حكاية فتوشة 7

من طرف **dandana ali** الأحد 07 أغسطس 2011, 11:27 pm

فففففففففففففففففففتتتتتتتووووووشششششههههه
(طبعا عايزين تعرفوا ايه ده
ده جرس انظار مصغر فى بتنا
اسلام اعسل طفل هتشفوا فى حياتكوا
هتحبوا لمده 3 دقايق اللى فى بداية اللقاء
بعدان و ربنا هتكرهوا حياتكوا مش اسلام بس )

اسلام: فتوشه اصحى يا فتوشه عندى ليكى خبر مش قادر اقلك هيفرحك ازاى
هيفرحك لدرجه انك ممكن تخلينى العب فى اوضتك برحتى
انا: ايه فلسطين حراروها مثلا هو ده الخبر الوحيد اللى يخلينى ادخلك اوضى

اسلام: لا يا فتوشه ده محص....
انا : يبقى سبنى اننااااااااااااااااااااااااااااااام
اسلام: يا فتوشه قولى حاجه ممكن تحصل دلوقتى حالا وبجد بعدها هتحبينى زياده
انا:ايه ماما و بابا خرجين و العسول الكبير نازل و هيخدك معاه
هقعد فى البيت لوحدى اخيرا
احمدك يا رب
اطلع برده بقى

اسلام: بطلى احلام بتاعت الناس الصاحيه دول
و بعدان يا فتوشتى يا اختى سعتها هقعد ارزل عليكى
خمنى بقى انا جيبلك خبر ايه
انا :اخلاص يا اسلام يبقى انا اللى همشى صح ,يبقى بابا جاب عريس و انتو نوايتوا انى امشى من وشكوا
قول لبابا يا سمسم فتوشه نايمه و مش فاضيه خالص و لو مصر دلوقتى قلوا نو

اسلام : بت انتى اصلا عنيستى من تو ييرز (مثقف زى اختو)
انا: يعنى عايز ايه يا اسلام اخلص

اسلام :كنت عايز احكيلك على اللى حصل مع هنا
(اوبا الموضوع شكلوا كبير فوقى يا فتوشتى كده )
انا:مين هنا يا سمسم
اسلام: كلام فى سرك متقوليش لحد
انا: طيب مين هنا
اسلام :دى البنت اللى بحبها
(نعم نعم بيحب مين مقصوف الرقبه ده
حبها امتى دى و ماما كانت فين
كنتى نايمه على ودانك يا ست منى
امهات اخر زمن صحيح)

انا: يا حبيبى انت صغير و بعدان هنا دى انت شكلك متعرفهاش كويس ممكن تطلع بنت مش كويسه

اسلام: مش كويسه ازاى
قصدك بتكلم ولاد يعنى
هى بتلعب معاهم بس و بعدان اكيد دول زى اخوتها

انا: قلتلى هنا فى سنه كام
و بعدان هما مين دول؟

اسلام: هنا فى اولى ابتدائى خلاص هى رايحه تانيه دلوقتى
و دول ولاد كتير تقدى تقولى عشره
(تصدقوا انا مش عنست من تو يير
انا اصلا اتولت معنسه )

انا:دول زى اخوتها ماشى يا اسلام
و الست هنا ايه بقى اللى عجبك فيها
رجع اسلام كده بظهروا لورا و راح قال:
انسانه كامله
(نعم يا حبيب مامى )
وبعدان بصراحه معهاش اى صفه من صفاتك

انا: ايه يا واد انت جى تهزقنى فى اوضتى
اطلع برده و اقفل الباب
عارف لو لمحتك بتكلم هنا دى هكعبلهالك

اسلام: انا غلطان انى كلمتك انا هروح لاخويا حبيبى
و تقوليلى هتمشى ادى دقنى لو لمحتى مشيان من البيت ده

انا: اطلع بره يا اسلام

(كان اتشك فى لغاليغوا لما اتقدملك )
ده اسلام بيبرطم (فكرينوا الراجل بتاع رجل الكنبه ده )

و قضينا باقى اليوم فى نظرات عدائيه بينى وبين سمسم
و طبعا انا اطقست و عرفتلكوا مين هنا
بت مايعه كده سكنا فى العماره اللى قدمنا
بس انا مزعله اسلام
مبقاش بيكلمنى
و هو برده مستفز و مزوده

المهم انا جبت شكولاتات
ايه رايحه اصلاح اسلام ,اسلام هيخدهم و يجرى ولا يعبرنى اصلا <<<

رحت لهنا

بت تنكه و بيخه و شايفه نفسها
انا مش عايزه اكرهكوا فيها
بس هى كانت واقفه بتلعب قدام بتنا
و لبسه ميكروا جيب و بادى كاب و كل شويه تلعب فى شعرها
(اوعوا تفتكروا انى غيرانا منها ابدا )
و موقفه اطفال الشارع على رجل و بتقو لكل واحد يستخبه فين
(على ايه نفسى افهم ,هى يعنى عنيها زرقه و حلوه شويه .شويه صوغيرين مش قوى يعنى )
و مشعلقه الواد على ااخو ندى على الحيطه كل ده
على : خلاص
هنا : لسه
على :خلاص
هنا : يوووه بقى يا على هزعل منك بقى , زهقت
على :لا يا هنا متزعليش لما تخلى قوليلى يا على خلاص و انا هخلاص على طول

