رساله إلى الجيل القادم

من طرف **عذاري** الأربعاء 15 سبتمبر 2010, 10:02 pm

رساله إلى الجيل القادم

يعني ما غير الجندي اللي هزّه الشوق و رمى

غنّا على نغمات " يا عصفور وينك مختبي"

قنّاص ابن قنّاص .. قتل النفس عنده شرب ماء

ما دام قنص الصامدين ألذْ من قنص الظّبي

يعني ما غير الطفل (محمد الدره)ذاك اللي ورا أبوه احتمى

كم من نعش ملفوف بالبيرق و بأطراف العبي

ما احنا لنا خمسين عام نفكّر نصون الحمى

كنّ العروبه في دم المستعربين أي أجنبي

حنّا ولفنا هالرصاص اللي بالأحضان ارتمى

عقب الحمام اللي ولفنا في سمى مسرى النبي

حنّا على بير السلام اللي ذبحنا بالظمى

كل أغبيانا يحلفون إن الزمن هذا غبي

داوود هذي نجمته تخطب عشاشيق خصما

لو كان يحرقها مية مليون مخلص يعربي

كم غيّر الشاشه بعد ما ملّ من شوف الدماء

متبلّدٍ .. قال ايش قال اهتّز من موتة صبي

عقول يا مال الغبا .. و عيون يا مال العمى

و أزوال يا مال المرض .. و أموال يا مال السبي

الله يا حلمٍ نلوكه كثر ما العايل زما

ما قوّم الدوله و خلاّ الحلم يولد و يحبي إلا دلال المغربي

يوم أرخصت غصنٍ نمى

ياهل العزاوي ما دريتوا من دلال المغربي

هذي شجرةٍ ثابتة و فروعها وسط السما

قالت قبل توديعنا : يا أرضي من الروح اشربي

يالله ما دام آمال أهلنا فوق طاولة زعماء

انك تقدينا الصراط المستقيم اللي النبي

و إن كان طالت و العصافير أسرف بها اللي رمى

يالله بجيلٍ كلّه يشابه دلال المغربي

قصيد الشاعر العملاق ناصر القحطاني شاعر الاندلس