ماهو برنامجك اليومى فى رمضان؟؟؟

كل عام وانتم بخير ورمضان كريم عليكم وعلي كل المسلمين ماهو برنامجكم اليومي في رمضان تقبل الله منا جميعا

يلا كل واحد يدخل ويقول البرنامج اليومى بتاعه علشان كلنا نستفاد من بعض ونشجع بعض باذن الله


هستنى مشاركتكم

بصى يا نوسة انا اهم حاجة عندى فى شهر رمضان عبادة ربنا
يعنى ما فيش حاجة عندى اسمها مسلسلات والكلام ده وانتى عارفة انا مليش فى المسلسلات والافلام اصلا
ناوية ان شاء الله اصلى السنن طبعا الفروض ده شئ مفروغ منه اكيد مش هستنى رمضان عشان اصلى الفروض ده حتى يبقى عيب علية وطبعا اكيد قراءة القران ده شئ اساسى وقيام الليل وطبعا مش هنسى ان اساعد مامتى فى كل حاجة وطبعا صلاة التراويح

بس بدعى والله ربنا يعنى وااقدر اعمل كدة اكتر كمان بكتير بس انتى عارفة انا مشغولة اد ايه بموضوع شهادة التخرج و الابلكيشن و الانترفيو عشان الشغل وكمان تقيم الدراسات العليا والكورسات ربنا يستر
ويارب يقوينا كلنا على عبادته على اكمل وجة ويجعلنا من المغفورين لهم فى رمضان
الللهم اميييييييييين

ربنا يعينك يا لولو انا عارفة طبعا المشغوليات دى بس انا عارفة انك ان شاء الله هتقدرى توفقى ده مع العبادة وان شاء الله تقدرى تحققى خطتك واكتر كمان يا رب

موضوع حلو أنا بقى فى رمضان بيستفزنى نوعيتين من البشر

النوع الأول ..يسهر كتير اودام التلفزيون لحد السحور وينام لحد قبل المغرب بساعه ويصحى على الفطار تقريبا

النوع التانى واللى بيستفزنى هو اللى بيوقف حياته علشان رمضان ...صوم وصلاه وقران وكله تمام لكن بقيه الحياه يوقفها ..يعنى شغل مفيش ..عمل مفيش

هو اللى احنا بنصومه ده صوم ؟؟ زمان لا كان فى تكييف ولا مراوح ولا مواصلات وكانت الناس بتصوم فى الصحرا

وحاربنا واحنا صايمين فى غزوه بدر ...يعنى النبى عليه الصلاهو السلام مقالش نأجل الحرب بعد رمضان

المفروض ان العبادات تزيد فى رمضان طبعا ...يعنى مثلا صلاه القيام كل يوم وقراءه القران تزيد

لكن لازم نشتغل ولو طالب يذاكر ولو موظف ميعطلش مصالح الناس ولو دكتور يروح المستشفى الخ

أما اللى بتحججوا برمضان علشان يناموا ويبطلوا شغل

واللى بيقولوا انهم خايفين يطلعوا الشارع لحسن صيامهم يضيع ....بجد بيستفزونى

أسف على التطويل وشكرا على الموضوع

عندك حق يا دكتور فعلا مهو برده العمل عبادة ويا رب كلنانستفيد من شهر رمضان على اكمل وجه فى العمل للدنيا وللاخرة
وميرسى على مرورك وكلامك

ما شاء الله يا اميرة ربنا يوفقك ويعينك