ساعـــــة حــــــــب

من طرف Dr.Oraefy الإثنين 13 يونيو 2011, 12:38 pm

"ساعـــــة حــــــــب"

وساعات بكون قاعد بفكر
وأسرح فى مستقبل بعيد
وأعيش وأعبر
يابلدى علشانك
بنسى وبقدر

وأهو جاى أكيد
ميلاد سعيد
لشعب إصراره عنيد
غيبوه...
همشوه...
حاولوا إنه يكون بعيد
وأهو أثبت إن وجوده
شىء فعلا فريد
وإبتدى حلمه الجديد
يترسم وبأغلى لون
لون دم الشهيد
اللى قلبه غنى
والرصاصة بتقتله
أجمل نشيد
""مصر لينا .....مصر بينا""
وهتبقى حريتنا عيد

ياهل ترى أحلامه هتعيد الزمان
وهيرجع الحب الجميل للمكان
ماخلاص إنتهى
عصر تكتيف اللسان
واللى هيغلط راح نقول فاسد
ومانفارق الميدان
مبقاش مكان بيننا لجبان
والكل للمعنى الجميل
غنى بإيمان

علمنا كل الدنيا
يعنى إيه ثورة حبيس
يعنى شعب
لما قال كلمته
ينتهى حكم الرئيس
يعنى إيد واحدة بتهتف
مصر حرة
هى دى مصر اللى خلت
كل واحد حبها أصبح هويس
مش هندى الفرصة
للى يزرع بيننا فرقة
وخلاص ظهر مين الخسيس

يلا نبدأ المشوار وبتحدى
كل صعب راح يهون
إتزرع فى قلوبنا مبدأ
عمرنا ماهيبقى بيننا
مين يخون
شايفين بلدنا مستقبل ولادنا
أحلى بسمة
هتشوفها العيون
دى عيون وسهرت
وقت مافتحوا السجون
حلفت وعاهدت للأمان يرجع
وترتاح الجفون
هى دى مصر بولادها
علمتنا إزاى نعيش
وإزاى نكون
صوتنا يعلى
بس بالحق وحقوقنا
والسكات بركان وخارج من سكون....

من طرف **لؤلؤة** الإثنين 13 يونيو 2011, 5:05 pm

يلا نبدأ المشوار وبتحدى
كل صعب راح يهون
إتزرع فى قلوبنا مبدأ
عمرنا ماهيبقى بيننا
مين يخون
حلوووووووو اوووووووووووى

من طرف **عذاري** الخميس 16 يونيو 2011, 6:45 am

عجبني كثيييييييييير

سلمت الاناااااااااااامل الي خطت هل كلمات

جزاك الله خيرا

من طرف **dandana ali** الثلاثاء 19 يوليو 2011, 3:26 pm

ياهل ترى أحلامه هتعيد الزمان
وهيرجع الحب الجميل للمكان
ماخلاص إنتهى
عصر تكتيف اللسان
واللى هيغلط راح نقول فاسد
ومانفارق الميدان
مبقاش مكان بيننا لجبان
والكل للمعنى الجميل
غنى بإيمان

كلمات القصيدة جميلة جدااااااا

جزاك الله خيرا

ساعـــــة حــــــــب

ساعـــــة حــــــــب

رد: ساعـــــة حــــــــب

رد: ساعـــــة حــــــــب

رد: ساعـــــة حــــــــب