رد حركة 6 أبريل على حملات التشويه ضدها ...بنحبك يا مصر ..

من طرف 6 ????? الأحد 17 أبريل 2011, 5:05 am

حسينا كلنا بحزن شديد لما سمعنا حملات التشويه اللى بتحصل علينا كل يوم

وأسمحولى ان اتكلم بأسم شباب حركة 6 أبريل

لأنى بجد فى الحركه دى من فتره طويله وبجد بتشرف جدا انى فيها

طبعا دلوقتى فى ناس معينه بتقول أننا بيجيلنا تمويل من أمريكا وأننا بناكل كنتاكى هههههههههههههه

طبعا الناس دى مش عاوزه تاخد عبره من اللى حصل للحزب الوطنى

وكمان مش عاوزه تعرف انهم كانوا ضد الثوره وأننا طنشنا وعدناها بمزاجنا

بس الظاهر أن البعض عاوز يعمل تشويه ونزاعات وخلاص

عامة إحنا مش هنرد عليهم

لكن أنا نفسى فى حاجه

يبقى كلنا هدفنا حب البلد دى

ونحب مصر جدا

بدل لما نقعد نشتم فى بعض ونطلع عيوب بعض ليه منشتغلش فى حب مصر

وانا هنقل ليكم الرد الرسمى لشباب الحركه

ده البيان الرسمى لينا

تتعرض حركة شباب 6 أبريل وعن عمد لحملات مكثفه من التشويه الإعلامي من
مصادر متفرقة سواء داخليا أو خارجيا.سعياً للتشكيك في نزاهتها وتفريق
أعضاءها. بزعم تلقي الاعضاء تمويل خارجي أو نشر صفحات مزيفه تحمل اسم
الحركه. وهذه الحملات لن تشغلنا عن تحقيق أهدافنا وإنما تقوي من عزيمتنا
وتزيدنا إصراراً.

وننوه
أن الحركة قد اعتمدت منذ نشأتها علي شبابها وأهل شعب مصر العظيم .وعلي
اشتراكات الأعضاء، والتبرعات العينية من شرفاء الشعب المؤمنون بقضيته، و
ليس على أي عناصر أو جهات خارجية ( عربية كانت أو أجنبه ) وبأي صورة. لانتا
حريصون منذ البداية عن البعد من أي آفة تثير الشبهات ,نحن نؤكد أن شباب 6
أبريل لم نتلق أي دعم مادي من أي جهه أيا كانت

و يأتي هذا في سياق
نفي وتكذيب ما نُشر صحيفة "نيويورك تايمز" يوم الجمعة الموافق 15 أبريل
بمقالها – فيما يخص حركة شباب 6 أبريل والذي يوصف بأنه مقالا للرأي وليس
خبراً وشتان بينهما - حيث تم تشويه الحقائق بأشخاص لا ينتمون للحركة ونشطاء
مفصولين ومستقلين عنها، بأقوال نسبت إليهم باسم الحركة. وتداولت أيضا
أنباء غير مدعمة بأسماء أو وقائع تحمل علي تصديقها مثل وثيقة ويكيليكس
المجهولة وغيرها من الأخبار الواهية.

ونذكر أن ما نشر يتعارض تماما
مع موقف الإدارة الأمريكية بتصريح وزيره خارجيتها " هيلاري كلينتون " يوم
26 يناير بقولها ( أن الوضع في مصر مستقر وأنهم يثقون في نظام مبارك
المستقر). و اعلنت ثقتها فى نظام مبارك , و بينما تبدأ هذه الايام
استعدادات الانتخابات الامريكية الرئاسية فى أمريكا و الديمقراطيين بحاجة
الي اي رصيد يدعمهم خارجيا او داخليا وتلميع صورة باراك اوباما و اظهاره
للرأي العام الامريكي بصورة الداعم لنشر الحريات و الديمقراطية فى العالم
,ستبقى أمريكا كما هى, تحاول إيهام العالم أنها مسيطرة بشكل تام, فالثورات
العربية كسرت الوهم وأحدثت زلزال المفاجأة

لذلك ندعو كافة وسائل
الأعلام بتحري الدقة فيما تنقله عن الحركة وأخبارها ,و هذا المقال المنشور
في صحيفة "نيويورك تايمز" ,قد نقله الموقع الاخباري "اليوم السابع "
كخبر منشور في الجريده وليس مقالا –سواء جدث ذلك بحسن أو سوء نية – فإننا
نكذب ما ورد بمضمونه. وندعوا موقع اليوم السابع لتحري الدقه .وتأكدو أن
الاصرار و الاعتماد على الله ثم على شعبنا المصري الواعي الثائر .هو الذي
يصنع الحرية وليس من خلال اي شيء آخر او الاتكال على قوى خارجية كانت تقف
مع نظام مبارك بشكل معلن طوال الوقت

كما نؤكد أننا سنقاضي أي وسيله
اعلاميه تحاول تشويه سمعتنا بنشر أتهامات بدون أدله وسنقاضي كل من يصدر
اتهامات باطله بدون أدله ,كما نطلب من الجميع كل من لديه أدله علي اتهامات
يقدمها فوراً علي ما يدعيه إلي النائب العام. فلن نتهاون فيمن يحاول
الزج بصورتنا والاساءه بنا

وفي هذا السياق نعلن ان هناك بعض الأشخاص
يحاولون تشوية صورة الحركة داخليا فقد لوحظ فى الآونة الأخيرة إنتشار بعض
الصفحات و الجروبات التى تدعى تمثيلها لحركة شباب 6 إبريل و تستخدم شعارات
الحركة
و لذا وجب التنبيه على الجميع مع عدم التعامل مع اى جروبات او
صفحات الأ ما هو منشور في هذا البيان ,كما نتمنى للحركات الشبابية الوليده
التي خرجت من تحت حركة شباب 6 أبريل المنافسة القوية الشريفة في خدمه الوطن
وتحقيق آمال شعبه

