المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

من طرف ???? الأربعاء 20 أبريل 2011, 6:18 pm

مساء الخير

عاوز بس أسأل شوية أسئله وياريت أسمع إجابات سواء من شباب الثوره أو من أى اتجاه يرد عليا لأنى فعلا مش بفهم فى السياسه بس إحنا كلنا دلوقتى مهتمين بالسياسه غصب عننا مش بمزاجنا

1- يعنى ايه دوله إسلاميه مدنيه مرجعيتها الإسلام ؟؟؟ يعنى مثلا هيطبق الحدود علينا وأنا مسيحيه لازم البس الحجاب بتاع المسلمين ؟؟

2- يعنى ايه جزيه ؟؟ وهل إحنا هندفع الجزيه ؟؟؟ وليه المسلمين والمسيحين ميدفعوش ضرايب ؟؟ ليه إحنا ندفع فلوس زياده ؟

3- هل مش من حقنا أننا نتعين فى المناصب العامه يعنى لو طلعت الأولى على الكليه مش هتعين معيده ؟؟

4- يعنى ايه مش من حقنا ندخل الجيش ؟ يعنى اخويا مش من حقه يبقى ظابط فى الجيش المصرى مع أنه مصرى بس علشان هو مسيحى ؟

5- هل ليس من حقنا أننا نبنى كنايس حتى لو كنايسنا وقعت أو عددنا زاد مثلا ؟

6- هى هيبقى إسمها الدوله الإسلاميه طيب لو بقيت كده طيب المسيحى هيفقد جنسيته ؟؟؟ لأنه مش مسلم هو مسيحى مصرى ؟؟

7- قرات أن الدوله الجديده هيبقى فيها حاجه أسمها أهل المشورى أو اهل الحل زى السعوديه كده وبكده طبعا البرلمان بح ومش هيبقى لينا حق فى دخول مجلس الشعب أو هيبقى فى واحد بيمثلنا بس بيدافع عن حقوقنا ...يعنى من الأخر إحنا الطائفه المزمومه فى المجتمع ..

8- أخر سؤال هو أنتم كمسلمين هتقولوا امتى أننا مسيحيين ...هل إحنا نصارى ولا مسيحيين ولا أقباط ؟؟ ولما تنادونا تنادونا بما نحب ولا بما ترون ؟؟؟

من طرف **سجده** الخميس 21 أبريل 2011, 12:36 pm

مساء الفل يا جوجو

الأول نورتي المنتدي

وإن شاء الله تشاركينا علي طول

بصي يا ستي اسئلتك حلوه بس قبل ما اجاوبك علي قد ما اقدر وأفهم عاوزاكي تعرفي انك في بلدك وحقوقك هيا حقوقنا ومفيش حاجه هتتغير

بالعكس احنا بدأنا عصر الحريه وعصر الكرامه ان شاء الله وكلنا مع بعض كل اهل مصر هنعمرها وأكيد حياتنا هتبقي احسن وأفضل وأكرم

.

احنا طول عمرنا عايشين مع بعض في مصرمسلمين ومسيحيين مصر هيا هيا ومسلمين مصر اللي انتم عايشين معاهم تحت ظل شريعتهم السمحه الكريمه اللي بتضمن ليكم الحريه والحمايه مش هيا هيا وبس لا ده النظام القديم حاول مرارا ان يبث روح الفرقه والفتنه بيننا ودلوقتي اتخلصنا منه كلنا مع بعض مسلمين ومسيحيين ومش فاضل غير اننا نظهر سماحة هذا الدين واخلاقه العظيمه في كل شئ

.

يعنى ايه دوله إسلاميه مدنيه مرجعيتها الإسلام ؟؟؟ يعنى مثلا هيطبق الحدود علينا وأنا مسيحيه لازم البس الحجاب بتاع المسلمين ؟؟

-

الدولة المدنيه اللي مرجعيتها الاسلام اللي هيا مصر اللي طول عمرك عايشه فيها ودستورها مادته التانيه بتقول ان الشريعه الاسلاميه مصدر التشريع .هيا هيا مصر بلدك بس للأجمل والأفضل بدون قيود وظلم وطغيان وبحريات ليكي وحقوق وحمايه وامان .

