ضعف ولا تستر على فساد ولا احنا مش فى ثورة؟؟؟!!!!

من طرف **dandana ali** الخميس 21 يوليو 2011, 12:26 pm

اكيد سمعنا بمشكلة فى الاثار على الوزير الجديد وبعد اختياره فوجئنا باعتذاره

انا ماكنتش فاهمة اى حاجة بس فهمت من برنامج وفى الرأى والرأى المضاد

وهلخص اللى اتقال على يد
الدكتور عبد الفتاح البنا

ومحمد عبدالمقصود

دكتور البنا واضح جدا واثبت انه عنده مستندات تدين الفساد اللى موجود فى الاثار وانه كان لازم يتم تطهير وزارة الاثار قبل العمل فيها
وخااااصة وده معروف حتى فى محافظات سياحية زى اللى انا موجودة فيها ان مشكوك فى الاثار اللى هنا انها مزورة والحقيقية يلا السلامة

نرجع تانى لموضوعنا هو قال انه تم استدعاءه للنقاش من 40 يوم وكان تبع الوزراء اللى تم رفضهم من العسكر
لكن دلوقتى تمت حملة ضده بشده بعد الاعلان على انهم اختاروه كوزير

طيب لييييييييييه ياجماعة مش عايزينه؟؟؟؟

ردوا وقالوا اصله مش متخصص

يعنى ايه؟؟؟
اصله مرمم مش اثرى وممن المرمم ده يكون خريج زراعة او كيمياء او اى حاجة
نقلا من دكتور محمد عبد المقصود اللى ضد تعيين البنا

تم الرد من البنا نفسه انه خريج اثار اساسا واحد اقسامها الترميم وهو متخصص فى ده لكن كلية اثار تخرج اثرى وحفار ومرمم

ده وجهة نظرهم والرد عليها

ده سبب مقنع؟؟؟؟؟؟؟؟؟؟؟؟؟؟؟؟؟؟

تمام نشوف نقطة تانى تم الذكر والتأكيد من عبدالفتاح البنا انه كان هيفتح القديم
وعصام شرف قاله اخر مرة
عفا الله عما سلف
يعنى ماتفتحش فى القديم
بس عصام شرف نفى ان ده كان قصده
بس مانفاش الجملة اللى قالها للبنا

انا عن نفسى فهمتها انه يسكت عن الفساد والبنا نفسه قال لو حد فهم حاجة تانى يقولى
طيب ازاااااااااااااااى ؟؟؟ هو فى حد يقدر يبنى ويعمر ويسيب حد يهد جنبه ومايتحاسبش على السرقة

هو احنا مش فى ثورة ولا اييييييييييييه؟؟؟

المفاجاة كانت ان بالفعل تم ابعاد البنا ونجح الفساد

طيب اما هو وحش مش متخصص ادينى بفكر عادى جدااا معاكم
ليه تم اختياره من الاول؟؟؟؟

يبقى كده احنا قدام حالة من الاتنين فى وجهة نظرى المتواضعة
اما ان الوزارة اختياراتها سيئة من الاول ومش بتختار ناس كويسة او متخصصة او ناس مش على كفىء
ملحوووظة ده باين من التشكيل اللى قبل كده واللى اعترفت بيه الوزارة وعشان كده بدأوا يغيروا وياخدوا وجهة نظر الناس
بس ياريت بتتنفذ
!!!!!!!!!!!!

او الحاجة التانية انها وزارة ضعييييييفة تعين وزير ويبقى كويس ومحترم وجاى ينضف الوزارة ويقدم خبرته ومشروع بدل مايكلفنا ملايين هو هيعمله
باقل بكثير
يقوم ناس تقول لاااااااااا ده مش متخصص ورافضينه ويتم التأكيد انه متخصص وخريج اثار
ويتقاله عفا الله عما سلف
يعنى اييييييييييه؟؟؟
تستر على الفساد

اعتقد ان السببين ضد الوزارة مش معاها او فى صفها وماينفعش نقول عليها ساعتها
وزارة ثورة

تعرفوا ان محمد عبد المقصود اللى هو عامل حملة ضد البنا عشان مايتعينش بس هو نفى انه عمل حمله
المهم انه قال ان مبارك بوظ الاثار لما عمل وزارة اثار
تمااااااام
قاله المذيع يعنى انت كنت ضد ده ورفضته فى عصر مبارك؟؟
قاله ايووووه
تم الرد من مدير قطاع الاثار بس مش متذكرة اسمه انه كان تبع الناس اللى عملت وقفة احتجاجية لاقامة وزارة اثار
!!!!!!!!!!!!!!
وتم التأكيد من البنا برضو

وغير ان المدير ده طلع ورق يثبت ان محمدعبد المقصود كان بيعمل مع امن الدولة
طبعا وشه اتغير واتلخبط واتنرفز وقال انه مش بيخاف وان هل ده يرضيك؟؟ كان بيكلم المذيع

طبعا موقف وااااااااااضح ومثااااال وفى امثله تانى زى الداخلية مثلا ووزير الاتصالات اللى تم ابعاده
يخلينا نقف شوية ونقول

هل دى حكومة ثورة
ولا حكومة للتستر على الفساد
ولا حكومة ضعيفة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والاهم الناس دى حاسه اننا فى ثورة ؟؟؟ ولا عايزين يخلوها حلم جميل ونفوق منه
[b]وساعتها ينفع نسكت ونسيب كده ولا ايه؟؟

الحلقة من برنامج الحقيقة اللى شوفت فيها النقاش او المناظرة بين الطرفين والمذيع هو وائل الابراشى

D.A

[/b]