الكتاتنى يعلن انضمام المسيحيين لحزب الإخوان

من طرف الشروق الأحد 17 أبريل 2011, 3:32 pm

صرح الدكتور محمد سعد الكتاتني، وكيل مؤسسي حزب الحرية
والعدالة، الذي ينتظر أن يمثل جماعة الإخوان المسلمين سياسيا، أن الحزب
يرحب بانضمام المرأة والمسيحيين لعضويته، مؤكدا أن الحزب فتح مقاره في جميع
المحافظات لمن يرغب في الإطلاع على البرنامج أو تسجيل بيانات العضوية.

وكانت
جماعة الإخوان المسلمين قد حولت مقار كتلها البرلمانية، وكذلك عددا من
مقار نوابها السابقين في برلمان 2005 إلى مقار للحزب الجديد، وقالت إنها
تنوي فصل الحزب إداريا وماليا وتنظيميا بصورة كلية عن الجماعة، وأشارت إلى
أن جميع المناصب داخل الحزب ستكون بالانتخاب، بما يمنح جميع الأعضاء فرصة
متساوية في تولي القيادة، على أن يلتزم الجميع بالمرجعية الإسلامية التي
سيشكل الحزب على أساسها، ويتوافق مع توجهات الجماعة.

يذكر أن
الدكتور محمد بديع، المرشد العام للإخوان المسلمين، كان قد شدد في تصريحات
صحفية أن حزب الحرية والعدالة هو الحزب الوحيد الذي سيعبر عن الجماعة، ولا
يجوز لأيٍّ من أعضائها إنشاء أو المشاركة أو الانضمام إلى أيِّ حزبٍ آخر.

من طرف **عذاري** الأحد 17 أبريل 2011, 8:41 pm

يسلموووووووووووو

جزاكي الله خيرا

من طرف فاروق المصرى الأحد 17 أبريل 2011, 9:41 pm

عاوزين برنامج الحزب لو سمحتم

وخطوه كويسه أنه يخلى اخوه مسيحيين فى الحزب وده نقطه إيجابيه تحسب لصالح الإخوان حتى نكون بنقول اللى لينا وعلينا مش نقد وخلاص

لكن حكاية انهم كانوا بيقولوا انهم هيشاركوا ب 30 فى الميه ورجعوا خلوها 49 دى اللى خنقتنى منهم بصراحه انهم راجعوا فى كلامهم

من طرف **سجده** الأحد 17 أبريل 2011, 10:07 pm

ليك حق تتخنق يا بشمهندس

بس الاخوه وضحوا النقطه ديه في الاعلام

وقالوا ان انت علشان تحاول تحقق نسبه معينه لازم تدخل بنسبه اكبر لان مش كل اللي هترشحه هينجح ا

وبالتالي انا لو دخلت ب49 %مستحيل ينجحوا كلهم لكن في النهايه بنسعي الي نسبة نجاح 30% او 35% وبكده الكلام متغيرش لان الحسبه هتبقي هيا هيا

أخى فاروق عندك حق فعلا تغيير النسبه كان خطأ سياسى وكان سوء تقدير ونحن جماعه نصيب ونخطأ وننتظر النقد لانه يفيدنا

جزاك الله خيرا

من طرف أمة الله الأربعاء 20 أبريل 2011, 1:17 pm

وكيف تضم الإخوان نصرانيا فى حزب أقامته لتطبيق شرع الله تعالى ؟؟

اليست هذه بمغالطه وتناقض صريح ؟؟؟؟

من طرف بنت بورسعيد الثلاثاء 26 أبريل 2011, 3:11 am

ايه هى المغالطه ان يبقى فى واحد مسيحى فى حزب الإخوان هو مش حزب لمصر كلها ولا حزب دينى للمسلمين بس ؟؟!!!!!!!!!

من طرف أمة الله الثلاثاء 26 أبريل 2011, 7:21 pm

مش الحزب لخدمة دين الله وخدمة الإسلام ؟

ازاى النصرانى هيخدم الإسلام ؟؟؟

الا ترين فى هذا تناقض يا أختى

ثم إن أسمه نصرانى وليس مسيحى

كلمة مسيحى لا يجوز ان نقولها فهى لم تذكر فى القران ولكن نصفهم كما وصفهم القران

نصارى

من طرف بنت بورسعيد الخميس 28 أبريل 2011, 4:12 pm

ليه لا يجوز اننا نقول مسيحى
؟؟

هو أى حاجه متذكرتش فى القران منقولهاش

أمال انتى بتقولى ملتقى العقول ليه

هو اتذكر فى القران ؟؟

وبعدين مش الحزب معمول علشان الإصلاح يبقى خلاص أى حد هيفيد البلد يدخله

هو الحزب هيطبق الشريعه ؟؟

لو كده يبقى انتم فاهمين معنى الحزب غلط

ولو كده يبقى فعلا تناقض المفروض الحزب يكون إخوانيين بس طالما حزب الإخوان !!!

الغريبه ان الإخوان هنا فى المنتدى شايفين كلامك ومش بيردوا

أه لحسن يزعلوكى ويشقوا صف الإسلاميين صح ؟؟

من طرف الطائر المهاجر الأحد 01 مايو 2011, 2:17 am

حضراتكم مش فاهمين يعنى ايه حزب أصلا ؟

حزب معناه مجموعه من الناس شايفه وجهة نظر إصلاحيه معينه فى الأقتصاد والسياسه الخ

بتبدأ تحط برامج لوجهة النظر دى وتحول الأفكار لواقع ومعنى كده أن ممكن الحزب ده يبقى فيه أى حد مسلم او مسيحى

لكن اهم حاجه ان المرجعيه والاداب اللى بتحكمه تكون هى مرجعيتنا الإسلاميه

لكن الحكم وتطبيق الشريعه هم صفات للسلطه التنفيذيه والسلطه القضائيه

أرجو عدم الخلط

الكتاتنى يعلن انضمام المسيحيين لحزب الإخوان

الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان

رد: الكتاتنى يعلن انضمام المسيحيين لحزب الإخوان