يعني دولة ليها رئيس وبرلمان فيها تداول للسلطه بشكل رسمي وتحترم الحريات وحقوق الانسان من حق الشعب انه يختار رئيسه ويعزله اذا خالف دولة تحترم القوانين والأديان وحق المواطنه وتفصل بين السلطات . ويكون مرجعيتها الاسلام السمح اللي بيحترم جميع الأديان والذي امرنا باحترام المسيحيين ومعاملتهم بالحسني فيقول عز وجل "«لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ

»

والبر هو الاحسان والقسط هو العدل

الشريعه الإسلاميه بتحترمك وتحترم حريتك وبتحمي كنائسك وحريه ممارسة عبادتك وتضمن لكي حق الإحتكام غلي شرائعك

يعني مفيش حاجه اسمها انك تلبسي الحجاب او يفرض عليكي الاسلام ولا الكلام العجيب ده ابدا انتي مسيحيه ولكي دينك وعبادتك

.

2-

يعنى ايه جزيه ؟؟ وهل إحنا هندفع الجزيه ؟؟؟ وليه المسلمين والمسيحين ميدفعوش ضرايب ؟؟ ليه إحنا ندفع فلوس زياده ؟

الجزيه ديه ضريبه سنويه بمقدار زهيد كان بيدفعها الشاب اليافع القادر علي القتال من غير المسلمين مقابل الحمايه والدفاع عنه ومقابل تقديم الخدمات العامه. لانه نظرا لكونه غير مسلم كان لا يشترك في جيش المسلمين.وكان يعفي منها النساء والاطفال والشيخ الفاني والمجانين المغلوبين علي عقولهم والرهبان واصحاب العاهات .وكانت مبلغا زهيدا بالنسبه لما يدفعه المسلمون من زكاة وصدقه .وقد دفعها المسيح وامر بدفعها لقيصر. ده تعريف الجزيه

وبالنسبه لعندنا في مصر المسلم والمسيحي في الجيش يدافعان عن وطنهم معا ويضحيان معا فلا وجود للجزيه اساسا .

3-

هل مش من حقنا أننا نتعين فى المناصب العامه يعنى لو طلعت الأولى على الكليه مش هتعين معيده ؟؟
هههههههه مين قال كده؟ دا انتي تتعيني معيده وعميده وحقي هو حقك ومصر بلدك وبلدي والحياة الجايه فيها أكيد هتبقي أرقي بإذن الله .

ومتنسيش اننا عندنا اساتذه ومعيدين مسيحيين كتير ومفيش حاجه هتتغير .
4-

يعنى ايه مش من حقنا ندخل الجيش ؟ يعنى اخويا مش من حقه يبقى ظابط فى الجيش المصرى مع أنه مصرى بس علشان هو مسيحى ؟
إزاي اخوكي مش من حقه يدخل الجيش؟ هو اخوكي مش مصري ؟ومن حقه انه يدافع عن نفسه وعن وطنه؟وهيا مصر دي مش بلد يعيش فيه المسلمين والمسيحيين جنبا الي الي جنب لهم نفس الحقوق والواجبات كما علمنا الاسلام والجيش المصري بالفعل به المسلم والمسيحي؟

انتي تعرفي ان في الفتوحات الإسلاميه كان فيه قبائل مسيحيه تدخل وتحارب مع الجيوش الاسلاميه وسالمتهم وكانت تأخذ نصيبها من الغنائم؟ فكيف بأبناء الوطن الواحد؟ الذين لهم نفس الحق؟

5-

هل ليس من حقنا أننا نبنى كنايس حتى لو كنايسنا وقعت أو عددنا زاد مثلا ؟
تعرفي ان سيدنا عمر بن الخطاب رضي الله عنه رفض ان يصلي باحدي كنائس بيت المقدس بعدما فتحها حفاظا علي حقوق المسيحيين؟ وقال لهم (خشيت ان يغالبكم عليها المسلمون من بعدي)

وعندما هدمت كنيسه اطفيح تم بناؤها من جديد . وبعدين الكنائس في مصر كثيره ومنتشره في كل بلد وبمساحات واسعه وتمر بمراحل تجديد الآن ولم يمنعها احد .