و طبعا هنا ما ردتش عليه ( جامده يا بت )
رحتلها انا بقى <على اخرى انا
قلتلها :انتى هنا ؟
هنا: عايزه ايه
انا : انا فت .......بسمه اخت اسلام
هنا بقى قعدت ترغى ,ترغى كلام يشل
و انا بقى ايه على اخرى من ساعت ما شفتها <معلش يا فتوشه
خليها عليكى المرادى
عشان خاطر سمسم يا توشه
كرهت اسلام بقى و جبت اخرى
البت صغيره
لكن لما قالت: اسلام ده زى اخويا انا مبحبوش

دمى فار بقى
و رحت مزعقلها
(انتى فاكره نفسك شاكيره )
اكلمه دى قلتها وانا معلقاها فى ايدى
جه اسلام و طبعا مخنوق منى
ما انا مش بكعبلها بس ده انا بخنوقها

سبت الست شاكيرا
وهيا لمست الارض من هنا
و نطقت فى وش الواد : ايه يا اخى مش بحبك
(هتعقدى الواد جاتك نيله)
و هوب طارت من قدمنا
وانا واسلام بصينا لبعض و قعدنا نضحك

و بليل ماما جرجرتنى انا واسلام و بابا <يا عينى عليك يا حبيبى
على بيت هنا

دخلنا البيت
بيت لطيف ,ظريف
كل ده احنا على باب الشقه .دى مجرد توقعات لشكل البيت من جوه
(البيت بيبان من بابوا ,الله )
فتحلنا الباب راجل مبتسم كده و لطيف
و بابا بس قالوا ان احنا عيله اسلام
و الراجل رحب بينا جدا
ودخلنا و فعلا البيت حلو بيدل على ست منخيرها فى السما و أليطه (صبرنى يا رب)
جت بقى ربه هذا المنزل هى و هنا
زى ما قلت بالظبط (انا اصلا بقول ديما حجات زى الفل بس انتو مبتصدقوش)

و ماما هاتك يا اعتزار و رمت اسلام عشان يعتزر لهنا
و انا و هى على طنط و بابا على عمو
بابا قال لعمو احنا اسفين
فراح الراجل ببساطه مفيش مشكله ده لعب عيال
انما احنا شفنا شغل ستات على اصلو
مراتوا راسه والف جزمه لتكبر الموضوع

ماما راحت همسالى اعتزرى عشان حاسه بمحضر فى الطريق
انا: سورى يا طنط
هى: لا على ايه بهدلتى البنت بس
انا: معلش بس اصلى اتنرفزت عشان اسلام
هى: يعنى هى بنتى ذنبها ايه اخوكى حبها
انا : حضرتك اللى هما فى ده اولا مش حب ده لعب عيال
هى : انتى بتتفلسفى
انا بقى لسه هطلع الطلعه الكبيره
جه الللى خرسنى
لا مش ظابط جيش خالص

واحد طول بعرض بارتفاع
ولا تقولى اسدين قصر النيل بقى و لا برج القاهره يا معلم
دى حاجه اعلى من كده بكتير
ده اخوا هنا
دخل بقى البرنس
و قال: ايه يا ماما ,ده فعلا لعب عيال
بنت يا هنا
تعالى اعتزرى لطنط
جت هنا بصه فى الارض و قالتى :سورى يا طنط
(طنط فى عينك ده انا اصغر منك بتو يرز اصلا )
هذا الشئ قال: اوكى يا مامى <هما كائنات الفضاء بيقولوا مامى
عايزه حاجه .
عشر دقايق الواد متسمر و هى مابتردش
سبها و مشى ,يعطل نفسوا يعنى .
و الست حست ان مخطاطها كلوا اتبرجل و اتفرتك بسببوا
وفجه و شها بدء يحمر من الغيظ
فا قمت انا بقا و قلت: يلا بقى يا ماما عشان منقلقش الناس ,فرصه سعيده يا طنط .
و هوب ديلى فى سنانى و اسلام تحت كتفى و هاتك يا جرى على بتنا
شكلها كان مرعب اوى .

ايه بتسئلوا عن ماما ؟
فى الحقيقه انا سبتها لوحدها دى برده امى ولازم تسد فى الحجات اللى زى دى
و الجرى الجدعنه كلها و لا ايه
نهى الطاهر

من طرف **عذاري** الثلاثاء 09 أغسطس 2011, 8:58 am

ههههههههههههههههههههه

حاوه كثير

يسلمووووو

جزاكي الله خيرا

حكاية فتوشة 7

حكاية فتوشة 7

رد: حكاية فتوشة 7