أسألكم ان تدعو لى بالموت

السلام عليكم
أولا طبعا انتى لازم تستنى رأى الدكتوره شروق أو الأستاذه أنجى لأنهم متخصصين
بس أنا مابدخلش أعلق فى مشكله الا للضروره
بس ياجميل ليه مسميا نفسك قاتله ؟؟؟؟ طاب هو أنتى اللى قتلتى؟؟؟
وليه بتطلبى منا حاجه عمرنا ماحنقدر نعملها أزاى أدعى عليكى وأنتى أختى... آه طبعا أنتى أختى أولا وأخيرا فى الأسلام
ومش أنتى اللى قتلتى وفعلا انتى شخصيه كويسه لأنك بتلومى نفسك والعيب فى الأول فى الآخر على باباكى مش انتى ماتحمليش نفسك فوق طاقتها صدقينى
أيوه فعلا انتى غلطتى انك ما أعترفتيش بس ده اعتقد تصرف طبيعى أنتى كنتى بتدافعى عن باباكى مش اكتر ولاتبكى على اللبن المسكوب
وعامة المهم دلوقتى انك تعرفى ان ده أبتلاء من ربنا ولازم تنجحى فيه قدام ربنا مافيش حد فى الدنيا ربنا مش بيبتليه بس في اللى بيحب يبنجح فى الأختبار وفى اللى بيسلم ويسيب الدنيا وطبعا لازم يكون عندك أراده
أستغفرى ربنا ياسكر وما تقوليش على نفسك كده ولا تسمحى لنفسك انها تهزمك وكملى حياتك

ماشى وبرضو بكرر استنى رد شروق او انجى
يلا سلام وتبقى تطمنينا عليكى والأهم تتناقشى هنا معانا

بجد انا مش عارفة اقلك ايه لانه موقف صعب

الساكت عن الحق شيطان اخرس

وبرده ده بباكى ومش ينفع تسجنيه

موقف صعب ربنا يكون فى عونك


بس متقوليش على نفسك كدة وانتى زنبك ايه


فعلا زى ما قالت دندنة


استنى راى دكتور شروق واستاذة انجى

وربنا يفرج كربك امين يا رب العالمين

بجد أنتى أثرتى فيا
 
مشكله عامله زى السكينه اللى ليها حدين
 
بس هل انتى فعلا شور أنه هو اللى عمل الجريمه دى ؟
 
مش يمكن وهم أو هو مظلوم ؟ وبكده يكون الموضوع كله محلول ؟

مش عارفه أوقلك أيه لكن انتى غلطى ..شهادة الحق تتقال ولو على الأب

ولو كان ذا قربى مش معناه انك تتسترى عليه

كل اللى ٌدر أقوله ليكى انك لازم تصلحى غلطك ولو تقدرى تشهدى البحق حتى لو كان على أبوكى لازم تقولى شهادة الحق وترجعى الحق لأصحابه

وعندى ليكى حل وسط الان ممكن تحكى لوالدتك وهى ممكن تسمعك وتعرف تتصرف

ده كل اللى أقدر أقوله ليكى