والتعرض للكنائس ليس من الاسلام والدليل هو بقاء الكنائس منذ وقت الفتوحات الاسلاميه حتي الآن .وكان رسول الله صلي الله عليه وسلم والخلفاء الراشدين يحذرون من هدم الكنائس وقتل الابرياه واقتحام الكنائس علي الرهبان .

6-

هى هيبقى إسمها الدوله الإسلاميه طيب لو بقيت كده طيب المسيحى هيفقد جنسيته ؟؟؟ لأنه مش مسلم هو مسيحى مصرى ؟؟
هيا بلدنا مصرمهما اختلفت المسميات وتعددت المصطلحات فمصر دوله مدنيه مرجعيتها

الاسلام الذي يعيش فيه المسلمين مع غير المسلمين ويضمن حمايتهم ورعايتهم واحترامهم واحترام حقوقهم .

واحترام حقوق المواطنه فانا مصريه وانتي مصريه والدين لله والوطن للجميع .

يعني أن كافة أبناء الشعب الذين يعيشون فوق تراب الوطن سواسية بدون أدنى تمييز قائم على أي معايير تحكمية مثل الدين أو الجنس أو اللون أو المستوى الاقتصادي أو الانتماء السياسي والموقف الفكري،

7-

قرات أن الدوله الجديده هيبقى فيها حاجه أسمها أهل المشورى أو اهل الحل زى السعوديه كده وبكده طبعا البرلمان بح ومش هيبقى لينا حق فى دخول مجلس الشعب أو هيبقى فى واحد بيمثلنا بس بيدافع عن حقوقنا ...يعنى من الأخر إحنا الطائفه المزمومه فى المجتمع ..
ما هما اهل الشوري والحل والعقد دول المقصود بيهم الرئيس ومجلس الشعب والشوري وكبار العلماء وقادة الجيش وكبار القضاه وكبار الباحثين في شتي المجالات .ويضموا كل ابناء مصر مسلمين ومسيحيين

.
8- أخر سؤال هو أنتم كمسلمين هتقولوا امتى أننا مسيحيين ...هل إحنا نصارى ولا مسيحيين ولا أقباط ؟؟ ولما تنادونا تنادونا بما نحب ولا بما ترون ؟؟؟

ما انتم اسمكم مسيحيين فعلا ولما نناديكم هناديكم بما تحبون وطالما تحبون المسيحيين فانتم مسيحيين

ولكن ما معني نصاري؟ واقباط ؟

لو جينا للنصاري :هنلاقي ان السيد المسيح من مدينة نصران او الناصره وهي قرية بالشام والنصاري جمع نصران وسمي أتباع سيدنا عيسي نصاري نسبة لبلده وقيل لانهم ناصروا بعضهم بعضا .

إذن اللفظ لايسئ وليس به اهانه بالعكس هو نسبه للمسيح الناصري .

اما كلمة قبطي مالهاش علاقه بالديانه المسيحيه لأنها أطلقت علي سكان مصر عند دخول الاسكندر الاكبر .

وأطلق علي مصر قبط وعلي المصريين أقباط

إذن هذا الاسم لا علاقة له بالمسيحيه وكان يطلق علي كل المصريين .

عاوزه اقولك بس متخافيش من المصطلحات الجديده اللي ممكن تسمعيها لكن خدي كل مصطلح وحاولي تفهمي هو يقصد ايه ومعناه ايه لان حياتنا اتغيرت دلوقتي ومن حقنا نشارك ونفهم كل حاجه .واعرفي انك في بلدك وانك المفروض في الحياة الجديده الي بنامل اننا نعيشها في مصر كل شئ هيبقي أفضل وكل الحقوق المسلوبه هترجع وهنكون ارقي وأحسن ان شاء الله .

