انا إنسانة فاشلة بلا طموح

من طرف ? ? الأحد 04 نوفمبر 2012, 3:45 am

أنا انطوائيه وعلي طول قلقانه وخايفه ومش عندي اصحاب ولا بخرج ولما بنزل اجي اقول لماما هي ليه الناس بتبصلي كده وبحس ان انا مش فهمه حاجه في اي حاجه وطريقه كلامي وتصرفاتي بقت لا أراديا كأني طفله ومبقاش ليا اي طموحات

واي حد يسألني انت نفسك في ايه او بتحبي ايه اقوله معرفش انا مكنتش كده زمان انا كان عندي طموحات كتيره اوي وكل فتره مش طويله بوصل لدرجة من العصبيه ممكن تأذي اي حد حواليا بسبب كلامي الجارح

حتى كمان بغلط في نفسي مش ال قدامي بس ده مش طبعي انا في الحاله ديه من تلات سنين انا تعبانه من كده وعاوزه اتغير لكن حاولت اغير نفسي كتير ومعرفتش ياريت تساعدوني

ياريت حد يساعدنى بجد انا حطيت المشكلة فى اناكن كتير ومأخدتش رد فاعل

من طرف **dandana ali** الإثنين 05 نوفمبر 2012, 2:31 pm

السلام عليكم
عاملة ايه الاول؟ وكل سنة وانتى طيبة
بصى ياحبيبتى مافيش حاجة اسمها انك تقعدى ترددى لنفسك كلمة انا فاشلة
لانك هتقفى فى مكانك وهتفضلى زى ما انتى
شوفى ايه اللى غيرك كده وحاولى تصلحيه
وقولى لنفسك ان فى ناس غيرك كتيرررررررررر مروا بظروف صعبه بسبب مرض او ظروف اجتماعية صعبه بس ماخلتهمش يقفوا ويستسلموا للفشل يبقى انتى استسلم ليه؟؟؟
قولى لنفسك عالطول ان حالك احسن من حال غيرك اكيد
وخليكى عارفة ان مافيش حد هيساعدك فعليا الا انتى ممكن تسمعى النصيحة بس ماتنفذهاش لكن لو انتى عندك اراده من جوا نفسك وعايزة فعلا تتغيرى هتاخدى بالنصايح لان اكيد كتير نصحوكى
فابدأى بنفسك الاول لان انتى اللى هتخافى على نفسك وانتى اللى هتضضرى اول واحدة

فقررى انك لازم تتغيرى وهتخلى لنفسك مكانة وسط
وقوى علاقتك بربنا وهتحسى ان الابواب ابتديت تتفتح وادعى كتير ينور بصيرتك
بس مش بالدعاوى بس طبعا ههههههه لازم الشغل على نفسك

وربنا معاكى ياقمر

من طرف caroool_karimi999 السبت 10 نوفمبر 2012, 1:57 am

حبيبتى المشكلة التى تحكى عنها مشكلة مشخصة حالها وهى حالة لفشل الذاتى

اسمعى حبيبتى فى أى أختبار بالدنيا يوجد شىء اسمه حد أدنى وحد أقصى ودرجة للنجاح ودرجات للتقديرات

فمثلا لو أننا دخلنا اختبار السيكولوجى وقلنا الدرجة من 100

والنجاح من 50 والتقدير الممتاز من 85

وهكذا

فى هذه اللحظة حين يكون لديك درجة 90 من ال 100 فأنت ممتازة

لكن لو فرضت لكى أن الأختبار كان من 1000 فوقتها النجاح سيكون من 500

فلو قوت لك درجتك الآن 90 فانتى فاشلة وراسبه

إذن يجب ان نعرف ما هو الحد الأقصى وما هى درجة النجاح فى أى فعل وليس الفعل نفسه

هذه مشكلتك ببساطة يا جميلة أخواتك

انتى فعلتى فعل معين وقد يكون ممتاز وقد يكون فاشل فعلا وسىء ولكن كيف ستعرفى ؟؟

أنتى لم تحددى هدف او طموح

حتى الرسوب له طعم مر ولكنه مريح ولكن الحالة التى بك أنك فى حيرة ولا تعرفين أصلا

إذن ما الحل

أنصحك بأستعمال الورقة والقلم

وأحضرى نوت صغيرة وأكتبى جدول كبير

النصف الأيمن مميزاتك من وجهة نظرك

أكتبى كل شىء أنتى جيدة فيه مثلا هل شكلك مميز هل أنت جسدك رائع هل أنتى صوتك جميل ه أنتى ذكية هل انتى متفوقه عليما هل أنتى فى مهنة راقية هل أنتى لديك موهبة فى أى شىء الخ ستجدى كثير من الأشياء

ثم اكتبى فى الجانب الأيسر كل عيوبك

هل شكلك ليس جميل مثل صديقاتك ؟؟ هل أنتى عاطلة ؟؟ هل انتى لست ذكية هل أنتى متردده ؟؟ الخ

فى الصفحة التالية ضعى الأهداف الكبرى لعمل معين تريدين إنجازه

واكتبيه بالخط العريض الكبير

فى الصفحة التالية ضعى خطتك وراعى فيها المميزات والعيوب وألعبى على نقطك الإيجابية وكيفية أستغلالها

أريد معرفة معلومات أكثر واكثر عنك وقد أساعدك اكثر

يعنى ما هى دراستك او ما هو عملك الخ

إذا كنتى موجوده يسعدنى الحوار معك

انا إنسانة فاشلة بلا طموح

انا إنسانة فاشلة بلا طموح

رد: انا إنسانة فاشلة بلا طموح

رد: انا إنسانة فاشلة بلا طموح