهيد.قصيدتى لأمهات شهداء 25 يناير

من طرف ganna الأحد 10 أبريل 2011, 11:56 am

يا أم الشهيد يا أمنا يا ام مصر كلمه منى اسمعيها

أوعاكى راسك تنحنى يوم م الندم ولا تطاطيها
أوعاكى يوم يا أم البطل كلمة يا ريت مره تقوليها
يا ام الشهيد يا أم البطل
والله أبنك مات بطل والله أبنك عاش بطل ثورة بانيها
كل نقطه ف دمنا ليه جزء فيها
كل ثانيه ف حلمنا ليه فضل فيها
كل نسمه حره طايره ف أرضنا
ريح مسكه فيها
مصر هيا امنا مصر هيا حلمنا هنعيشه فيها
أبنك هناك فى جنته باصص عليها
روحه فى جوف طيره يطير بيها
نفسه يرجع تانى ليها
يقتلوه لو ألف مرة يفتدى ضحكة عينيها

عارفه يا أمه؟
موت أخويا مش هيقتل حلمنا
بموت أخويا مش هينزف دمنا
بموت اخويا مش هينقص عمرنا

موت أخويا ثورة حره لجل ما يعود النهار
لجل ما تعود الكرامة تجنى زهر الانتصار
لجل ما يكون الميدان رمز ثوره يكون مزار
بكره أحفادنا يزوروه
يقطفوا ورد الجناين و العيدان
يقولوا هنا مات جدنا
روحه حره طايره بتلف الميدان
بتقولهم...
على أرضه كنا ف كل وقت بنردد أذان
الله أكبر الله أكبر م اللى ظلم من كل روح عايشه ف جبان
قبل ما امشى يا أما لازم تعرفى
كلنا ولادك و أهلك كلنا سندك و ناسك
ليكى يا أما مننا بوسه على أيديك و بوسه ف وسط راسك