والإسلام بيحترمك وبيحترم حقوقك وحريتك ودينك وكنائسك وهو دين سمح عدل حنون راقي إلي أبعد الحدود

ومتحرميناش من مشاركاتك

وفي انتظار ردود جميع الاعضاء .

من طرف **dandana ali** الخميس 21 أبريل 2011, 12:39 pm

جوجو مرحبا بيكى ياقمر

واتمنى انك تكونى عضوة معانا كمان وتنضمى للمنتدى بأرائك

انا ليا عودة بأذن الله فى الرد مع انى شايفة سجدة ردت
بس بعتذر عن تأخيرى ومضطرة اطلع دلوقتى
حرد عليكى قريب بأذن الله

من طرف heba الجمعة 22 أبريل 2011, 2:09 pm

حوحو اهلا بك في المنتدى
سجده ما شاء الله عليكي
ردك وافي ويوضح رأينا بطريقه واضحه
ويوضح أن الشعب الممصري بقطبيه المسلمين والمسحييين
هو الطريق للحريه والعداله
وكل سنه والأخوه المسحيين وهم طيبين بمناسبة الأعياد

من طرف فاروق المصرى الأحد 24 أبريل 2011, 12:05 am

المسلمين والمسيحيين طول عمرهم أخوات ومحدش هيقدر يفرق بينا إن شاء الله

لكم دينكم ولى دين

من طرف **dandana ali** الأحد 24 أبريل 2011, 12:55 pm

بصراحة سجدة كفت ووفت بردها

جوجو
كل سنة وانتى طيبة ياحبيبتى وعيد قيامة سعيد ويعيد عليكم الايام بخير

وانا بضم صوتى للاعضاء الكرام احنا واااااحد ولازم نبقى كده عالطول
واكيد انتى كنتى بمتابعة الثورة وشفتى الروح المصرية الجميلة

سلام ياقمر

من طرف **k_I_A_S_B** الأحد 24 أبريل 2011, 9:19 pm

الى عزيزتى كاتبة الأسئله

انا أرى ان الضروره الحتميه للظرف تحتم علينا ...أن نكون واضحين مع بعض
ومصر الان تمر بمرحله حرجه جدا لذا فلو رديت ردود دبلوماسيه قد أكون خنت الحق وأضررت بمصلحة وطنى

وطالما الأسئله فى ذهنك فهى فى ذهن معظم الأقباط وعاوز أقول شوية حاجات لأن سجده ردت وأنا متفق مع إجابتها بس ليا كم ملحوظه

أولا انا كمسلم أرى أنك كمسيحيه على خطأ وأن عقيدتك ليست صحيحه وأنتى ترين أننى كمسلم خطا وانى عقيدتى ليست صحيحه فأنا لا أعترف بصلب المسيح لأن هذا يخالف جوهر دينى وإسلامى وأنتى كمسيحيه لا تعترفين بسيدنا محمد انه رسول من عند الله ولو أعترفنا نحن الاثنين بذلك فلم نحن على ديانتين مختلفتين كان سيكون الدين واحد فقط وتكونى انتى مسلمه واكون انا مسيحى فهذا أمر مسلم به عندى وعندك ولكن

الإسلام يرى أنكى لكى حقوق عندى ...زهذه الحقوق يفرضها على دينى وإسلامى و أنا لن أعدد كثيرا فأنتى أكيد وأن سمعتيها كثيرا جدا وليس هذا هو المجال لأن البعض لا يفرق بين حقوق المسيحى لدى المسلم التى يفرضها الإسلام عليه مثل الأحترام والود وحق الجار وحق الرحمه الخ والتى لو خالفتها كمسلم سيعاقبنى الله عز وجل على التفريط فيها وبين حق الوطن بينى وبينك فأنتى مصريه لكى حقوق وا عليكى واجبات

وأكبر دليل على أن هناك فرق هو موضوع الجزيه الذى فتحتيه

ففى الإسلام لا نفرض على غير المسلم ان يدخل الجيش فلو أخوكى مش عاوز يحارب وخايف يمويدفع مبلغ بسيط ويطلع من الجيش ( شوفتى أحستن من كده ) ودى الجزيه اللى عمالين يصوروها كأنها أستعباد لغير المسلمين !!!