و لأننا اخترنا , بكامل التصميم و الارادة و عشقا
للوطن , السير فى طريق الاشواك الاصعب ومواجهه القمع والاعتقالات
والأهانه من نظام مبارك, لم نسعى فى يوم لكسب شهره او سعى وراء مصالح شخصيه
ولم ولن نلتفت لهذه التفاهات المغرضه لاننا الان نسعى لاكمال مشورنا الذى
بدانا منذ 4 سنوات وحاربنا نظام فاسد باكمله من اجله وهو السعى وراء مستقبل
افضل لمصر ونوضح أن طريق الصمود علي المبدأ هو طريقنا .. لذلك من الطبيعي
ان نواجه الكثير و الكثير من حملات تشويه اعلامية من مصادر متفرقة,
فالطريق الذي من خلفنا كان هو الطريق الصعب و ما بقى هو الطريق الاطول فى
سبيل تحقيق الحلم الرائع .حلم بناء وطن حر

صفحاتنا الرسمية التي تنشر عليها اخبارنا بإستمرار هي :

الجروب الرسمي للحركة

الصفحة الرسمية للحركة علي الفيس بوك

صفحة اللجنة الاعلامية للحركة

أرقام للتواصل:
0102864919
0105805657
0196458521
0100744666

تحيا مصر و عاش المصريين
شباب 6 ابريل .. شباب بيحب مصر

على فكره انا شوفت الموضوع اللى نازل هنا فى الموقع اللى واحد منزله وانا ضد الحذف خليه يكتب وإحنا لينا رد واضح
وكمان لينا شغل هنبدأه وياريت كله يساعدنا سواء شباب بيحبوا 6 أبريل أو شباب حزب الجبهه أو شباب مستقلين أو شباب حزب الحريه والعداله وجماعة الإخوان

كلنا شباب بيحب بلده وعاوزين نرد ليها الجميل

بنحبك يا مصر ومستعدين ندفع التمن
حركة شباب 6 أبريل

سما

من طرف **dandana ali** الأحد 17 أبريل 2011, 12:43 pm

سما نورتى بالتوبيك
وبشكرك على انك متواصلة معانا ونزلتى رد بأسم حركة 6 ابريل

ونتمنى ده دايمااا ان يكون فى تواصل

جزاكى الله خيرا

وانتم مصدر فخر لينا
واكيد فى حملات تشوية حتحصل ليكم زى اللى حصلت فى اللى قبلكم
وده عشان زعزعة الاستقرار
بس المفروض ننتظر ونتحقق من الاخبار عشان البلد ماتتخربش
بس انتم غير اى حد لأنكم غير قابلين للتشكيك لأن اللى نزل فى الثورة من البداية ولم يخشى احد
وكان بمثابة شرارة وكل من انضم اليكم منذ بداية الثورة خارج نطاق التشكيك

شكرا مرة اخرى

من طرف ???? الثلاثاء 19 أبريل 2011, 1:07 am

أولا أنا مش فى حركة 6 أبريل وبنتقضهم فى حاجات كتير وبختلف معاهم

لكن بجد من الحوار الدائر عن 6 أبريل كل اللى بيدخل ينتقدهم بيقول حاجه واحده بس ...بيقول إن 6 أبريل دى وحشه لأن فيها مسيحيين !!!

هو المسيحيين دى شتيمه مثلا ؟؟

هل أحنا مش مصريين

هل إحنا مشاركناش فى الثوره دى ؟؟

ملناش نصيب فى البلد دى ؟؟؟

نسيبها ونهاجر بره ؟؟

سؤال واحد بس لكل المصريين المسلمين اللى هنا

إذا كان فكر الإخوان والسلفيين هو ان المسيحيين ووجودهم فى منظمه مثل 6 أبريل هو شىء يعيبها فهل هذا هو فكر الإسلام ؟؟

أنا متاكده ان الإسلام بيقول حاجه تانيه خالص

وان رسول المسلمين محمد لو عايش الان لن يرضى عن هذا الفكر من الإخوان والسلفيين

وأسفه على صراحتى الزياده

بس بجد إحنا كمسيحيين بنحب مصر ومستعدين نستشهد فى سبيلها ويارب بإسم المسيح أحمى مصر من كل فتنه

من طرف bolbola الثلاثاء 19 أبريل 2011, 12:32 pm

والله يجماعه الدنيا بقيت مطلخبطه فى بعضها السلفيين والاخوان والعلمانيين واللبراليين والاسلاميين واحزاب معارضه و6 ابريل وشباب ائتلاف الثورة وكل بيخبط فى كله وكل فكر يشوه الفكر الآخر والحياة السياسية بقت على رأى المثل سمك لبن تمر هندى بس مش عارفه دا فى صالحنا ولا ضدنا بقى الله اعلم

رد حركة 6 أبريل على حملات التشويه ضدها ...بنحبك يا مصر ..

رد حركة 6 أبريل على حملات التشويه ضدها ...بنحبك يا مصر ..

رد: رد حركة 6 أبريل على حملات التشويه ضدها ...بنحبك يا مصر ..

رد: رد حركة 6 أبريل على حملات التشويه ضدها ...بنحبك يا مصر ..

رد: رد حركة 6 أبريل على حملات التشويه ضدها ...بنحبك يا مصر ..