لا اعلم هل أصارحها ؟

لا أعرف ماذا أقول
 
انا لقيط لا أعرف لى أما ولا أبا
 
وعيت على الدنيا لأجد نفسى بلا أهل
 
وعى الكثير من الأطفال مثلهم مثلى
 
الحمد لله وهبنى الله بنعم كثيره منها الشكل الجميل الأوربى
 
والعمل الجيد
 
فأنا اعمل طبيبا بيطريا وربنا فتح عليا جدا وقدرت أنى اكون نفسى وامتلك مزرعه خاصه بى
 
 
عمرى 30 عاما ومعى شقه وسياره وحالى متيسر جدا والحمد لله
 
ووجدت إنسانه أحببتها كثيرا
 
 
دارت بيننا قصة حب عمرها الان 9 شهور..هى طبيبه بيطريه مثلى
 
من أسرة متوسطة الحال
 
تبادلنا كلمات الأعجاب
 
 
ولم أصرح لها بما فى قلبى ولكن نظراتنا بتتفاهم
 
 
هى وكل من يعرفنى يعرفون انى لا أهل لى
 
 
 
مقطوع من شجره يعنى
 
 
 
لكن لا يعلمون أنى لقيط ومتربى أصلا فى ملجأ
 
 
لا أريد منكم التسرع
 
 
لأنى عارف أن ردكم هيكون انى أقول الصدق والحقيقه
 
 
 
لكن قبل النصيحه أرجوكم حطوا نفسكم مكانى
 
 
وتخيلوا أن يعرف المحيطين بك فى كل مكان انك أبن خطيئه
 
مش عارف أقولها أو لا ؟؟
 
ولو خبيت عليها وعيشنا حياتنا عادى فيها أيه ؟؟
 
 
صحيح دى كدبه لكن كدبه مش هتضر أى حد
 
 
وهى كده كده عارفه انى مقطوع من شجره
 
هو لازم يعنى أقولها انا وأعرفها من غير ما تسأل هى
 
ولا كده هكون بخدعها
 
 
بجد انا محتار وخايف أقول أرجع أندم خصوصا ان مفيش حد هيسألنى ولو أنا خبيت مفيش حاجه هتحصل
 
 
 
أنا محتار بجد