لكن فى الوطن مصر مفيش دلع من ده يا اخت جوجو ...لو أنا الرئيس واخوكى رفض يدخل الجيش انا هسجنه بالحكم العسكرى

يعنى فى الحالتين هو واخد حقه بس الإسلام دلعه شويتين

وأنا بقى شايف أنها مش هتفرق لأن أخوكى اكيد عاوز يدخل الجيش ويدافع عن مصر لأنه أكيد راجل وطنى طبعا

أما موضوع أنك تذاكرى وتطلعى الأولى ونرفض تعيينك لأنك مسيحيه فهذا ذنب عندنا ...يعنى ربنا هيعاقب المسلم اللى هيظلمك ويرفض منحك حقك ودى شريعة الإسلام وده عدل الإسلام أما بقى لو انتى خايفه من كده فدى خيابه منك لأنك هيبقى ليكى عضو مجلس شعب فى البرلمان سواء مسلم أو مسيحى هو هيجيب ليكى حقك لو أتظلمتى واظن الواسطه والكوسه كانت موجوده فى النظام السابق وكان فى ناس مبتتعينش وهى مسلمه علشان معندهاش واسطه وكان فى ناس مسيحيه بتتعين بالواسطه والعكس صحيح ....يعنى أهم شىء ان يبقى فى قانون عادل فلو قولنا ان الإسلام يرفض الظلم فنحن لن نكتفى بضمير كل شخص بل يجب ان يكون هناك قانون رادع وعادل

اما بقى نظام البرلمان حرام وبدعه والدجل ده ....فهذا الكلام عندك حتى فى الكنيسه هتلاقى قساوسه بيقولوا ان الديمقراطيه حرام وأن مجلس الشعب بدعه وهؤلاء لا يعبرون عن الدين الصحيح وليس كل من قال أنه مسلم فهو يتحدث بأسم الإسلام لأن الرجال تعرف بالإسلام والإسلام لا يعرف بالرجال

نورتى المنتدى

من طرف ???? الإثنين 25 أبريل 2011, 2:58 am

أنا سعيده جدا بكلامكم يا جماعه

وبجد ميرسى أوى فى كلامكم الجميل ده

وبصراحه بشكر سجده لأان ردودها واضحه ومش زى اللى بيلفوا ويدوروا وبتطلع الكلمه بسهوله

وبشكر د خالد على صراحته وكده دى أخرتها يا دكتور خالد عاوزن تسجن الواد أخويا اللى حيلتنا هههههههههههه

وانا فعلا كان نفسى أشترك معاكم بس مش عاوزه أعملكم مشاكل (بما أننا بنكلم بصراحه ههههههههه )

وجود لك ليكم بجد وأنتم من أجمل واجرأ الأماكن اللى على النت

باى

من طرف ????? الإثنين 25 أبريل 2011, 3:11 am

ملحوظه قبل ان أكتب

انا لست سلفيا ولا إخوانيا

لكن انا مسلم ودمى حامى شويتين

الأخت سجده كان ناقص تقول للنصرانيه أنتى هتدخلى الجنه والنصارى أحباب الله !!

والأخ خالد كان ناقص يقولها هنخلى أخوكى رئيس الجمهوريه

للأسف واحده رافعه شعار الإخوان والتانى رافع شعار الحريه

الله يلعن الحريه اللى خلت أمثالكم يتكلموا بأسم دين الله

أشهد ان لا إاله إلا الله وان محمد رسول الله

من طرف الشروق الإثنين 25 أبريل 2011, 3:59 am

أستاذ صعيدى انا مختلفه معاك فى رأيك وفى طريقة تعبيرك كلنا مسلمين

لكن من قال أن كلامك صح ؟؟

أنا متفقه مع سجده فى الرأى وأظن د خالد كان صريح جدا فى نقطه العقيده انا شايفه ان فى تجنى وتعصب

مع احترامى الشديد لرأيك

وانا كمان مختلفه مع الزائره ليه هتعملى مشاكل لو انضميتى لينا

مرحبا بكى وياريت فعلا تنضمى لينا

من طرف ???? الإثنين 25 أبريل 2011, 8:11 am

جزاكم الله خيرا دندنة و د. خالد على جميل الرد ... رد ابهرني و اسعدني لأنه ينم عن فهم معتدل للدين الإسلامي..

و بعد هذه السعادة التي شعرت بها و أنا أقرأ تعليقاتكم .. آلمني بل و صدمني رد "صعيدي" و احببت أن أذكره بالأمر الإلهي في قول الله تعالى :{ وَلاَ تُجَادِلُوۤاْ أَهْلَ ٱلْكِتَابِ إِلاَّ بِٱلَّتِي هِيَ أَحْسَنُ إِلاَّ ٱلَّذِينَ ظَلَمُواْ مِنْهُمْ وَقُولُوۤاْ آمَنَّا بِٱلَّذِيۤ أُنزِلَ إِلَيْنَا وَأُنزِلَ إِلَيْكُمْ وَإِلَـٰهُنَا وَإِلَـٰهُكُمْ وَاحِدٌ وَنَحْنُ لَهُ مُسْلِمُونَ } 46 سورة العنكبوت

من طرف ??? ??? الإثنين 25 أبريل 2011, 8:19 am

الأسئلة جميلة جدا

والأستاذ ساجدة سبقت ووضحت ما شاء الله

أستاذة شروق الأخ صعيدي مش ينفع يترد عليه

الإنسان اللي بيبقي عاوز يوصل لنقاش بيتكلم بإحترام

أظن رده لا يستحق أنه يتكتب عليه تعليق ويبقي مهتم به

لابد الرد اللي زي ده يبقي نكرة في وسط الردود

حاجة كده مستقطعة ما لهاش دعوة باللي قبلها واللي بعدها

كأن ما حدش شافه أساسا :D

من طرف ???? الإثنين 25 أبريل 2011, 8:24 am

جزاكم الله خيرا دندنة و د. خالد على جميل الرد ... رد ابهرني و اسعدني لأنه ينم عن فهم معتدل للدين الإسلامي..

و بعد هذه السعادة التي شعرت بها و أنا أقرأ تعليقاتكم .. آلمني بل و صدمني رد "صعيدي" و احببت أن أذكره بالأمر الإلهي في قول الله تعالى :{ وَلاَ تُجَادِلُوۤاْ أَهْلَ ٱلْكِتَابِ إِلاَّ بِٱلَّتِي هِيَ أَحْسَنُ إِلاَّ ٱلَّذِينَ ظَلَمُواْ مِنْهُمْ وَقُولُوۤاْ آمَنَّا بِٱلَّذِيۤ أُنزِلَ إِلَيْنَا وَأُنزِلَ إِلَيْكُمْ وَإِلَـٰهُنَا وَإِلَـٰهُكُمْ وَاحِدٌ وَنَحْنُ لَهُ مُسْلِمُونَ } 46 سورة العنكبوت

و أيضا عندما تهكمت عليهم و أنكرت عليهم حق بل وواجب التكلم عن الدين.. أذكرك بحديث رسول الله صلى الله عليه و سلم : "بلـّغوا عني ولو آية" ..

المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

رد: المسيحيون يريدون ان يفهموا أيه النظام يا شعب مصر ؟؟؟ هنبقى شعبين ولا هنفضل شعب واحد ؟؟؟

صدمة ما بعد السعادة !!

ما شاء الله

صدمية بعد سعادة